Chapter 13
LOREBEL 'LORRIE'
Ilang araw na ang lumipas at kahit papaano ay nasusunod ko ang gustong set-up namin ni Hector dito sa loob ng kanyang penthouse. Sisiw lang sa akin ang mga gawaing bahay at sisiw lang din sa akin ang iwasan siya.
Ha! Akala naman niya ay kapansin-pansin siya. Kung sa katulad lang din niya na masama ang ugali, kayang-kaya kong ipanalo ang sarili ko sa paligsahan sa deadmahan.
Masasabi ko na magaan ang buhay ko rito dahil halos sarili ko lang din naman ang inaasikaso ko. Sarili ko lang ang ipinagluluto ko. Sariling labahin ko lang din ang nilalabhan ko dahil bilin nga ni Hector na huwag na huwag kong pakikialaman ang mga gamit niya pati na ang silid niya.
Madali akong kausap. Ayos na sa akin 'tong ganito kung ikukumpara sa naging buhay ko sa puder ni T'yang
