CHAPTER 18 ZIAH's POV: "Iya anak, hindi ba talaga kayo magkakasundo o magkakaayos man lamang ni Mr. Raven? Ilang araw na yata ang galit mo sa kanya ha?" saad ni tatay habang nasa hapag kainan kami. Gabi na ngayon at tanging gasera ang siyang liwanag sa amin. Ito ang ilaw namin ngayon para makakain kami nang matiwasay at hindi maging madilim ang paligid. Pero oo nga pala, ilang araw na rin ang nakalipas simula noong nakilala ko si Raven, pero yung inis ko sa kanya ay nandito pa rin. Sino ba kasing gaganahan sa kanya na makipagbati kung namumuhay sa dibdib nito ang kayabangan? Para siyang asong ulo na akala mo ay hindi anak ng Mayor kung umasta. Anyway, nalaman ko na kaya siya sumasakay ng motorsiklo ay dahil gusto niya rin na matulungan ang mga driver ng motorcycle. Alam niya raw kasi