"Dumito ka na muna sa bahay, Grantt," deklara ko matapos kaming kumain. Nasa sala na kami pareho. Busy ako mag-monitor ng kaganapan sa social medias habang siya ay seryoso namang nakatitig sa kanyang cellphone
"Naririnig mo ba ako?" untag ko sa kugtong sabay hampas sa kanyang balikat.
Baka kasi mamaya ay mamalayan ko na lang na sinugod niya na sa Nikki, eh. Napaka-unpredictable pa naman ng isang ito.
"Hindi ako bingi. Ka-chat ko lang si Wendy. Gusto niya akong puntahan." Halata sa kanyang boses ang pagka-stress. "Damn that jerk! Son of a b***h! Kung alam ko lang na gagawin niya ito, eh di sana ay tinuluyan ko na siya kagabi."
"Huwag kang magmura, Grantt," pananaway ko sa kanya.
"I'm so damn annoyed, Yong! What should I do, huh? " maktol niya sa paraang matatawa ka na lang talaga.
