"Kamusta ang aking anak, doktor?" tanong ni Aling Selma sa tumingin sa kanyang anak na si Salima. Nakarating kasi sa kanya na nahimatay ang kanyang anak kaya naman dali-dali niya itong pinuntahan.
"Maayos naman ang kanyang kalagayan. Dala lamang ng pagod at sobrang pag-aalala kaya siya nahimatay. Bukod doon ay wala na kayong dapat na ikinatakot," nakangiti na sagot ng doktor kay Aling Selma bago ito nagpaalam na aalis na dahil may iba pa siyang titignan na pasyente.
"Maraming salamat po dok," sabi pa ni Aling Selma.
"Salamat rin sa 'yo Vlad. Madami ka nang naitulong sa amin. Saka mabuti na lang at nandoon ka upang alalayan ang aking anak," mangiyak-ngiyak na sabi ni Aling Selma habang nakahawak sa kamay ng anak nito na si Salima habang nakatingin siya kay Vladimir.
"Walang anuman Aling
