Ezekiel’s POV
Alam naman ni Lauren na dadalaw ako sa bahay nila ngayon para kausapin sina Tito Ge, Grandpa, Tita Pia, Angelo at para na rin makabawi sa bunsong kapatid ni Lauren na si Jace. Mas inagahan ko lang para maabutan kong tulog si Lauren, sinamahan pa ako ni Tita Pia para gisingin si Lauren pero nang makita kong mahimbing ang tulog niya ay sinabi ko na lang na hihintayin ko siyang magising dahil alam ko naman na magiging mainit na naman ang ulo niya kapag na-istorbo ang tulog. Ayaw na ayaw pa naman niya iyong nabibitin sa tulog.
Bumaba na lang kami ni Tita Pia at naging abala siya sa kusina habang kami naman nina Tito Ge, Angelo, Grandpa at Jace ay lumabas ng bahay para magkuwentuhan. Hinayaan na lang namin si Jace na maglaro sa gilid namin. Maaga siya nagising dahil sa ingay na
