Chapter 34
~Vince Castro alyas Boy Takbo~
“Kaya mo ba akong ilaban? Magpapakasal ka ba sa akin?”
Kahit naparami ang nainom ko at talaga namang nalasing ako pero alam ko pa ang pinagsasabi at pinaggagawa ko. Seryoso ako. Hindi ako basta nagising na lang at niyayaya si Freya na magpakasal.
Inulit ko ang tanong. “Kaya mo ba akong ilaban? Magpapakasal ka ba sa akin?”
“Ah.. Vince, nagpo-propose ka ba ng kasal sa'kin?”
Nakatitig lang ako sa kanya. Gusto ko malaman kung kaya niya ba akong ipaglaban.
“Kaya mo ba akong ipaglaban? Sinubukan ko ng makapasok sa mundo mo…” Hinawakan ko ang kamay niya at inilapit sa puso ko, umaasang ‘oo’ ang kanyang sagot. “Magpapakasal ka ba sa'kin?”
“Vince, masyado yatang mabilis—”
“Oo, o hindi.” Napalakas ang boses ko at sa taranta niya ay napa uwang ang
