الفصل الرابع

3443 Words

المشرده ل فله علي -13- يا بنات انتو بتعرفو تطبخو !؟ نون عاينت لي امال وامال عاينت ليها والاتنين قالو :اااي المرة : طيب تعالو معاي ... نون همست : عايزة شنو ياربي؟ امال همست ليها : ياخبر بفلوس بكرة ببلاش.. ارح نشوف عايزة شنوو مشو عليها وقالت ليهم : اسمي هناء ..والليله عندنا عزومه لي ناس مهمين ..عايزاكم تساعدوني نون وامال : ما عندك اي مشكله..نساعدك كيف لكن هناء دخلت المطبخ وقالت ليهم تعالو دخلو وراها واتخلعو خلعه عجيبه لمن شافو المطبخ ! ياخ شنو الما فيهو !؟ مسرمك ونضيييف ! امال لمن ريلت لما شافتو نون : امسحي الرياله دي وما تفضحينا يقولو نحن بنات خمجانات ... امال : انتي ما شايفه يا جن "! نون : شايفه بس اعمل شنو غير اعاين واسكت مع انو خبرتهم في الطبيخ قليله بس كمان بعرفو لحاجات الاكل كويس..واكتر حاجه نفعتهم قعدتهم مع دنيا خلتهم يتعلمو حاجات كتيرة.. هناء اتكيفت منهم ومن شغلهم ...وهي طالعه من المطبخ سمعو صوت واحد بقول : يا سلاااام ياخ " الليله خالتي حسينه خطفت الانوف والعقول ...وطوالي توووشك دخل المطبخ وهو بقول : الليله القارض هجم يا حسونتي .. كلهم اتفاجأو لما شافو بعض ! لانه الواحد ده كان خالد ! نون اتعودت تلاقيهو في وشها في اي مكان واي زمان التقول (سوداتل هههه) خالد زاتو اتفاجأ واتخلع ... بس ما قال حاجه غير كلمة السلام عليكم .. بي وراهو طوالي وقبال ما يردو السلام تاني واحد جا جاري وهو بقول : حسونتي قلبي الكنترول هجججم !لملمي مواعينك حأنتهي منو ... نون اتفاجأت تاني بي شوفتو لانو ما كان الا عمر ! حصل صمت رهييب وكلهم كانو بعاينو لبعض الحكايه وضحت للكل ... نون ما قدرت تتكلم ...عمر نطط عويناتو وكان عايز يقول حاجه بس خالد مسك ليهو يدو عشان كده سكت.. هناء :حسينه عيانه والبنات ديل جاراتها جو يساعدونا عشان العزومه... خالد امممم.. بعدين حأمر عليها افحصها... تعال يا عمر عايزك.... خالد ساق عمر وطلعو من المطبخ وخلو نون وامال مزهولين وما منتبهين لتعليمات هناء زاتو .. بعد ما خلصو الطبيخ هناء طلبت منهم يساعدوها في التقديم وكده .... المهم خلصو معاها اليوم وطلعو قريب للمغرب.. وهم في الطريق مافي واحده اتكلمت مع اختها ..صمت رهيب قطعو صوت العربيه الوراهم...زحو ليها من الطريق بس هي وقفت قدامهم .. القزاز نزل و كان خالد : اركبو اوصلكم نون ولا لفتت عليه.. امال ارح ما تشتغلي بيهو خالد : اركبو قلت ليكم عايز اقول حاجه مهمه... بي الله وجلاله نون وامال ركبو معاهو ... خالد بعد مسافه من الصمت بدأ يحكي : عمر بكون ود عمي ..امو وابوهو ميتين ...يعني يتيم... قبل 18 سنه كده عمر كان عمرو 5 سنه وكنا في رحله في النيل ..عيلتنا كلها كانت في يخت العيله... عمر كان هو واختو سبا العمرها 7شهور وامهم وابوهم .. المهم ...كان عاملين هيصه وكده ...سبا كانت عيانه ...عشان كده م كانت عايزه جوطه ...فااا شنو أمها شالتها وقعدت بيها بعيد من الناس... عمر مشى عليها لانو كان متعلق بي اختو شديد كان بلعبها وهي في يد امها.. كانو قاعدين جمب الحافه المكان ما خطير بالذات للشفع لانو عالي.. ما عارف في زول ناداها لي خالتو ندى ... ختت البت في العجلة بتاعتها وخلتها مع عمر ..