"Paano po kung ayaw na niya talagang bumalik?" lakas loob na tanong ni Aldous kay Haring Luther.
"Mapipilitan na talaga ako gumamit ng dahas maibalik lang siya dito."
"Panginoon, mawalang galang na po pero gaano po kayo nakakasigurado na hindi ulit tatakas si Prinsipe Vladimir oras na makabalik na siya dito."
"Saka ko na iyan proproblemahin kapag nakabalik na siya dito. Ang mas inportante sa akin ngayon ay mahanap siya," sagot naman ni Haring Luther sa mga tanong sa kanya. Hindi na muli pa nagtanong si Aldous sa kanyang panginoon dahil ayaw niyang magalit pa ito sa kanya.
"Totoo nga ang balita na tumakas ang prinsipe," agad na nakilala ni Haring Luther ang boses ng nagsalita kaya naman agad siyang tumingin sa direksyon nito na may masamang tingin.
"Anong ginagawa mo dito? Hindi naman
