الحلقه ٩ من كفاح عاشق

2947 Words

الحلقه ٩ من كفاح عاشق دُعَاء يريح القلب : ‏" اللهم اجعلني استيقظ علي خبر يحيي قلبي و ييسر ص*ري ويمحي حزني يارب بشرني بما أنتظره منك وانت خير المبشرين، يارب ارح قلبي وعقلي ونفسي وجسدي وابعد عني ما يزعجني ربي خفف علي نفسي كل ألم أشعر به ومدني بالصبر ومن بعد صبري فرحة تسكن أعماقي يارب العالمين."? بسم الله الرحمن الرحيم في فيلا الأسيوطي،، نبيله قاعده زهقانه،، وقالت تتصل على جميله نبيله: الو، ايوه مدام جميله، اخبارك ايه جميله: انا كويسه الحمد لله، والله اتصلتي في وقتك نبيله؛ ليه خير فيه حاجه، وبعدين ايه الصوت العالي اللي عندك ده، هو انتي فين جميله : انا في النادي انا ونغم، قلت نغير جو لان اليوم ممل جدا بصراحه نبيله؛ اخص عليكي يا جميله، طب كنتي قوليلي، ده انا هموت من الزهق جميله: خلاص ولا تزعلي احنا لسه فيها، البسي وتعالي ونسهر كلنا هنا مع بعض، نبيله: هو حمدي لسه مجاش، انا هكلم اشرف واجيلك على طول،، جميله: ماشي يا حبيبتي وانا مستنياكي، وفعلا نبيله كلمت اشرف اللي مصدق ومشي على طول، ،، --------- بقلم شيمو الخطيب في النادي، حامد؛ بقولكوا ايه يابنات، انا تعبت من القعده، ومحتاج اروح ارتاح، لو حابين تكملوا قعده، هخلي الواد أمير يرجعنا البيت ويرجعلكوا، ابتسام؛ لا،. اظن الكل يروح احسن،، نور: ايوه يا خالي، انا مش عايزه اتأخر على عمر اكتر من كده،، حامد: خلاص يا حبايبي، يلا بينا،، وفجأه سمعوا صوت وراهم،، عمر:السلام عليكم جميعا،، نغم لفت وشها وبفرحه مجنونه؛ عُمر نور بفرحه: عمر، دي اخر حاجه كنت اتوقعها انك تيجي،، ايه واقفه هتموت من الغيظ انه جه ونفذ رغبة نغم، وفي نفس الوقت فرحانه جدا بوجوده، اما تقى ففرحت جدا انه جه، عمر قرب من ابتسام ومد اديه : ازيك يا مرات خالي، ابتسام بخنقه سلمت عليه: كويسه ، ازيك انت ياعمر،، عمر : انا بخير الحمد لله،، حامد: والله جيت في وقتك يا عمر يابني، اقعد انت مع البنات، على ما أمير يوصلنا ويرجعلكوا،، عمر: طب ليه يا خالي، ماشي بدري كده،. متقعد معانا شويه،، ابتسام بغيظ : لا خالك تعبان، وبصراحه القعده تخنق،، عمر ابتسم بضيق: امممم، لا وانا ميرضنيش انك تتخنقي يا مرات خالي، وطالما القعده مش عجباكي، فتقدري تمشي عادي،،، وانا مش هعطلكوا، لكن احنا كده كده قاعدين،، نور وتقى ضحكوا بخبث وسكتوا لما ابتسام بصت بخنقه وسابتهم ومشيت،، حامد: براحتك يا عمر، ولو حابين اشتركلكوا هنا في النادي، من بكره اشترك ليكو والله،، عمر: تسلم ياخال انت قدها وانا واثق من كده، بس احنا مش بتوع نوادي، احنا يا دوب نيجي مره او اتنين في السنه وخلاص،. حامد؛ انت حر يابني،،، اسيبكو براحتكو انا بقه،. يلا بينا يا أمير،. أمير : يلا يا