Lauren’s POV
Halos hindi ako makagalaw noong nakapasok ako sa bahay ng mga tunay kong magulang. Hindi ko inaasahan na may masasaksihan ako ngayon at hindi ko inaasahan na ang pangyayari ito ang magpapaalala sa akin ng naging takot ko noon. Mabilis na tumulo ang luha ko habang nakatingin sa sahig. Kagaya ng madalas na nangyayari sa akin noon ay napahawak ako sa dibdib ko dahil pakiramdam ko ay hindi ako makahinga nang maayos. Bumalik sa ala-ala ko ang pangyayari noong nakita ko ang kinilala kong ina at kapatid na duguan. Nakalimutan ko na minsan ay kinatakutan ko ang dugo at pagpunta sa ospital sa tulong na rin ng mga mahal ko sa buhay. Hindi ko inaasahan na muling magbabalik ang takot sa akin noong nakita ko na punong-puno ng dugo ang sahig ng bahay nina Daddy. Nagkakagulo sila pero nandi
