First Person POV
"Bakit nandito ka?"
Lumingon ako sa pinanggalingan ng tinig. Nagulat man ay napangiti pa rin ako noong makita si Coach na nakalapit na pala sa akin.
Hay. Ang hihilig sumulpot na lang bigla at manggulat ng mga tao.
Umusog ako para makaupo ito. "Ouch! Ayaw n'yo na rin po na nandito ako?" Pagdadrama ko sabay hawak sa tapat ng dibdib na parang nasaktan.
Itinaas nito ang kamay para guluhin ang buhok kong nakapusod. "Anong ayaw? Anong drama 'yan? Kailan ka pa natutong umarte?" natatawang tanong nito.
Napaiwas ako noong nagulo nang masyado ang buhok ko dahil sa ginawa nito. "Coach, naman. Nagulo na tuloy ang buhok ko. Ang hirap po kayang magpusod," reklamo ko.
Lalo itong natawa.
Inilibot ko nang pasimple ang mata ko habang inaalis ang panali sa buhok ko. Naisip ko kasing
