Iyong inakala ko na si Arthuro at Amirah ang maglalaro ay nagkakamali pala ako dahil may iba pa palang kasapi ng team nila.
"Sa tingin mo ay mananalo tayo?" mahina kong tanong kay Zaynn habang nakatingin sa makakatapat ko.
Nakasuot man ang isang babae at isang lalaki ng kaparehong team uniform nina Arthuro ang dalawa ay halatang batak ang katawan ng mga ito.
"Nagdududa ka ba sa galing natin?" pumapalatak na balik-tanong ni Zaynn.
Kasalukuyan niya akong tinutulungang pumaloob sa sarili kong sako dahil ako iyong mauuna sa'min, kasunod siya at ang panghuli ay si Zeus. Kasama sa rules na ipanghuli ang mga bata.
Medyo na-distract ang concentration ko sa pag-uusap namin nang aksidente nasagi ng kamay niya ang pang-upo ko. Mabuti na lang at mukhang balewala sa kanya ang nangyari dahil nasa s
