Chapter 56
LOREBEL ‘LORRIE’
Pagkatapos ng mga rebelasyong nalaman ko mula kay Luna, nanatili pa rin ako sa bahay nila. Sa kabila ng mga nalaman ko na pagiging konektado ni Helena sa mga gulong nangyari sa buhay ko, sa buhay namin ni Hector noon, parang hindi ko makuhang magalit sa kanya. Nananaig pa rin ang awa ko sa kanya. Hindi ko maaaring isisi sa kanya ang lahat kung bakit nauwi sa kasamaang palad ang pagsasama namin ni Hector. Para sa akin ay biktima lang din si Helena. She was too young back then. She was just a teen. Katulad naming lahat ay isa ring biktima si Helena sa kabaliwan ng kanyang ina’ng si Eydra Evans.
Ilang minuto rin ang haba ng usapan namin ni Luna. Ilang minuto lamang iyon ngunit sa isip ko at pakiramdam ko ay parang ilang taon iyong binalikang baybayin ng isip ko
