Masaya kong pinagmamasdan ang dalawa kong anak na nag hahanda na para sa kaarawan nila. 16th birthday nila ngayon at pinaghandaan talaga ito ni Van. Si Van ang nag ayos ng lahat para sa birthday ng kambal.
"Mommy, ano ba mas magandang kulay? Itong blue o pink?" tanong ni Aliana sa akin.
"Blue na lang sa ‘yo. Alam mo namang paborito ko ang pink," sagot ni Alayna sa kanya.
Napatango naman si Aliana at inabot ang kulay pink na hikaw sa kanyang kapatid. Napangiti naman ako. Para pa rin talaga silang mga bata. Ang bilis talaga ng panahon. Parang kailan lang ay nasa sinapupunan ko pa lang sila.
"Ate, paayos nga nito. Ang tagal ni Momshie eh," sabi ni Alayna kay Aliana habang itinuturo ang buhok nito.
"Halika nga. Ako na mag aayos sa ‘yo," sabi ni Aliana sa kapatid. Lumapit naman si Alayna s
