Matagal nang tahimik sa labas, pero hindi pa rin makatulog si Dinah. Kanina pa siya ihing-ihi.
Pinilit niyang huwag pansinin, pero lalo lang siyang naiirita. Wala siyang choice. Kailangan niyang lumabas kahit ayaw niyang makaharap ang mga bisita ng uncle niya kaysa naman pumutok ang pantog niya.
Dahan-dahan niyang binuksan ang pinto at sumilip sa labas. Tahimik na ang condo maliban sa mahihinang tunog ng TV. Wala nang nag-iingay, pero naamoy pa rin niya ang natitirang alak sa hangin.
Nakatalikod sa kanya si Logan habang ‘yong isang lalaki ay busy sa phone at ‘yong isa naman ay nagpipindot ng remote. Wala ang isa nilang kasama baka lumabas.
Naglakad siya papunta sa banyo, pilit na hindi gumagawa ng ingay. Pagdating niya sa may pinto, bahagya niya itong itinulak, hindi naman naka-lock.