بابا،، وفعلا مشي حامد وابتسام وأمير،،، عمر بص لنغم اللي مشالتش عنيها من على عمر، والكل ملاحظ ده،،. عمر قعد جنبها وهمس ليها وقال: عنيكي بتلمع قوي،، يا ترى دي فرحه ولا دموع،، نغم بنفس الهمس: دي فرحه،، انا بجد مكنتش متوقعه المفاجئه دي،، دي احلي حاجه حصلتلي في حياتي، عمر بصلها وابتسم،، ايه: عمر،، وحشتني قوي يا عمر،، مشوفتكش من زمان،، عمر: انتي كمان يا ايه وحشتيني والله، اخبارك ايه،، ايه : انا تمام الحمد لله،، وهو يعني انت يهمك اخباري، ده انت حتى مبقتش بتسأل، عمر؛ غصب عني والله، لكن انا دايما بطمن عليكو من أمير، حتى ابقى اسأليه ،، نور بخبث: بس غريبه يعني يا عمر، انك جيت انهارده،، عمر: لقيت نفسي مش قادر اقعد لوحدي، قلت اعملها مفاجئه واجي، تقى مسكت دراعه وحضنته: ودي احلي مفاجئه يا ابيه والله، عمر ضمها ليه،، وبص لنغم وسكتوا،، جميله قربت منهم،، السلام عليكم كلهم وعليكم السلام، وقام عمر وقف،. نغم وقفت: ده عمر اخو تقى زميلتي يا مامي،،،،، ودي مامي ياعمر،، عمر مد اديه: تشرفنا يا فندم،، جميله: سلمت عليه وقالت ميرسي،، (وبصت لنغم) ها يا نغم، مش ناويه تيجي تقعدي معانا ولا ايه، نغم؛ مامي من فضلك سيبيني براحتي، وانا لما احب اقعد معاكو اكيد مش هتردد، جميله بنرفزه: ماشي يا نغم، انتي حره،(وبصت لعمر)،، فرصه سعيده يا استاذ عمر،،، وسابتهم ومشيت قبل حتى عمر ميرد عمر : نغم،، لو والدتك هتدايق تقدري تقعدي معاهم عادي، نغم بغيظ: هو انا مدايقاك في حاجه ياعمر، ولا عايزني امشي عشان تاخد راحتك في القعده مع اللي واحشينك عمر استغرب: اللي واحشني،!!! وهما مين دول، نغم بتتكلم بغيظ ونرفزه : آيه،، هيا تقولك وحشتني ياعمر وانت تقولها وانتي كمان وحشتيني، ولا كأننا قاعدين عمر ضحك جامد، وكتم الضحكه بسرعه وقال : انتي مجنونه يابت انتي، دي بنت خالي ومتربيين مع بعض، يعني زي اختي، نغم بغيظ اكبر: من الواضح أن عندك اخوات بنات كتير قوي، صح ولا ايه يا اسطى عمر عمر ضحك: صح طبعا، هههههه نغم دبت برجلها في الأرض بغيظ: يييه، انت بجد مستفز، ومشيت من قدامه، لكن هو كان مسكها من اديها عمر بتوهان : استنى بس رايحه فين نغم لفت وشها ليه وبصت على مسكته لاديها، وهو شال اديه بسرعه،، بعد محس برعشه اتملكت من كل جسمه، وكان ده نفس احساس نغم، نغم بصوت مكتوم وبتحاول تظبط أنفاسها : انا،، انا هروح اقعد ياعمر،. عمر بصلها وسكت، وهيا وقفت ساكته، وكأن الاتنين بيحاولوا يظبطوا انفاسهم،، ويجمعوا اعصابهم،،، عمر اتن*د: اممم، ممكن اعرف انتي مدايقه ليه، واشمعني انتي اللي ادايقتي كده، بالرغم ان نور وتقى محدش فيهم علق،، نغم : وانت مين قالك انهم مش هيعلقوا،، اكيد لما ترجعوا البيت هيعلقوا، وبعدين انا كده اللي في قلبي على