Lira:
ILANG ARAW LANG magmula ng magkamalay ako ay nagising na rin si Adrian. Hindi ko alam kung paano siya lapitan. Kita ko sa mga mata nito noong bagong gising siya ang kakaibang takot nang mapatitig sa akin. Takot na takot ang mga mata niya sa akin. Tipong hindi niya ako matitigan ng matagal sa mga mata. At hindi ko siya masisisi.
Minabuti ko na lamang umiwas sa kanya. Ako naman ang pinaka-mild lang ang natamo sa aming pito dahil sa pagkawala ko sa sarili noong mailibing na si grandpa kaya nauna na akong lumabas ng hospital kumpara sa mga kaibigan kong nabalian pa ng braso at ankle, puno ng pasa sa katawan at mukha, at may sugat pa sa ulo. Si Kristel ay napukpok ko ng lapida sa ulo kaya nagkasugat siya ng malaki doon. Maging si Adrian na ikina-coma nito dahil sa pambalibag ko noon sa
