المشردة

الفصل الثامن

المشرده

ل فله علي

-24-

خالد الضهر كده اتحرك من المستشفى ..

سايق عربيتو بسرعه خياليه.. وجله من كم حادث.. كان

مرة يبكي ...مرة يضحك ....

ما عرف مالو بعمل كده...

المهم ...

وصل والبواب فتح ليهو الباب ...من الاستعجال ما سلم عليهو زاتو ...

البواب عذرو وقال اكيد سمع بحكاية نون عشان كده جا جاري زي ده

..........

خالد ركن العربيه لمن **ر اصيص الزهور..والطين اتناثر في المكان...ما اشتغل بالموضوع ..وجرا دقه الباب شديد يدو لمن وجعتو ...هناء جات فتحت...: خالد ! مالك يا ولد

خالد : ابشري يا امي

هناء : في شنو !!!!؟

عمر طلع من غرفتو لانو اتخلع من دق الباب الشديد ...

عمر : خير الحاصل شنو تاني!! البيت ده بقى ما بيهدأ كلو كلو

خالد : يا عمر ...حتخلي الم**رات والسجار الكتير ...

عمر عاين ليهو باستنكار : في شنو ياخالد !!!

خالد : لقيت سبا يا عمر!!!! .

هناء قلعت عيونها وعمر ما عرف يقول شنو

خالد :اختك سبا يا جن انت ...لقيت البت الضاعت مننا ليها 19 سنه بعيده

لقيت سبا يا عمر ..سبا ما ماتت ...سبا حيه !

عمر دموعو نزلو عشرة عشرة ....و ما قدر يتكلم نهائي

هناء زاتها سكتت ..لانو عارفه انو سبا عايشه...

خالد : عمر !

عمر كان متفاجئ جداً وواقف بعاين بس

خالد جا هزاهو من الصدمة : لقيت ليك أختك ياعمر... حتعوضها عن الفقدتو طيلة الفترة الفاتت دي

عمر ي داب بدأ يستوعب وقال : و و و وين هي ! اخ اخ اختي وين يا خالد وين وديني ليها !

خالد حضنو وقعدو يبكو

اما هناء كانت بتدعي يكون عزو اتخلص من نون

خالد : هسع بجيبها ليك ....

طوالي خالد جرا على المطبخ ما لقى نون ....

واصل جري على غرفتها ما لقاها ..

خالد : نون وين !؟؟

هناء : نون مشت من البيت ده

خالد : مشت وين !!!

عمر : خليك منها ياخ وقول اختي سبا وين !

خالد : نون بتكون سبا يا عمر ..

عمر خته يدو في خشمو ودموعو لسع كابه...: كضب ! يستحيل المشرده دي تكون سبأ اختي !

هناء :خالد انت جنيت !

خالد : عملت فحص DNA بين نون وعمر ولقيت تطابق بنسبة 80%...

فحص الDNA بنجح اكتر لما يكون ابن واحد الابوين ..بس زي ما انتو عارفين عمي ومرتو مافيشين ...وعمر اقرب زول لي سبأ ...

عمر قعد في الارض وهو بقول : نون هي سبأ ! اختي عمري انا ....كل السنين دي كانت في الشوراع وانا هنا !

خالد : يا عمر دي الظروف انت ما تلوم نفسك. .هسه ما فاتت حاجه ..نون حتتعوض...المهم هي وين لازم ابشرها ..ما لقيت امها وابوها بس لقيت اخوها الحيكون بمثابة امها وابوها واخوها كمان...

عز الدين جاء من الشركه وكان مرهق ..شاف التجمع والكل بيبكي

عز الدين : في شنو يا جماعه ان شاء الله خير !؟

خالد حكى لي ابوهو كل حاجه والابو فرح...: وينها بتي دي !

خالد : من قبيل بسألهم ما قاعدين يردو

عمر أتذكر وقت قالت ليهو : عليك الله يا اخوي ما تخليهو يسوقني ...اتذكر كلمة اخوي ..اتذكر وقت مشى خلاها ولا اشتغل بيها ...

