TAHIMIK sa gusali kung saan nakatira si Trick nang bumaba sila mula sa elevator na sinakyan nila galing sa parking lot. Tensiyonado pa rin si Anika kasi pakiramdam niya nagte-tresspassing siya. Kahit wala ring katao-tao ay pakiramdam niya may nakakakita sa kanila.
Kumurap siya nang hawakan ng binata ang siko niya at giniya siyang maglakad na. May isang pinto silang nadaanan at may isa pa sanang lalampasan pero bigla ‘yong bumukas. Impit na napatili siya habang si Trick naman ay mahinang nagmura nang sumulpot ang isang matangkad at balbas sarado na lalaki.
“What the hell are you doing, Trick?” manghang sabi nito, kay Anika nakatingin. “Hindi ka pwedeng magdala ng babae dito.”
“I know, Keith. And I don’t like the way you said that,” inis na sagot ni Trick. Humigpit ang hawak nito sa sik
