العشق ورطة ❤️?

العشق ورطة ❤️🔥البارت الثاني

في صباح يوم جديد استيقظت نادين و ذهبت الي الحمام ثم اتجهت الي والدتها التي كانت ساجده تدعو الله ان تمر هذه المشكله علي خير انهت الام صلاتها وجلست علي الاريكه بجانب نادين

نادين:انا مش عارفه يا ماما انتي سلبيه كده ليه البيت مش هنسيبو ومحدش يقدر يهدوا وإحنا عايشين فيه فين المشكله بقي

الام : المشكله ان في حاجه مش طبيعيه وخصوصا إن البيت سليم مع انو قديم بس الحمد لله مفيهوش شرخ واحد يبقي بناء علي ايه يتهد

نادين :والله ما أنا عارفه بقي يا ماما سبيها علي الله انا هاروح انا الجامعه عايزه حاجه

الام:تسلمي يا حبيبتي عايزه سلامتك

اتجهت نادين عالعادة الي موقف الميكروباصات لكي تذهب الي الكليه وكاعادتها تستمع الي الاغاني ولم تنتبه الي العيون التي تطالعها بإعجاب نعم إنه نفس الشاب شريف انور شاب طويل ابيض ذو لحيه خفيفه وعيون ملونه في سنته الاخيره في اداب فلسفه توقفت السياره وترجلت منها نادين وعندما كانت ستهم بالدخول للجامعه استمعت الي احد ينادي

شريف :يا أنسه

نادين بصدمه :انت تاني ثم قالت بتهكم شكلك عايز تتهزاء صح

شريف :والله ابدا انتي بس مدتنيش فرصه انا عايز اتعرف عليكي لأني معجب بيكي وعايز اتقدملك

نادين :نعم... هو انت تعرفني اصلا

شريف :يبقي نتعرف لاني عايز اتقدملك وعلي العموم انا شريف انور والدي دكتور اطفال ووالدتي مدرسه

نادين ببعض التوهان : هو انت لحقت تعجب بيا من مره شوفتي فيها

شريف :انتي شكلك محترمه وبنت ناس وانا اتأكدت من ده لما حاولت اكلمك

نادين بحده :والله انت شكلك فاضي وبتتسلى اتكل علي الله شوف انت رايح فين

ثم تركته ودخلت مسرعه الي الجامعه وعندما دخلت التقت بصديقتها منه

منه بنت جميله لديها بشره قمحيه وعيون واسعه خضراء واهداب كثيفه

منه:مالك يا نانو مين مدايقك

أشارت نادين امامهم

نادين :الواد الملزق اللي ماشي هناك ده

منه : العسل ده

نادين :عسل اسود ومنيل قال ايه شافني مره اعجب بيا فاكرني هبلة

منه :ما يمكن يكون معجب بجد يا نانو

نادين :انتي ع**طه يالا بينا ياختي علشان المحاضر

~~~~~~~~~~~~

وفي شركه الاسيوطي كان يجلس هذا الوسيم يراجع بعض الاوراق الخاصه بمشروعه الجديد عندما دخل عليه السكرتير

اكرم :أحمد باشا

أحمد :في أيه

اكرم :انا نفذت اللي حضرتك قولتلي عليه بس في مشكله

أحمد :مشكله ايه

اكرم : انا بعت واحد وهو في الطريق دلوقتي علشان يتفاهم مع الست صاحبه البيت اللي فاضل ويشوف طلابتها

أحمد بعصبيه :طب فين المشكله دلوقتي يا زفت

اكرم بخوف:المشكله يا فندم إن البيت سليم ولو هما حبوا بيفضلوا فيه محدش يقدر يخرجهم لانهم ممكن يقدموا بلاغ ان البيت سليم وهيجي واحد يعاينوا ويأكد الكلام ده

احمد بعيون جحيمية:امال الناس اللي في البيوت اللي حواليهم خرحتوهم ازاي

اكرم برعب :البيوت اللي حواليهم كانت قديمه جدا واصلا السكان كانوا ناوين يسيبوها لانها هتقع في اي وقت علشان كده مشيوا علي طول من غير ما يعملوا مشاكل

احمد بزعيق :اتصرف ماليش دعوه بالكلام الفاضي ده اهم حاجه عندي دلوقتي الكام ارض دول يفضوا في اقرب وقت علشان أبدا المشروع انت فاهم

اكرم :وهو يكاد يغمي عليه من الخوف حححاضر يا فندم ثم فار هاربا من امام احمد قبل ان يحرقه حيا