عمر عاين لي مرة عمو بحرقه ...وما حسه بي روحو الا وهو بخنق فيها ..: كلو منك يا حاقده! كلو منك

امي كنتي السبب بي موتها ...و عيشتي العذاب دي كمان ..وشردتي اختي وبهدلتيها !

وهسع خليتي الراجل يسوقها ..!

خالد وعز الدين فكوهو منها ..

عز الدين لطشو كف : انت جنيت ! ما عندك احترام انت !

عمر : لما مرتك تحترم نفسها انا بحترمها

خالد كمان لطشو كف : هووي يا عمر دي امي ما تنسى !

هناء غمضت عيونها والدموع عشره عشره...عرفت انو حياتها كلها اتخربت!

عمر :ههههعهههههه امك !

يا مسكين يا مشرد ...

يا لقيط !

دي ما امك ...

انت جايبنك من الميتم ...المرة الشيطانة دي جابتك من وقت كنت حديث ولاده...

عز الدين مسك الحيطه و الواطه بقت ليهو ضييقه!

اما خالد نزل فيهو دق لغاية وشو اتملا دم ..: يا سكران يا ما نافع ..كيف تتكلم كده عن المرة الربتك !

عمر : ههههههه...عاين لي هناء بحرقه : يا حاقده ! اسرة كامله دمرتيها ! وانا الاهبل ساكت وغاطي ليكي...

يا دكتور ...المرة الفاضله دي خانت عمي ...مع صاحبو ...حقيقه كده انتو الاتنين ما عيال عمي...واحد لقيط والتانيه طفله غير شرعيه....

خالد فكاهو وبرك على ركبتو ...اما عز الدين اتكل في الحيطه وخته يدو في راسو..

هناء انهارت وبقت تبكي....: وقت اتزوجنا ما حملت حته بعد تلاته سنه من زواجنا ...الناس بقو يقولو انا عاقر ....عشان كده قلت انا حامل..

وانا ما كنت حامل ولا حاجه...

حسينه الخدامه ساعدتني ...قالت انو حملي خطر ولازم اكون بعيده من الناس...

رحلت معاها على اساس انا حامل بالشهر السادس ..صحتي كانت كويسه عشان كده ما تعبت في حكاية البطن

الخطه نجحت ..خصوصاً انو انت يا عز الدين سفراتك كتار...

المهم..وقت جا موعد الولاده جبتك يا خالد من الميتم...كنت طفل عمرك 7 ساعه بس...

خالد صرخ صرخه كلها ألم و وجع..اما عز الدين ما كان بتحرك زاتو ...

هناء : عشت ايام حلوة على اساس انا الولدتو ...

بعد كبرت شويه عمك عرس ندى ...

ندي من وقت جات من شهر العسل حملت .بيك يا عمر ...انا غرت منها شديد وحسدتها....

بعد ولدتك الاهتمامات بقت عليها هي بس ...حبوبتك وجدك وباقي عماتك..

خالد عمرو بقا سبعه سنه و عمر اربعه ندى حملت بي سبا وانا لسع....

بقيت احسدها وما ارتاح لما اشوفه ...

قررت احرق قلبها بسرقة عيالها الاتنين....

اتفقت مع زول كان معانا في اليخت قام خطف البت وخلاك يا عمر لانو ما لقى فرصه... لكن بدل ده حاول يكتم نفسك وانت فقدت الوعي وما موته..

كل السبب في الحكاية دي السلسل الكان معاها هداهو لينا عمك.. انا مفترض اشيل السلسل ما كان حصل الحصل وحياتنا اتدمرت بسببها

خالد : اتدمرت بسببها؟؟ نحن الدمرنا حياتها يا......

اقول ليك منو اسي وانا لقيط!!

عمر : ياعمي هناء زاتها ما بتك...

يعني بعد ده كلو ..انت الطلعته عقيم يا عمي !

عز الدين قام بي الله وجلاله ...خالد حاول يساعدو بس رفض...

رمى على هناء يمين الطلاق ..وطلع من البيت...

