"Cyrus," kabadong tanong ko, pilit na inaaninag ang mukha nya sa dilim ng veranda. "Sino? Ano ba talaga ang nangyari sa mga pamilya nila?"
Tumingin sakin si Cyrus nang diretso. Ang mga mata nya ay nagdilim at naging sobrang seryoso, tila bumalik sa isang napakasamang nakaraan na pilit nilang ibinabaon sa limot. Huminga sya nang napakalalim at isinandal ang likod sa pader.
"Malapit na malapit ang pamilya Dakila at Imperial noon, Dalisay," mababa at malungkot na panimula ni Cyrus. "Parang iisang pamilya na sila. Magkababata si Gov at si Victoria. Sabay silang lumaki, sabay nag-aral. Ang tatay ni Victoria at ang tatay ni Gov ay matalik na magkaibigan at magka-alyado sa pulitika. Kaya nga hindi na naging nakakagulat sa lahat nang ma-engage silang dalawa eh. Perfect match daw, sabi ng mara
