Hindi ko na nagawang makaganti kay Gio dahil tuloy-tuloy na ang pagtulog ko matapos manggaling sa party. Nagising na lang ako’y nakabihis na ako nang maayos at tinatawanan niya ako dahil akala raw niya’y may gagawin ako sa kanya. Kaasar! Gagantihan ko talaga siya! May araw rin siya sa akin.
“Brie, why don’t you come with us on Saturday. We’ll going to attend Kuya Lucio’s birthday party,” sabi sa akin ni Ma’am Leonor.
Napatigil ako sa aking ginagawang pagsasalin ng tubig sa kanilang baso dahil sa sinabi niyang iyon habang kumakain sila ngayon ng tanghalian. Nahihiya naman akong tumingin sa kanilang apat.
Wala si Gio dahil may kailangan daw siyang gawin. Ilang araw na rin kaming hindi nagkikita dahil pabalik-balik siya sa Maynila para sa trabaho.
Nabanggit na ni Gio sa akin ito at tinano