هناء قعدت في الارض و بس سكتت وكانت مصدومة جداً ...

عمر : خالد ...انا ماشي افتش اختي ...

خالد : انا ماشي معاك..شكلي عارف مكانهم وين...

....

أيها الفيسبوكي..

أيها الانستغرامي..

أسمعت عن عمالة الأطفال والبطالة؟ أسمعت كيف تعذب الطفولة في كوكبنا؟

أسمعت عن تقارير تكتب كارثة ومأساة الأطفال المعذبين في الأرض؟

أشاهدت؟ أكيد شاهدت ماذا تفعل القوى الجبارة الخفية وشياطينها بأطفال العالم من أهوال تفوق الخيال؟ لا أعرف كيف لاترق قلوبنا وتن**ر أمام هذه المآسي التي تعيشها الطفولة التعيسة؟

هل لد*ك ثقافة عن حماية الطفل من العنف والاستغلال والإيذاء؟

هل هناك ضمير حي في هذا العالم يرى عذابات الطفولة المعذبة ويعمل لها؟

هل تعلم ان هناك أطفالا في هذا العالم يفترشون الأرض ويلتحفون السماء، وهم محرومون من الغذاء وال**اء والدواء؟

أين منظمات حقوق الإنسان العربية والإسلامية والدولية من كل هذه الظواهر من اعتداء جنسي وتجنيد في الحروب؟

هل فكرنا جميعا ان الله- سبحانه وتعالى- سيحاسبنا على تقصيرنا في انتشار مثل هذه الظواهر المسيئة للطفل العربي المسلم والطفل الإنسان في أي مكان وأي زمان وبأي دين ومن أي بلد.. أليس هذا إنسانا في كوكبنا؟!

من المسؤول عن هذه المأساة؟.

أينما تشاهد أو تسمع تجد هناك طفولة معذبة تعيسة تؤثر في قلوبنا وعقولنا، فهل تحركت ضمائرنا؟

إسلامنا خصص حقوقا للطفل وحتى الوثائق الدولية خصصت حقوقا لهذا الطفل، بل كل الأديان خصصت حقوقا لهذا الطفل، والسؤال: من يحمي هذا الطفل ويرعاه؟

نظرة لأطفال السودان واليمن وإريتريا وبورما الا تكفي؟!

بل القو نظرة إلى النظام السوري بأطفال سورية عن طريق إلقاء البراميل الديناميتية فلا أقول إلا: حسبهم الله، هو القادر على حمايتهم، يحرقون وكل شعوب العالم تشاهد أشلاء الأطفال ولا يحركون ساكنا!

أطفال العالم مجردين من كل شيء، طفل يعذب أمامك ماذا أنت فاعل من أجله؟

أعلم ان هناك قلوبا كالصخر الجلمود لا تحرك ساكنا، لكن اذكرهم بأن الله يمهل ولا يهمل فاتعظوا يا أولي الألباب! وكيف السبيل كي تكون لهم قلوب يتفكرون بها خشية من عقاب الله؟

...

الخيانة الزوجية كالموت لا تسمح البتة بالفوارق. لا تأمنَنَّ أمر زوج خائنَ أبداً. نكران الجميل خيانة زوجية للشرف و الأمانة. مثل الذي خان زوجته و وطنه، مثل الذي يسرق من مال أبيه ليطعم اللصوص، فلا أبوه يسامحه ولا اللص يكافئه. الخيانة الزوجية تنشأ من الثقة. الخيانة الزوجية لا تنجح أبدا لأنها حين تنجح نعطيها اسما آخر. الحب يتحمل الموت أكثر مما يتحمل الشك و الخيانة. من ضيع الأمانة، ورضي بالخيانة فقد تبرأ من الديانة. الزوج الخائن يكرهه الجميع. لَمْ يَفِ بِعَهدِهِ مَعْهَا فبَاتت تَعْتقِد بِأنَّ كٌلِ مَن عَلي هَذِه الأرْضِ يَخْون. من المؤلم أن الخيانة الزوجية التي لا تنجح لا يجرؤ أحد على تسميتها خيانة. الخيانة الزوجية هي أكثر ما يألم الإنسان لكونها تأتي ممن وثقنا بهم. وراء كل زوج خائن زوجة م**ورة الجناح. أخشى ما أخشاه أن تصبح الخیانة الزوجية وجھة نظر. الخیانة الزوجية كالھواء تدلف إلى منازلنا بمجرد فتح الباب. ما أبشع أن الخيانة الزوجية، ولكن الأبشع أن تجد الخیانة سھلة. أن تخسر شخصاً بسبب الموت أقل إيلاماً من خسارته بسبب الخيانة، الموت يقضي على المستقبل فقط، لكن الخیانة تقتل الماضي أيضاً. قمة الخیانة الزوجية أن تعطیني ظھرك وأنا في أمس الحاجة إلى قبضة يَدك. كم مرّة ھزمتنا الخیانة الزوجية دون قتال. نسيان الخيانة الزوجية وجع آخر. من المؤسف حقاً أن تبحث عن الصدق في عصر الخيانة وتبحث عن الحب في قلوب جبانة.

