“ANIKA, we’re here.”
May init na humampas sa pisngi niya at napaungol siya. Nag-inat siya, unti-unting dumilat at saka lang naalalang nasa loob siya ng kotse. Madilim na at narealize niyang nakaunan siya sa mga hita ni Trick. Napabangon siya at kinusot ang mga mata. Magkatabi sila sa likod na upuan ng sasakyan. “Nasaan na tayo? Anong oras na?”
“Outside our house. Alas diyes na ng gabi.”
Kumurap siya at sumilip sa labas ng bintana at marahang tumango. Sinulyapan niya si Trick na titig na titig sa mukha niya. Wala sa loob na pinunasan niya ng kamay ang gilid ng mga labi niya. Baka kasi may bakas siya ng laway kaya nakatitig ito sa kaniya ng ganoon. Umangat ang gilid ng mga labi nito at halatang naaliw sa ginawa niya. “Pagkasakay pa lang natin s