ومشت تشوف الحاصل ..بس لمن رجعت لقت لا عمر لا سبا مافي ...فتشنا اليخت كله ما لقيناها .... بعد شويه لقينا عمر نايم تحت واحد من الكراسي صحيناهو بس كأنو كان م**ر ... نون : والبت؟ ما كانت معاهو؟؟ المشكله انو اصابع الاتهام اشيرت لي عمر ...الناس بقت ترميهو بالكلام من لمن كان طفل ...والشي البحرق انو امو جنت و بعد خمسه ولا سبعه شهر كده انتحرت ...هو ما انتحار بس اظنها كانت بتفتش لي بتها ...طلعت بدون ما تكلم زول وبعد فتشناها كم يوم اتصلو علينا انو لقوها مطفحة.... للأسف غرقت في النيل.. امال : لاحول ولا قوة الا بالله العلي العظيم خالد : وبالسبب ده عمر راسو بقى كيف كيف كأنو بدت تجيهو نفسيات.. او ممكن تقولو جاتو نفسيات...وعشان عمر ما يحس بأنو الحصل بسببو كان ابوهو بدلعو دلع شديد ... و هسع ابوهو مات قبل سنه تقريباً ..بس خلا وراهو طاغيه اسمها الكنترول.. #إقتباسات كنت غ*يا فاصبحت شريرا, و قتلت القسوة في نفسي كل ماهو شريف و نبيل , الا ان حدث حادث ردني الى سواء السبيل , ولكن معذرة فانتم لا تستطيعون ان تفهموا كل كلامي .... ... يقظة الضّمير من سُباته هي عظمة في الرّوح” .. ما يبدأهُ الحبُّ لا يُنهيهِ الَّا الله. الحبُّ لا يعرف القناعة والرّضا فإنّ حزنا السعادة به تطلعنا إلى النعيم وإن ظفرنا بالجنّة تشوّقنا الإبصار إلى الفردوس. ... ليس في الموت شيءٌ رهيبٌ، ولكنَّ الرّهبةَ في ألَّا يعود المرءُ قادراً على الحياة. ... الموت ليس شيئاً رهيباً، الرّهيب هو ألَّا تموت. حقاً إنّ للمصائب جمالها، فهي تؤاخي بين الغريب والغريب بعُرى الأخوّة والمحبة. وما تعلّم أحدهم من الطب أكثر من أن يكون هو المريض المقاسي لا الطّبيب المواسي. النَّاس يولدون من بطون أمهاتهم أحراراً متساوين في الحقوق، و لكن عندما يخوضون مُعترك الحياة لا يعودون متساوين في الحقوق، فمنهم من تسلب حريتهِ، و منهم من يعاني الفقر أو المرض أو الجوع، و قلّة من الناس من يهتمون بهم. ثق بأنَّ طريقة تغيير هذه الصورة القبيحة سهلة جداً، ما علينا إلَّا أن نقدّر قيمة هذه الحياة التي أنعم الله علينا بها و نقدِّر حياة الآخرين. إن حدث هذا فإنَّ عالمنا سيصير مكانا آمنا ينعم به جميع الناس، ستكون حياتهم هادئة، هذا ما نحلم به جميعاً. فيكتورهوغو .. دفئوني ” . يبكي فؤادي والعيون شواهدُ يامن أشاحوا بالوجوه وجاحدوا ما لي وللدنيا إذا أطفالنا يبكون جوعا لا مغيث ولا يدُ في الشام في اليمن السعيد وبورما في القدس في الصومال أين العائدُ للطفل أناتٌ يرددها الأسى يارب من أشكو لهُ وأناشدُ فلتدفئوني أو تعالوا وادفنوا جسدي وعودوا للأنا وتراقدوا يا أمة المليار ما هذا الأنا طال التخاذل واستبد الحاقدُ يا دمعة حرّى سحائب مقلة من حرة ثكلى وأين الرافدُ نبكي كما تبكي التماسيح التي من دون أدمعها الحديد الصائدُ يا قوم إني ناصحٌ فلتحذروا جودوا بمال الله لا تتباعدوا ولتنصروا إخوانكم ، من قلةٍ لن يهزموا والله حيٌّ واحدُ يكفي هياطاً لا تفاخر بيننا إن التقي هو الكريم الماجدُ يا أيها العقلاء إنا دوحةٌ من حولها أذكى العداوةَ حاسدُ يتبع… #المشرده ل فله علي -14- ......