Lauren’s POV
Pagkatapos ng maraming pag-uusap ay nagkasundo na rin sa wakas ang mga schedule naming magkakaibigan at si Kelly muli ang nag-asikaso kung saan kami pupunta dahil napansin namin na kapag si Kelly ang nag-aya, nahihirapan na kaming tumanggi lalo na kung alam ni Kelly na walang trabaho sa araw na iyon. Nakatutuwa lang din na kahit hindi na kasing dalas ang pagkikita namin na kumpleto ay masaya pa rin kami kapag nagkikita-kita na parang hindi lumipas ang ilang buwan o taon.
Dahil muli kaming nakumpleto, hindi maiwasan na maalala ko na minsan na rin kaming naging kumpleto noong hiwalay sina Kelly at Dan dahil naalala ko kung paano namin sila nakitang mag-usap noong parehas silang lumabas. Kahit hindi namin narinig kung ano ang pinag-uusapan nila, umabot sa amin ang sakit noong p