#يتبع

.

#المشرده

ل فله علي

-25-

الآخيرة !

خالد وعمر وصلو العمارة الساكنه فيها دنيا ...خالد متذكرو لانو مرة وداهم هناك ...

دقو الباب ..دنيا جات فتحت ...كانت زي العيانه كده...بقت مبهدله و عيونها تعبانات: يا اهلاً وسهلاً ...زيارة الرئيس ما كانت حتسرني كده زي زيارتكم دي !

عمر خنقها من رقبتها وقال ليها وهو ضاغط على اسنانو : سبا وين !

اقصد نون وين !

دنيا : نون ! من وقت اعتدى عليها الغ*ي داك ما شوفتها تاني !

خالد : احسن ليكي تتكلمي قبل ما البوليس يجي..

دنيا : قت ليك ما عارفه ...يمكن مع عزو ...و كاتمه فيها لو عاقبها زي صحبتها المسكينه امال ...ما عارفه الرجعها لي عزو شنو

خالد : منو القتل امال !

دنيا : جماعة تبع عزو ...واحد اسمو عبدو امال مسكينه شديد والله

عمر : انتي محتالة.. كنتي حاضرة وقت امال جات وعزو سلمها لي عبدو ليي ما منعتيهم!!

دنيا : ما كنت عارفه انو حيقتلا.. صدقني!! انا فعلاً شغاله شغل شمال لكن عمري ما فكرت اصل للقتل والحاجات دي!

خالد : عزو عنوانو وين !

...

بعد تعب لقو الكبري محل عزو

لقو أطفال كتتار حالتهم تصعب على الكافر.. العيان عيان

والبتصارعو مع بعض.. والبياكل في حاجات ما مفهومة... عمر جاتو غصة لمن عرف انو اختو جزء لا يتجزأ من الأطفال ديل وانو فعلاً دي حياتها

في واحد من المشردين وصف ليهم مكان عزو..

دخلو غرفتو و المكان كان وسخان وقذر أصلا شبه عزو بالضبط

عزو وقت شافهم اتخلع وقال : منووو! مش انت القبيل لاقيتك !؟

عمر : ياهو زاتو ...عايز البت وينها !

عزو : هههععهههههه نون سوقها حار ...

البت دي غاليه ...ما في بشر لمسها لي هسع ...عشان كده رافع عليها السعر...

خالد فرح شديد ...

لانو عرف انو نون طاهرة لسع...وانو في امل انو ينقذوها ..

عمر : جيبيها لي بدفع ليك الدايرو....

عمر طلع ربطتين قروش من فئة الخمسين...

عزو عيونو زاقت ...وبلع ريقو : بس المزة شالوها قبيل ...

خالد قبقبو من قميصو وصرخ فيهو : الشالها منو !!!!

عزو : واحد غنيان كده

خالد : مننو قول !

عزو : والله بصراحه ما بعرف بس لقبو الهندي اظن.. حسب ما سمعت

خالد وعمر ما حصل سمعو بالاسم ده

عمر : شغال وين رد !

