Lauren’s POV
Tanghali na akong nagising dahil nakiusap ako kay Daddy na huwag muna akong gisingin ngayon para sumabay sa breakfast namin. Sobrang napagod ako sa pakikipagtalo kay Ezekiel kagabi dahil pigil nang pigil sa akin. Hindi ba kami napapagod sa paulit-ulit na pagtatalo? Ano ba ang ipinaglalaban naming dalawa? Hindi ba dapat pagmamahal namin ang ipinaglalaban namin kaysa kaming dalawa ang nag-aaway? Kung gusto niyang ipaglaban ang relasyon namin . . . bakit ngayon lang niya iyon ginagawa? Kung kailan marami na ang masasaktan.
Nasaktan niya ako at ayaw kong ganoon din ang gawin niya kay Avery. Kahit naman may sungay ang babaeng iyon ay mahirap makaramdam ng sakit at kahit sino pang babae ay hindi dapat nakararamdam ng ganoon. Pagod na akong makipagtalo sa kanya. Ayaw ko na ulit na
