Lauren’s POV
Na-appreciate ko ang pagpunta ni Ezekiel dito sa bahay para kausapin sina Daddy kahit pinagtripan pa siya kanina ng mga ito. Pagkatapos namin kumain ay hinayaan kong ipagpatuloy nila ang pag-uusap na naudlot kanina noong dumating ako at nag-ayang kumain. Bago naman pumunta rito si Ezekiel ay nag-usap-usap na kami at nagpasalamat ako sa pamilya ko na kahit hindi ko na sinabi sa kanila lahat ng nangyari sa paghihiwalay namin ni Ezekiel ay nagagabayan pa rin nila kami.
Malaking bagay ang pagtulong nila para magkita kami ni Ezekiel kahit na nasasaktan pa ako noon dahil mas napatunayan ko lang na mahal ko pa rin talaga siya. Hindi rin naman nila hinayaan na saktan pa ako ni Ezekiel dahil hindi na sila tumulong at sumuporta noon para makausap pa niya ako kaya nagsariling sikap na