~~~~~~~~~~~

في المساء في بيت نادين

كانت نادين ووالدتها جالسين يشاهدون التلفزيون عندما رن جرس الباب اتجهت نادين تفتح الباب

نادين :افندم

الشخص :انا مش شركه الاسيوطي وحابب اتكلم مع مدام حنان صاحبه البيت

نادين : طب اتفضل

دخل الشخص الي المنزل وجاءت اليه حنان

حنان : خير حضرتك عاوزني في إيه

الشخص : انا جاي لحضرتك بخصوص امر الازاله الشركه اللي انا شغال فيها عايزه تعمل مشروع علي الارض دي والكام ارض اللي حواليها

نادين وقفت بحده: احنا مش هنسيب البيت وابقوا وروني هيتهد ازاي

الشخص بمنتهي العمليه :وانا جاي اعرض علي مدام حنان المبلغ اللي تطلبه مقابل انها تخلي البيت

حنان :وانا مش هسيب بيت ابويا اللي لمني انا وبنتي بعد ما كنا هنترمي في الشارع وخصوصا إن كل ذكراياتي الحلوه في البيت ده فأعزرني انا مش هسيب البيت

الشخص :ده اخر كلام عند حضرتك

حنان :ايوه واتفضل بقي

خرج الشخص بإحراج وهو لايعرف ماذا يفعل فقد حذره اكرم انه ان فشل سوف يخسر وظيفته

حنان بتعب :نادين هاتيلي الدوا من جوه حاسه اني تعابه

نادين بخوف علي والدتها: حاضر يا ماما

~~~~~~~~~~~~~

في شركه الاسيوطي دخل الشخص الي الشركه ثم اتجه الي اكرم ليبلغه ما حدث

اكرم بعصبيه:انت بتقول ايه ازاي مش راضيه امال انت رايح تعمل ايه

الشخص :والله يا اكرم باشا عملت كل الي اقدر عليه بس لاحظت إن الكلمه كلمه بنتها لما بنتها قالت لاء قالت زيها

اكرم :قوم امشي انت دلوقتي

دلف اكرم الي احمد ثم ابلغه كل شئ يالتفصيل

احمد بعصبيه وهو ي**ر كل ما يوجد علي مكتبه :انت بتقول ايه حبت الجرابيع دول هيعطلوا مشروع عمري

اكرم وهو يكاد يغمي عليه :والله يا فندم عملت كل اللي اقدر عليه

احمد بعيون مظلمه: غور من وشي انت دلوقتي وانا بقي اللي هتصرف عشان انا مشغل حبت اغ*يه

~~~~~~~~~~

في صباح يوم الجمعه استيقظت نادين وهي تكاد تبكي لان والدتها تنادي لكي يبدؤا وصله التنظيف (زي اي بيت مصري اصيل?)

ارتدت نادين بيچامتها البرمودا وذهبت الي والدتها لكي يبدؤا ومن عاده نادين انها تحب سماع الاغاني الشعبيه اثناء التنظيف وكانت تستمع الي

(قلبك بحر مالح قلبي فيكي سايح)

نادين وهي ترقص :ماما احنا لازم ننضف ببدل رقص بعد كده

الام بقله صبر : اه مأنا مخلفه رقاصه اشتغلي يالا يا بنت ال

قاطعتها نادين بمزاح :عيب يا مامتي ايه هتشتمي نفسك

ثم اكملوا وسط رقص ومزاح ندين وعصبيه امها