ل**ني، مقدرش اكتم غيظي واسكت،، عمر: طب خلاص، اسكتي شويه، وتعالي نقعد معاهم، نغم بتمثيل: قول بقه انك زهقت مني، عمر بنفاذ صبر: اللهم طولك ياروح، يلا يابت، اتفضلي قدامي، بدل ما ارتكب جنايه في النادي ده،، نغم بصتله وضحكت،، وقالت: استنى بس اخر سؤال،، عمر: همممممم،، انجزي، نغم بابتسامة : لبسي كده معقول ولا فيه حاجه،، عمر: بصراااحه الاتنين،، نغم كشرت وقالت:يعني أيه الاتنين عمر: ؛ يعني لبسك معقول وبرده فيه حاجات مش حاجه واحده، نغم؛ متنجز ياعمر وتقول، انت هتزلني عشان تتكلم،، عمر ضحك: بصي، هو طبعا ارحم من الجيبه القصيره، وده لانه بنطلون،، ومداري شويه ، بس انتي مش شايفه انه ضيق حبتين، لا قصدي تلاته،، لا لا قصدي عشره نغم بتضحك:خلااااص،، عرفت انه ضيق،، طب بص انا هطلب منك طلب، عمر : اتفضلي وبسرعه لأنهم على آخرهم مننا، نغم؛ سيبك منهم بس وخليك معايا،، انا عايزاك تفضي نفسك يوم وتنزل معايا نشتري هدوم تعجبك، ايه رايك عمر بصلها واستغرب، : هو انتي بتتكلمي جد يا نغم، نغم: ايوه طبعا جد، وجد جدا كمان،، عمر: اممممم،، للأسف يا نغم ما ينفعش، ممكن تاخدي تقى او نور، انا ، لا نغم بضيق : طب لا ليه ياعمر عمر بضيق: لاني ماليش في الجو ده، وهخرج معاكي بمناسبة ايه،،، نغم انتي اسلوبك وحياتك غير حياتنا، فبلاش الأسلوب ده معايا، صعب اني اغير مبادئي عشانك نغم بزعل: خلاص ياعمر، اسفه لو دايقتك تاني انهارده، تعالي بقه نقعد معاهم، وفعلا راحو وقعدوا، والكل ملاحظ تعلق نغم بعمر، لكن محدش اتكلم، وانضم ليهم أمير وسهروا كلهم مع بعض، وفجأه قرب منهو اشرف، وقال اشرف: هاي يا جماعه عمر قام وقف بغيظ: ايه ده، هو انت،، ولف ليه ولسه هيمسك في هدومه كان اشرف موقفه وقاله اشرف: استنى بس يا استاذ عمر، انا مش جاي اعمل مشاكل، انا اجي اعتذر ليك وللانسه تقى، عمر سكت وبصله باستغراب،، وأمير وقف: هو ده اللي كان بيدايقك يا تقى،، تقى بغيظ: ايوه يا ابيه،، أمير قام ومسكه من هدومه،، : انت عارف اني ممكن مخليش حد يعرفلك طريق،،،، انت ازاي تتجرأ وتدايقها، اشرف نزل ايد أمير بعنف،، : اظن انا قلت اني جاي اعتذر، وبصراحه تصرفكوا ده مش فييير خالص،، عمر شد أمير وراه وقرب من اشرف: هتعتذر عن أي موقف يا استاذ أشرف،، عن.... اشرف قاطعه: عن كل اللي عملته، ودايقت بيه انسه تقى،، وقرب من تقى،،، حقك عليا يا انسه،، انا بجد اسف واوعدك اني مش هتعرضلك مره تانيه،، عمر مستغرب رد الفعل،، وأمير قرب منه وقال،، طب لو حصل ودايقتها،، تفتكر التصرف هيبقى معاك ازاي،، اشرف: لا صدقني متقلقش يا استاذ، انا وعدت وصدقني عمري ما اخلف وعدي،،، وعلى العموم لو حصل، فساعتها ليك حرية التصرف،، عمر: ماشي يا اشرف،، وانا قبلت اعتذارك،، نغم: ايوه بقا، خلونا نخلص