نون : عمر مسكين ما يستاهل الحصل ليهو ده... نون سكتت مسافه وقالت كأنها اتذكرت شي : بس انت مافسرته لي لشنو اتهمتوني بالسرقه !!!!!!!؟وكمان صدقت عمر ! دموعها بدو ينزلو او بالأصح بدت تبكي.. خالد : نون اسكتي عليك الله وما تبدي انا الفيني مكفيني!! نون : طيب ليي اتهمتني وعاملتني بالطريقة القاسية د*ك خالد : كنت عايز اشوف عمر فهمو شنو.. وعايز يصل لشنو بالضبط... وواصل : صدقيني يا نون ده كلو عشان مصلحتك... نون : عايز مصلحتي انت يعني؟؟ خالد : عايز احميك من عمر... انا اتربيت معاهو وعارف عمر وتفكيرو كويس عمر اسمو الكنترول يعني المتحكم بي اي حاجة. نون : كنترول ولا بلوتوث انا ما خايفه منو... خالد عاين ليها وفي وشو إبتسامه بتعني قولي والله ما خايفه نون : خايفه شوية يعني بس ما كتير خالد : ما تخافي.. انا بتصرف وواصل كانو اتذكر حاجة : انتي بتعملي شنو في بيتنا صحي؟ وكمان متحكرة في المطبخ !! مفترض يكون عندي خبر وما اتفاجأ كده ياخ ! نون : وحات ربي ما كنت عارفه انو هناء امك وانو ده بيتكم ! دي صدفه عجيبه الله يستر منها .. خالد سرح مسافه وقال : اي ..الله يستر منها .. المهم ... عايز أعرف بتعرفي عمر من وين وليي في تطش بيناتكم؟ نون : يوم جينا المستشفى.. قبالها القدر جاب لي عمر في طريقي.. اتريجيتو يودينا المستشفى بس هو اتريق علي وقال عربيتو ما وقف... نون دموعها نزلو وهي بتقول : لو ودانا ما كان سومه ماتت امال : بالعكس... كانت حتموت نون عاينت لامال باستغراب وامال واصلت : سومة ربنا كاتب ليها تموت في اليوم داك وفي العمر ده.. ده قدر ومكتوب والمكتوب ما منو هروب... اسي يانون نحن كمان اقدارنا مكتوبة... حنموت كيف... ووين.. ومتين.. ما معروف حصلت لحظة صمت رهيبه امال قطعتها بضحكة : هههه مالكم حزنتو كده.... على العموم بتمنى موتي يكون رحيم.. ما اتعب زي ما تعبت في الحياة بعديها اتن*دت بوجع : اتولد بمعناة واعيش بمعاناة واموت بمعاناة؟؟؟ معقولة بس؟ خالد: زي ما قلتي اقدارنا مكتوبة.. لكن الدعاء بغير مجرى القدر نون حبت تغير الموضوع وقالت :صح يادكتور ..انت كنت عايز تقول لي شنو قبيل !؟ خالد : ياهو موضوع عمر و الحركه بتاعت السوبر ماركت دي .. نون مسكتها خيبة أمل ..وقالت : لالا خير ما مشكله. خالد : يلا حاوصلكم.. وين ساكنين؟؟ لانو جيران خالتي حسينه دي نهائي ما وقعت لي في راسي نون : ااخ نسيناها.. ودينا بيت خالتي حسينه نشوفها بقت كيف خالد كان بعرف البيت ووصلهم هناك... لقو معاها بتها واحفادها.. خالد قاس ليها الضغط ولقاهو مستقر وبدت تتحسن.. بعديها طلعو ووصفو ليهو مكان بيت دنيا ... لما وصلو طلبو منه يوقف العربيه بعيد من العماره ..خوفاً من انو يشوف الاشكال الداخله والطالعه و يشك في انو مشيهم بطال .. نون : شكرا ليك عذبناك معانا خالد : العفو يا أستاذه.. نون ضحكت ضحكه سخريه مصبوغه بالألم ".: استاذه !!! خالد ابتسم ابتسامه ثقه وقال :مالا بعيده !!!؟ نون : ما بعيده بس تحصل كيف ! خالد : انتي مالك ومالها تحصل كيف !؟ خليك واثقه في رب السما بس ما حتضيعي ابداً امال : يلا يا نون اتأخرنا ! نون : تصبح على خير يا دكتور خالد :وانتي من اهل الخير امال وهم داخلين كانت بتتبسم زي نار القصب :شكلو في زول بحب .. نون ضحكت وقربت تقع وقالت : اااي ..هههههه مجنونه كيف! وقت دخلو عزو كان قااااعد ...: كنتو وين يا بنات الكلب ! نون: هوووي احترم نفسك وما تسئ الاهل ! عزو غضب منها وقال: انتي الشكلك عايزه تتربي من اول وجديد ..جراها من شعرها ونزل فيها ضرب! دنيا كانت بتمضغ في لبانتها و ولا فكرت تتدخل .. امال حاولت تحجزها منه بس ما قدرت .. نون كانت حتموت في يدو بس ولا كان بهمو الموضوع في حاجه امال كانت بتبكي وهي بتحاول تفك نون منو..ف النهايه دنيا قالت : كفايه يا عزو دي اتربت احسن من تربية الناس المربيين... ثم تانياً دي الوجه المربح لي لو اتشوهت القى زبائن وين ! بي كلام دنيا ده عزو اقتنع و فك نون في حالها ..امال ساقتها ودخلتها الحمام ..وشها كلو دم! وكانت زي الحيغمى عليها . امال :لازم يودوك المستشفي ! نون قالت بتعب : لالا كويسه اناا امال : انتي ما شايفه حالتك كيف... طلعت لي دنيا وعزو وقالت ليهم يودو نون المستشفى بس ولا اشتغلو بيها الشغله رجعت لنون وقالت ليها ارح انا بود*ك براب نون : امولتي انا كويسه ما تخافي برتاح شويه وبقوم... بعدين دي ما اول مره عزو يضربني فيها آمال : طيب رائيك شنو اتصل على دكتور خالد !!؟ نون : لالالالا امال : خلاص اسكتي عامله لي كده زي شريف الفحيل نون : هههههههه امال : اي اضحكي وأدي الدنيا دي شلوت نون سرحت بعيد ... نون بدت تحس بشعور حلووو اكيد عرفتوه .... #إقتباسات إنَّهُ يعفو، رغم أن الحظ كان غريباً عنه! كان حيّاً ، ومات ساعة نأى عنه ملاكهُ! حدث ذلك ببساطة ومن تلقاء ذاتهِ! مثلما يهبط الليل، حين يمضي النهار. أنت الذي تتألَّم لأنَّك تحب: كن مُسرفاً في هواك .. فإنْ مِتَّ بسبب الحبِّ، حييت بهِ. فهو الخلود، هو السرمد. كنت غ*ياً فأصبحت شريراً, و قتلت القسوة في نفسي كل ما هو شريف ونبيل، إلى أن حدث حادث ردَّني إلى سواء السّبيل، ولكن معذرة فأنتم لا تستطيعون أن تفهموا كل كلامي. فقدت نظراته كلّ معنى ولم يبقَ في عينيهِ سوى صورة حالكة للأعماق .. للأحزان .. لليأس.. لم يبقَ في عينيه سوى الليل … أجل الليل .. فقد تلاشى فجرهما وغربت شمسهما وأفل نجمهما! أن تُحِب وأن تُحَب ,, سعادة تغني عن كل شيء ,, وليس بعدها من مزيد ,, ففي غيابات الحياة ومجاهلها جوهرة . يتيمة واحدة ( الحب ) ومن يحب يبلغ الكمال . كانت نظرتُهُ فارغةً .. وكانت عيناه كليلتين من قلّة النّوم ومن كثرة الدمع، كان محياه شاحباً مصفراً .. ورداؤهُ يوحي بأنَّ لابسهُ قضى ليلهُ فيهِ .. وكان ينظر إلى النافذة فيرى كلّ شيء .. ولا يرى شيئا ! جفّت تلك الدمعة التي كانت عينُهُ تسفحها حزناً على جدوب أمله ونضوب ماء حياته ولعلّها ملّت هي الأخرى من الانسكاب دون جدوى .. جفّت تلك العين المفكّرة – والعيون كثيراً ما تفكّر. رجل منسي عابر مجهول عظيم