Nagising ako dahil sa isang mainit at mabigat na bagay na nakapulupot sa bewang ko. Mabigat ang talukap ng mga mata ko dahil sa matinding pag-iyak at pag-aalala kagabi matapos kaming bantaan ni Senator Imperial.
Pagmulat ko, ang unang bumungad sa paningin ko ay ang maamo, gwapo, at seryosong mukha ni Governor Daks. Himbing na himbing sya habang nakasubsob ang ilong sa leeg ko.
Kumunot ang noo ko. Teka nga.
Dahan-dahan kong inilibot ang paningin ko sa kwarto. Puti ang kisame, maliit ang bintana, at amoy lavender ang bedsheet. Kwarto ko 'to! Pagkatapos ng madramang deklarasyon namin kagabi sa sala, nagpaalam ako na matutulog na muna sa sarili kong kwarto para makapag-isip at makapagpahinga dahil bugbog-sarado ang buong pagkatao ko sa kanya. Nakalock ang pinto ko! Paano nakapasok ang hi
