Chapter 17
~Vince Castro alyas Boy Takbo~
Nang hinarang ako ng mga dati kong kagrupo sa pag snatch sa pangunguna ng dati kong lider na si Mot, alam ko na… kailangan kong ihinto ang kotse at harapin sila, magkaroon ng masinsinang usapan. Kailangan kong mag-ingat, hindi lang para sa sarili kong kaligtasan kundi lalo na nila Freya, Bossing, at Auntie. Kaya kahit na ayaw ko siyang harapin ay napilitan ako. Isa pa, ayaw kong magasgasan ang kotse ni Freya.
Akala ko ay hindi ko na itatapak ang mga paa ko sa baraks, ang lugar kung saan kami nagtitipon kapag may iskor at naghahatian ng mga pinitik.
Binati ako ng mga dati kong kasamahan. Mga naging tropa rin naman pero dahil nga sa pagtiwalag ko ay iba na ang tingin sa akin. Pakiramdam nila ay iniwan ko sila sa ere. Ang iba sa kanila ay hinikay