لابدّ له من الظُّهور في كلِّ أزمة إنسانية وفي كل تمخُّض اجتماعي. الحرمان في الصّغر عظيم الجدوى متى آل إلى الفلاح، إنه إرادة توجّه الرجل نحو العمل المتواصل وتلهم الروح وتلهب الإحساس، وترهف النَّفس. فيكتورهوغو ... عن وجع القلب يقتلني الندم كلما تذكرت كلمات قلتها لشخص لا يستحق. الحزن هو أن تحب شخصاً لم يفكر في حبك أبداً. الغياب ليس خطأهم، نحن الذين أخطأنا كثيراً عندما منحناهم كل شيء. من المؤلم أن تكون أصدق مما يتوقعون، ويكونون هم أكذب مما توقعتهم. الهدوء هو أكثر ما يحتاجه الإنسان، ففي هذا الزمن أصبح ضجيج الحياة قاتلاً. عجباً لهذه الدنيا تجمعنا ونحن لا نعرف بعضنا، وتفرقنا ونحن قلوبنا متعلقة ببعضها. مؤلمة تلك الدمعة التي تسقط، وأنت صامت تسقط من شدة القهر، والألم، والإحتياج. عندما تكون الأعذار أقبح من الذنب، احزم أمتعة كبريائك وارحل. الوجع لا يحتاج إلى حديث طويل، أحياناً تكون نبرة الصوت نصف الكلام. عذاب الشوق قاسٍ، إذا أصبح صامتاً، مثل الطفل الذي يفهم، ولكنه لا يعرف البوح. أصعب شيء: عندما تجبر نفسك على تجاهل شخص كان يعني لك العالم بأكمله. الغائبون ضربة موجعة، لا تكف عن النزيف. بكت عيوني لآلام الفراق، فردّد قلبي الحزين باحتراق، كيف للقلب أن ينساكم يا من في الفؤاد سكناكم. ما أصعب أن تعيش في حيرة بسبب شخص يوماً تراه حبيباً، ويوماً لا تدري من يكون. نحن نفشل في النسيان لأننا في الواقع لا نريد أن ننسى، رغم كل ما يحمله التذكار من وجع. لا تبكِ على أي علاقة في الحياة، لأن من تبكي لأجله، لا يستحق دموعك، ومن يستحق دموعك لن يجعلك تبكي أبداً. نخفي حزناً ووجعاً ودموعاً أحياناً خلف عبارة (أنا بخير) تباً لعزة النفس وسحقاً لواقع لا‌ يوجد به احتواء صادق #يتبع #المشرده ل فله علي -15- نون وامال طلعو من الحمام ..لقو عزو مشى تمشي بطنو ان شاء الله .. مشو صلو العشاء واتعشو ونامو من الفتر لانو النهار كلو كانو شغالين في المطبخ + الضرب الضربو عزو لي نون خلى جسمها كلو يوجعها. وبكده اليوم بكون انتهاء ..وجا الصباح وبدأ الروتين اليومي ..الليله السبت بما يعني انو حيكون في شغل .. دنيا دخلت تستحمى عشان كده نون لقتها فرصه انو تمشي تشوف خالتي حسينه أصبحت كيف ..امال ما حبت تمش وفضلت تقعد عشان على الأقل تشغل دنيا حبه. فتحت ليها الباب بت خالتي حسينه لمن شافت وش نون مورم اتخلعت وقالت ليها مالك في شنو نون : وقعت من السرير على وشي ما صدقتها لكن قالت ليها ربنا يد*ك العافية حسينه برضو سألتها وجاوبتها نفس الجواب.. ما كانو مقتنعين لانو واضح دي آثار ضرب.. نون عشان تغير الموضوع سألتها من صحتها : وهسع كيف يا خالتي حسينه "! حسينه : و الله يا بتي أحسن من الاول.. بس خالد ولدي قال لي صحتي لسع واخد لي فترة راحة... جات واحدة من أحفادها عمر 5 سنه جاريه من اخوها عمر 7 كده ادست ورا حبوبتها والود جا بحاول يضربها وهي تضحك وتمش بي جاي وتجي بي جاي.. امهم جات شايله صينية الشاي وصحن ملان زلابية حااااارة ولونها دهبي... قالت ليهم عيب يا أولاد حبوبتكم عيانه.. انزلي يا مهاد من ورا حبوبتك.. وواصلت كلامها معاي : ما بسمعو الكلام كلو كلو نون : خليهم عليك الله... في احلى من زول يصطبح بي وش امو وحبوبتو واخوانو؟؟ خليهم يفرحو ويعيشو اللحظات دي بكل تفاصيلها خالتي حسينه مسكت لنون يدها قووي وقالت ليها : ما عارفة قصتك شنو يابتي لكن انا واثقه انو ربنا حيعوضك عوض لمن تخجلي منو وتقولي لييي انا زعلت في يوم من الأيام.. بتها كبت لينا الشاي وقالت :فعلاً.. عوض ربنا ماف زيو شربنا الشاي واتونسنا والزمن سرقني نسيت دنيا عدييييل!! استأذنت منهم وطلعت جرى على الشقه. مع دخلتها دنيا لقتها وشها : مشيتي وين !!!؟؟ نون : وديت الوساخه دنيا عاينت لي محل الوساخه وما لقتها ..بالتالي عرفت انو هي صادقه..لكن برضو قالت :مالك ساقك الحنين للمكب الجايه منو ولا شنو اتاخرتي كده ما ردت ليها لانو ما تستاهل يردو ليها زاتو وده خلى دنيا تتحرق من جوه اليوم مره عادي ..والزبائن كتار و ما بتلحقو المساء نون كانت مستنية جية خالد ..بس ما جا .. وعمر زاتو ما جا .. خلاص قفلو و الأمجاد جاتهم... السواق كالعاده ..بعاين لي امال ساااي... وهي كمان شكلها حبتو ...وكل ما يبتسم ليها بتبادلو بالابتسامة *** تهت من شفت الإبتسامة.. والعيون شالو قلبي الغرام... يا سلام سلم ان شاء الله تبقى.. شكل دنياي تمام التمام *** دنيا الكلام ماااعاجبها وقالت بغضب : اوووف! حتخت عينك قدأمك وله اختها ليك !!؟ نون اتبسمت و تاني صرت وشها لمن اتذكرت خالد.. لييي هي انتظرت جيتو كده!! غضبت من نفسها شديد .. هي عارفه كويس انها حبتو.. طيل لشنو هي حبتو وهو ما من توبها ولا هي من توبو ! لشنو هي بتتطلع للأعلي ! عقلها قال ليها : اوف منك يا نون هببتي شنو انتي وقلبك نون : ما بي يدي انا ده قلبي!!! قلبها : اي حبيتو.. انا اصلا مخلوق عشان حاجتين.. اضخ ليكم الدم اللهو سبب في حياتكم انتي وعقلك.. واحب خالد... لازم تستسلمو للحاجة دي.. انا خلقوني عشان اخب دكتور خالد نون طردت كلام عقلها وقلبها وانتبهت لانهم وصلو البيت... كالعاده لاقاهم الغبي الاسمو عبدو يا دنيا تعالي عايزك ..قال الكلام ده وكان بعاين لي نون.. امال فهمت العايز يقولو ...مسكت نون قوي ودخلو جوه بعد شويه دنيا جات... دخلت جوه وشالت ليها ربطه كده في كيس ...يا نون هاك وديها لي عبدو .. نون : انا !!!! دنيا :ااي انتي كان منو نون : انا امش شقة عبدو؟ أكيد بتهظري انتي دنيا كانت هادئة وقالت اي انتي امال : نون تعبانه انا بوديها.. دنيا بدت تغضب وقالت : نون هي الحتمش قلت ليك.. انا ما عميانه منك..حتوديها وتجي هسع ما حتطول امال : خلاص نون تمش نون تمش ما مشكلة التمش.. لكن حأمشي معاها انا دنيا : لالا انا عايزاك في موضوع .. امال : موضوعك حينتظر نحن ما ماشات المريخ هدي شقة عبدو جمبنا.. بعدين براك قلتيها بعضمة لسانك ما حتتأخر دنيا : امال وحياة ديني وايماني ما تسمعو كلامي بدخلكم في غرفة انتي وبتك دي وبجيب ليكم زوار يوروكم نجوم الليل عز الضهر... عشان كده بنصحكم تسمعو كلامي.. نون بعد تهديد دنيا ده شالت الكيس وطلعت وهي مستسلمة ..