Kahit na nahirapan akong makabalik sa pagtulog pagkabalik ko sa silid namin ni Tania ay maaga pa rin akong nagising. Kahit kulang ako sa tulog ay para bang nag-uumapaw ang energy ko... o baka tensiyon lang 'to.
"Okay ka lang ba?" out of nowhere ay biglang tanong sa'kin ni Tania.
"O-oo naman!" defensive kong sagot na ikinasingkit ng mga mata ng kaibigan ko. "Okay ako..." malumanay kong pag-uulit upang mapaniwala siya.
"Kanina ko pa napapansing parang wala sa sarili mo," humalukipkip niya pang wika. Pinasadahan niya ako ng mapanuring tingin na para bang isa akong kriminal na nililitis.
"Kinakabahan lang ako para sa event mamaya sa school ni Zeus," pagsisinungaling ko.
"Bakit naman?" napapantastikohan niyang tanong bago itinuloy ang pagsusuklay ng basang buhok.
Kakatapos niya pa lang m