عزو : ما عارف انا والله..كل البعرفو قلتو ليكم

عاين لي ساعتو وقال : هسع تقريبا بكونو طلعو من الخرطوم...ما ظنيت تلقو البت دي تاني..

عمر : انت مجنون ! وقعد في الارض يبكي زي الشفع...

خالد قومو وقال : لازم نبلغ الشرطه.. .ساقو عزو معاهم عشان يوريهم التفاصيل

واتجهو على اقرب مركز شرطه وسجلو البلاغ ...

رجعو البيت ..لقو هناء اتخارجت هي وبتها ...اصلاً بقي ده ما بيتها ...

الا حبوبتهم قاعده صابرة...

خالد كمان قرر يسافر برة السودان...ما معروف حيمشي وين بس المهم انو حيبتعد ...

منتظرين اي اتصال ...لغاية جاهم اتصال من الضابط الماسك القضيه...قال ليهم لقو جثة بت معتدى عليها ومشوهة تحت واحد من الكباري...

عمر خلاص اعصابو باظت و انهار....

اما خالد كرعينو ما شايلنو ...

لما وصلو المشرحه عاشو اصعب لحظات حياتهم...

الضابط فتح ليهم الجثه وفعلاً كانت بشعه..شكلو ميتتها كانت شنيعه...

طلعت ما نون.. لانو ما نفس اوصافها + الشامة ماف

...عمر حمد ربو بس برضو البت دي روح.. ربنا يرحمها

الساعه عملت 9:34 مساء ...

وهم راجعين كان كل واحد ساكت وما بتكلم نهائي....لكن من جوه كان بدعي انو تكون بخير

خالد وقف العربيه وحكه فرامل ...

عمر اتخلع وقال خلاص عملو حادث..

خالد نزل بدون ما يتكلم ...عمر لحقو ...

يا خالد في شنو !

خالد خاتي عيونو على بت واحده خشت في نص الزحمه...

خالد بدأ يجري ويفج في الناس ..عمر كان وراهو وبعتذر منهم...

وصل البت و مسكها ...البت اتخلعت وصرخت ...: مالك في شنو!!

خالد عاين ليها وللأسف طلعت ما نون !

الناس هاجو ومسكو خالد ..كانو عايزين يدقوهو ...

بس عمر فهمهم انو حصل سوء تفاهم...

عمر وخالد قعدو في عتبة كده بتاعت صيدلية. ....

فجأه في يد اتختت على كتفو وقالت : البت بتشبهني بس أحلى صح !!!؟

خالد وعمر لفتو لقوها نون!

عمر حضنها ودموعو تملا البحر ....

نون : فكني ياخ !

خالد بس كان ببكي...: المشرده ! مشتاقين والله !

نون : فك ده مني ياخ عايز مني شنو! ..

عمر : مش اختي ! ما بفكك

نون ضحكت لزوم سخريه و كده بس خالد قال : انا وفيت بي وعدي...صح ما لقيت امك وابوك بس لقيت اخوك الحيبقى ليك ام وابو ...نون عيونها دمعت وما كانت اصلاً مصدقه..

خالد حكى ليها كل حاجه ونون بس كانت بتبكي...

عمر : بوعدك دي آخر دموع تكبيها ...بس لكن شايفك لابسه سمح و ....

نون : شغاله في الصيدليه دي ...بنظف وبجيب ليهم الاكل وكده...

يا داب الليله اول يوم...

خالد : الشغلك منو لكن !

واحد شغال مع الهندي ...الراجل الاشتراني من عزو وضحكت : شكلنا رجعنا للعصر الجاهلي.. وارتقيت من مرتبة المشردين لمرتبة العبيد

قبيل الكلام ده وقت جابني قال لي الهندي بسلم عليك و نزل معي الصيدليه واتكلم مع الدكتورة وسلمني ليها ....فهمتني اني حأقعد معاها الفترة دي...

هسع طلعت اجيب ليهم شاي لقيتكم بتشاكلو ...هههههه دنيا عجيبه....