دنيا راقبتها لما دقت الباب.. ابتسمت وقامت قفلت باب الشقه امال : قفلتيو لشنو ! دنيا : لأنو نون حتبيت برة.. ............ نون : هاك دي من دنيا عبدو شال الكيس وقال : تعالي لحظه نون عاينت ليهو باستغراب وقالت :لشنو ! عبدو : في امانه وديها لي دنيا نون : جيبها لي جمب الباب طيب.. عبدو غضب وجراها من يدها وقفل الباب..كانت بتصرخ وبتنادي امال ..بس عبدو قفل ليها خشمها امال سمعت صوت نون وكانت عارفه وساخة عبدو ودنيا ... اتذكرت العملوهو معاها ... تفتكرو امال حتتصرف كيف ! اتذكرو هي قالت حتحمي نون بروحها ! #إقتباسات 1.”المكيدة الكاملة في صلب الحياة، هي أنّ لذة الإشباع تأتي دائماً أقل بكثير مما وعدنا به الجوع”. (بوئثيوس) 2. “إنّ الذي يثور لأجل الجوع، سيسكت حتماً إذا ألقيت له **رة خبز، أمّا الذي يثور لأجل كرامته، فلن يسكت حتى تكون له كرامة”. (محمد غنيم) 3. “عندما أشاهد التلفاز وأرى الأطفال المساكين الذين يعانون من الجوع لا أستطيع منع نفسي من البكاء، صحيح أنني أرغب بأن أكون نحيفة مثلهم لكن بدون كل هذا الذباب والموت والأشياء الأخرى”. (ماريا كاري) 4. “وحده الذي يتخلص من جحيم ذاته، هو الذي يشعر بالجوع حين يرى أحد أبناء جنسه يتضور جوعاً”. (نيكوس كازانتزاكيس) 5. “قد لا يحول الجوع دون النهوض، لكنه قطعاً وجزماً يحول دون النهضة”. (محمد عفيفي) 6. “الجوع يبتكر أخلاقه”. (محمد الرطيان) 7. “فأنت لا تكف عن الجوع لحب أبيك حتى بعد أن تكبر”.‏ (بول أوستر) 8. “إذا كتبت أموت من الخوف، وإذا لم أكتب أموت من الجوع”. (محمد الماغوط) 9. “بين أن تختبر الجوع بأمعائك وخمسين كتاباً عن القمح، مسافة من التجربة التي تذيب الجلاميد”. (قاسم حداد) 10. “مسببات الغضب الأساسية الجوع، قلة النوم، التحدث مع الأغ*ياء”. (جوني ديب) ... لا أحملُ العُقَد القديمةَ فالسلامُ على ضياعكِ من دمي سكتَ الكلامْ فلتأذني لي مرةً أخرى لأعُلنَ سرَّ غربتنا وسرَّ حكايةٍ عبرتْ موشحةً بأغطيةِ الظلامْ قالوا حرامْ .. فقلتُ إنْ نبقى حرامْ حزنٌ يجرُ الحزنَ يأسٌ دائمٌ خوفٌ عذابٌ مُنتقى ، زيفٌ وألوانُ الكآبةِ بانسجامْ لا تنتهي قصصُ الهوى دوماً بوردٍ أحمرٍ أو أبيضٍ أو غصنِ زيتونٍ وأسرابِ الحمامْ نحن ارتضينا قصةً أُخرى فراقٌ رائعٌ لا ينحني للشوقِ والذكرى ، ويقبلُ بالملامْ نحن ابتدعنا غربةً كُبرى وصلينا صلاةَ الهجرِ كانتْ حفلةً كُبرى وكنتُ بها الإمامْ واتفقنا .. قبلَ هذا اليومِ لا أذكرُ أنْ نحن اتفقنا غيرَ أن نُمعن في قتلِ هوانا المستهامْ وتراضينا على النسيانِ أنجبنا حنيناً ميتاً قومي .. ركامُ اليوم يستدعيكِ أن تأتين تابوتاً ركاماً أو حطامْ لا ص*رَ بعد اليومِ يحضننا ولا كفٌ إذا ما لامَسَتْ كفا ً تنامي دفءُ ملحمةٍ وأسرارٍ يُهدهدها الوئامْ قومي .. تبلدتْ المشاعرُ والكلامُ له فطامْ نحن اصطفينا عنفَ خيبتنا وجارينا البرودةَ في مشاعرنا وأبرمنا عقودَ الهجرِ حتى تنتهي الدنيا ويلفظنا الأنامْ واشتبكنا .. لا نرى فَجر خلاصٍ فهوينا للأعالي كقتيلينِ على الأفق ننامْ #يتبع

Free reading for new users

Scan code to download app

App Store Google Play

Facebookexpand_more