"Panginoon, isa lamang po paalala ang aking sasabihin. Sana po ay maghunos dili po muna kayo bago niyo patayin ang ating mga alipin. Madami na rin po sa kanila ang inyong winakasan ang buhay buhat nang lumayas si Prinsipe Vladimir sa palasyo," nakayuko at natatakot na sabi ni Aldous pero nilalakasan niya lang ang kanyang loob dahil kinakailangan na niyang pigilan ang ginagawa ng hari.
"Paano ako kakalma kung simpleng utos lang ay hindi nila magawa?! Isa pa yang Vladimir na iyan, kung hindi ko lang siya nag-iisang anak ay matagal ko na ring kinitil ang kanyang buhay," napatingin naman si Aldous sa kanyang panginoon dahil sa kanyang sinabi dahil naiisip niya na wala talagang patawad si Haring Luther. Maski anak niya ay makakaya niya iyong isipin na gawin. Nagpapasalamat na nga rin si Aldous