لقيت اهلي " !

المشرده لقت اهلها....

خالد مشى يتكلم مع الدكتورة الصيدلانية قبل ما يفتح خشمو قالت ليهو : انت دكتور خالد صح !؟

خالد استغرب وقال ليها ': اي.. انا خالد.. بتعرفيني؟؟؟

الدكتورة : الهندي قال لي انو الحيجي يسوق البت انت بس ما قال لي اليوم...

البت ظريفه اتمنيت تقعد معاي شويه...

خالد : لو بتعزي الله قولي لي الهندي ده منو ! لازم اعرفو!!

الدكتورة ضحكت وقالت : الهندي زول من اكبر الفاسدين في البلد..والغريبة انو هو زاتو من اكبر الصالحين في البلد ....

خالد : عايز اعرف الشخصية دي.. ضروري اعرفها بترجاك توريني هو منوو!!

البت واصلت كلامها :

الهندي مجرد إنسان عادي..

وحيد ومسكين... الدنيا ضوقتو مآسي وإهانات وزلات .. خيانه... غدر ظلم... كل أنواع العذاب. .

بس الشي الظريف انو الحصل ليهو كان نتيجه لي آفعالو وهو راضي ومسلم بكده ...

جرائم القتل دي كلها كان هو وراها ...الهندي شخصيه بتكره الاطفال كره مبالغه وبتدمر النسوان..

نون محظوظه لانها لقت عنايه خاصه من جهتو ...

خالد : ما ساعدتيني بحاجة... الهندي منو يا دكتورة!!

الدكتورة : الهندي البعرفو زول واحد بس

خالد : منو قولي !؟

.الدكتورة : هو براهو البعرف روحو ....والبعرفو بموت...وانا ما عايزه اعرفو عشان انا ما عايزه اموت....

يلا انا عندي شغل ..

طبعا الدكتورة

خلت خالد يتوه...في الطريق كان بس بفكر في كلامها ...

وصلو البيت ..خالد مجهز شنطتو ومصر انو يسافر .بس ما كلم زول..

قرر يسافر كندا ويواصل .شغلو هناك

........

...

وهو في المطار واحد من عمال النضافه جاب ليهو ورقه...

وقت فتحها كان مكتوب فيها : سبا أمانه في رقبتك لي يوم الدين...

كيف تسافر وتخلي الامانه وراك !؟

...التوقيع الهندي

خالد احتار منو الهندي الجننو ده !

عشان كده لغى السفر ...وقرر ما يمشي نهائي....

خالد رجع ...وبعد شهر كده نون او ممكن نقول سبأ بقت مرتو ...

سبا كملت دراستها و امتحنت من محو الأميه..

دخلت الثانوي وامتحنت تالته المجال الأدبي.. ودخلت كلية التربية

المهم

نون هههه اقصد سبأ هسع بقت أستاذة جامعيه وباحثه اجتماعيه ..

وقضيه قضيه بتحاول تحل مشكلة التشرد

وبتساعدهم لأقصى احد ..

عملت مؤسسه خيريه اسمها : انا لست لقيطاً ..

ونورس مسك منصب محترم في المؤسسه ..

الشي السمح انو المؤسسه ماشه من نجاح في نجاح !

و بتلقى دعم من كل الجهات حتى من خارج السودان.. وما كده وبس.. اتعملت فروع في مصر وإثيوبيا والكويت و تشاد و فلسطين

وبصراحه كده لو المؤسسه دي واصلت و الفساد ما دخل بين مكاتبها ..

بحلول 2022 م ما حيكون في ظاهرة تشرد في السودان

خالد ساعدها كتير ونهائي ما فكر يفتش اهلو ..اعتبرها هي امو وابوهو واختو واخوهو...

اما سبأ كانت زهجانه طول الوقت ..

لانو علم الدين كان بسنن ..وهي في الشهر السابع من حملها بي ندوش الصغيرة

..عز الدين راجل هناء سافر النرويج ..وفي ناس قالو انو مختفي بس اهلو داسين الموضوع ..

