May kakaibang kislap sa mga mata ni Sir Zaynn habang matamang nakatitig sa mukha ko.
Hindi ko magawa-gawa ang sinabi niya dahil pakiramdam ko ay nanigas pati ang dila ko. Hindi na ako magugulat kung bigla na lang akong maging bato sa kinauupuan.
Maya-maya ay naging mapang-udyok ang ngiting binigay sa'kin ni Sir Zaynn habang mabagal niyang ibinuka ang sariling mga labi at binigkas ang sarili niyang pangalan. Sa tingin ko ay ginagawa niya iyon upang gayahin ko.
"Once again, welcome to SR Academy's 7th Family Day!" Malakas na boses ng speaker ang pumukaw sa tila pagkatunganga ko. "We are thrilled to have each of you here today to celebrate and connect. With that, the activities are officially underway! Let’s make this day memorable with laughter, fun, and meaningful moments. Enjoy and le
