“Mabilis kang mabubuking niyan, hindi na ‘ko magtataka kapag nasa news ka na isa sa mga araw na ‘to.” Nakapangalumbaba si Sydney habang naghihintay ng oras lamang. Nasa last day practice na ang mga grupo at habang ang ibang artista’y on hand sa mga grupo na assigned sa mga ito siya’y tumitingin lamang sa malayo.
“Ikaw lang ang kasama ko at makakahalata no’n,” sagot ni Alejandro na katabi niya.
“Hmm? Napansin ko na umpisa pa lamang ‘no, hindi ka mahilig pumunta sa camp training. He’s young, don’t you think?”
“Malayo ba masyado ang pagitan ng edad namin?” Natawa pa si Alejandro.
Umarko ang kilay ni Sydney.
“Huwag kang simangot nang simangot, sayang ang Angel na tawag sa ‘yo.”
“Paglabas lang ng iba rito, ikukuwento na nilang hindi maganda ang ugali ko.”
“May pakialam ka ba ro’n?”
Dumi