بصراحه ...عز الدين براهو بيعرف هو هسع وين ..

اما عزو التاني الشرطه اعتقلتو بتهمة المتاجرة باطفال قصر ..هسع في السجن وكمان لاقا عبدو هناك مقبوض في بيت دعاااارة..

يستاهلو

عمر مبسوط وبضحك 24 ساعه....

وخلاص لقى شريكة حياتو

سارة ..بت بسيطه من امبده

لاقاها صدفه وهي متأخرة عن البيت والمطرة صابه فيها

قام وصلها وبدت قصة حبهم

....بس المحيرني ومطلع مخي ومخ خالد لي برة..

الهندي ده منو ؟!

خصوصاً انو كانت طوالي بتجيهم مساهمات ماليه بأسم الهندي ..

انا غايتو زي العرفتو .....ما عارفه خالد لو عرفو وله لا بس انا عرفتو ....

عرفتو من كلمات الصيدلانيه وقت خالد سألها الهندي ده منو ....وقامت جاوبتو جواب مبهم ....

.زول الدنيا ضوقتو مآسي ..غدر وخيانه ..بكره الاطفال ..بحتقر النسوان ..ان اللبيب لبألاشارة يفهم ....

انا فله دي فهمتها ..وعرفتو منو ..انتو كمان ركزو حتعرفو الهندي منو .....

.....

نبذل في بعض الأحيان مجهوداً جباراً لكي نبرأ من جرح الخيانة، ونتمكن من ذلك في آخر المطاف. كم زوج خائن اليوم لا يشنق بل يشنق الآخرين في جروح صعب أن تنسى. إِن الخيانةَ الزوجية لا يغسِلُها دمعٌ ولا ندمُ. المثقفون ھم أكثر الناس قدرة على الخیانة الزوجية، لأنھم أكثرھم قدرة على تبريرھا، والتهرب من جرح تلك الخيانة. الزواج بحب كالزھرة الجمیلة والوفاء ھي قطرات الندى علیھا والخیانة ھي الحذاء البغیض الذي يدوس على الوردة فیسحقھا، ويلقي جروح لا تمحى. إنني أؤمن عن يقین أن سعادتنا تبدأ داخلنا، وأن السعادة في العطاء ربما تفوق السعادة فیما يعطیه لنا الآخرون، وأن الإخلاص أكبر بكثیر من إبھار جرح الخیانة. احذر خیانة الزوج فخیانته قاسیة تجرح. أقنعوني بأي شيء إلا الخیانة الزوجية لأنھا تحطم القلب وتنزع الحیاة من أحشاء الروح. جرح الخيانة الزوجية هو أن تضغط على كرامتك من أجل من تحب منتظرًا منه أن يكلل كرامتك بتاج من الحب، وللأسف لا تجد منه إلا الجرح والمهانة. الحب الحقيقي لا ينتهي إلا بموت صاحبه، والحب الكاذب يموت عندما يحيا صاحبه، والخيانة جرح لكل حب حقيقي.

يلا المشرده خلصت.....

شعر انا لست لقيطاً

واحد هدومو ممعطة.. سن الحداشر حصلا

جعان بفتش في الأكل.. في حاجة باردة اليشربا

بشحد وبسأل في البشر.. شان يلقى لقمة الياكلا.. اتعتر بي حبلاً خفي.. في الواطه مدسوي في الحصا

واتمسك بي آخر قميص.. لي زول نضيف ومهندمها الحركة غاظت زولنا تب.. لفت بي كرهاً وافترا..

عاين لي زولنا ده الحنين.. عاين لهدومو الموسخه..

ماسك قميصي ليه يا لقيط!.. تمسك جنزيراً من لظى

قال ليهو ابدا ما لقيط انا أمري من رب السماء

انا غلطة وقعت فيها أم مع واحد اصلو ما قدرا..

ما اتحملو الغلطة البقت.. نتيجة لي حبهم انا..

انا اصلو ما واحد لقيط... انا امري من رب السماء..

بقلم : فضيله علي موسي ( fulla Ali )

مافي يتبع بس في مع السلامه...........