Matapos nang pag-uusap namin na `yon ni Lola, hindi na nawala sa isip ko lahat ng sinabi niya. Masyadong makahulugan. Hindi ko na alam kung ano'ng gagawin ko. Pakiramdam ko, nababaliw na ako sa dami ng iniisip ko. Hinatid ako ni Nikko pauwi. Nandito pa lang kami sa labas ng village, nakita ko `yong security guard na ngumiti sa `kin. S'yempre kilala na ako niyan. Huminto na ako sa paglalakad.
"Dito na lang, Nikko. Salamat sa paghahatid, nag-enjoy ako sa company ng Lola mo at ng kapatid mo.”
"Hindi ka nag-enjoy na kasama ako?" Umirap ako sa kanya. "Joke lang naman," tumawa siya. "Uhm... sorry." Kumunot ang noo ko bago ako tumawa ng peke.
"Nikko, sa loob ng tatlong buwan simula nang talikuran mo ako, ngayon mo lang naisip sabihin `yan?" Tumawa ulit ako ng peke. Nakayuko lang siya.
"Alam k
