PUWEDE kayang tumili at sumayaw sa gitna ng kalsada? Hindi ba siya masasagasahan o kaya dadamputin para dalhin sa mental hospital? Kasi sobrang saya ni Anika sa mga sandaling ‘yon at hindi niya alam kung paano ilalabas ang sobrang emosyong nagpapalobo sa puso niya. Ang sarap sa pakiramdam ang kumanta. Mula pa noong bata siya ‘yon na ang nagpapasaya sa kaniya lalo na kapag malungkot o kaya nababagot siya. Pero mas masarap sa pakiramdam na purihin ang talento niya ng katulad ni Rob Mitchell. Hindi pa niya alam kung may mapupuntahan ang naging pagkanta niya kanina. Hindi niya alam kung magugustuhan siya ng producers at ng may-ari ng Diamond Records. Pero sa ngayon, kuntento siya sa naging performance niya.
“You’re in a really good mood,” komento ni Trick na san
