Mula ng umalis si Alex ng Maynila, at magresign sa trabaho niya kay Leopard ay wala na nga siyang naging balita pa dito. Hindi siya nito hinanap kaya ibig sabihin lang noon wala na talagang pakialam ito sa kanya.
"Masaya ka naman siguro ngayon di ba? Kasama ang asawa at anak mo? Malungkot man. Pero masaya ako para sa iyo Leopard." Palagi niyang usal, tuwing maaaalala ang dating kasintahan.
Malaki na rin ang umbok ng kanyang tiyan. Nasa pitong buwan na rin iyon. Dalawang buwan na lang ay masisilayan na niya ang kanyang munting anghel.
Nagbibihis ngayon si Alex, at pupunta sila ngayong ospital para sa ultrasound. Ngayon lang niya naisipang tingnan ang gender ng kanyang anak. Sa pamimilit na rin ni Tisoy, at Tolits pati ni Lolo Juan at Lola Maring. Isa pa nagtataka sila kung bakit hindi no
