Mahigit isang linggo na rin siguro ang nakakaraan simula nang makausap ko nang gano'n `yong si Rowena. `Yong Nanay ko daw. At sa loob ng mahigit isang linggo na `yon, nagsilbi siyang nanay sa `kin.
Hinahatiran niya ako ng pagkain sa kwarto, hinahanda `yong mga damit na isusuot ko kapag papasok na ako, minsan, siya ang nagsusuklay ng buhok ko. At kapag gabi, bago ako matulog, hnahatiran niya ako ng gatas sa kwarto. Hindi ko maitatanggi na ang sarap pala sa pakiramdam na magkaroon ng Nanay.
Nandito kami ngayon ni Kuya sa kwarto ko. Hindi ko alam dito, bigla na lang pumasok sa tabi ko at humiga sa tabi ko, eh.
"Ang ganda ng Nanay natin, ‘no? Kamukhang-kamukha mo," sabi niya habang nagfi-f*******: sa tablet ko. Ako naman, pinapakialaman `yong cellphone niya.
"Ano'ng gusto mong gawin ko? Ma
