Her POV
Nakatingin lang ako sa labas ng bus habang tinatahak namin ang daan patungo sa pupuntahan namin. Hindi pa din matanggal sa isipan ko ang sinabi sa akin ni Maricel.
“Ayos ka lang ba? Inaantok ka?” tanong sa akin ni Cedric. Napatingin naman ako sa kaniya na may pagtataka dahil alam ko si Maricel ang kasama ko at katabi ko pero bakit siya yung na sa tabi ko.
“Asaan si Maricel?” tanong ko sa kaniya. Napatawa naman siya sabay abot sa akin ng tubig.
“Nagpalit muna kami, hindi mo din naman daw siya kinakausap kaya umupo muna ako dito. Ito o tubig,” sambit niya sa akin. Napangiti naman ako sa kaniya sabay kinuha iyon.
“Salamat dito,” wika ko.
“Inaantok ka ba?” tanong niya. “Pwede ka naman humiga sa balikat ko.” Napangiti naman ako dahil sa offer niya pero tinanggihan ko din iyon