من المشكله دي، وبصت لتقي وابتسمت اشرف قرب من نغم : ان شاء الله مفيش مشاكل تاني ،،، واتمنى انك انتي كمان يا نغم متزعليش مني،. وبصلها بتركيز شديد عمر بتصرف لا إرادي،،، : شد اشرف بعده عن نغم ووقف قدامها وقال،،، اظن انك اعتذرت واحنا قبلنا الاعتذار،، فكفايه قوي كده،، اشرف استغرب رد فعله: انا اسف يا استاذ عمر،، بعد اذنكوا عمر بص لنغم بنرفزه: هو انتي تعرفيه،، نغم بفرحه كبيييره: ايوه، ده والده صاحب بابي وكانو معزومين عندنا في الفيلا،، عمر :اممممم، هو انتي بقه اللي قولتيله يعتذر لتقي، نغم بنرفزه: لا طبعا،. أنا مقلتش حاجه، وهو جه اعتذر من نفسه،. وبعدين حتى لو انا اللي قولتله،، تفتكر هيسمع كلامي ويجي يعتذر عمر : اصل اللي يشوفه يقول انه بيراضيكي وبينفذ كلامك،. نغم : لا يا عمر دي اوهام في دماغك انت وبس،، ، جميله قربت منهم، وقالت: نغم،، اظن ده مينفعش،، مدام نبيله وصلت وسألت عليكي عمر بذوق: خلاص يا مدام،، اتفضلي حضرتك، ونغم هتيجي حالا جميله: ياريت متتأخريش، نغم بصت لعمر: شكلك زهقت مني، عمر: مش موضوع زهق؛ الموضوع ان فعلا دي قلة ذوق منك، والدتك جت كذا مره، وطلبت انك تقعدي معاهم. نغم : ماشي ياعمر، انا ماشيه، واخدت شنطتها بنرفزه من على الترابيزه ومشيت،،. نور : ايه ياعمر هيا نغم مالها،، عمر : مش عارف،، عادي يانور، دي مجنونه نغم راحت وسلمت على الكل،. وقعدت،، وجه اشرف قعد جنبها،، وطبعا هيا عنيها على عمر وبس. اشرف: ايه يا نغم،. اظن كده انا عملت اللي يرضيكي، نغم: المفروض تعمل اللي يرضيك انت ويتناسب مع رجولتك، مش اللي يرضيني انا،. عمر بص عليهم ولقى اشرف جنب نغم، وحس بغيره عمره ما حسها مع بنت غريبه غير اخواته البنات. وفجأه وقف، وقال:مش يلا بقه يابنات. أنا بجد صدعت جدا،، تقي: لسه بدري يا ابيه،. خلينا شويه كمان، ايه:ايه ياعمر، انت زهقت مننا كده بسرعه،، ولا عشان نغم مشيت،. أمير بصلها: انتي ع**طه يابت انتي، اهدي شويه يا ايه وبلاش غباء. عمر ببرود؛ سيبها يا أمير، (وبص لايه) لا يا ايه مش عشان نغم، لأن نغم زيها زيك وزي نور وزي تقى، كلكو اخواتي، انا بس محتاج ارتاح، وقلقي على نور وتقى هو اللي جابني هنا انهارده، مش حاجه تانيه، اظن كده بقه دماغك تهدي شويه،(وبص لأمير) يلا يا أمير أمير : ماشي ياعمر، يلا بينا، والكل قام ونغم لاحظتهم نغم بلهفه: ثواني بس يا اشرف وراجعه على طول وسابته وقامت قبل ميرد نغم قربت من تقي: ايه يا تقى انتو ماشيين تقي: ايوه يا نغم،. اشوفك بكره في الجامعه ان شاء الله نغم: ان شاء الله ياحبيبتي،، بس انتو ماشيين بدري قوي،. (وبتتكلم وعنيها على عمر) امير: ده يا دوب يا نغم،، عشان كل واحد يشوف شغله الصبح ان شاء الله نغم قربت من عمر، اللي كان سابقهم شويه ،. : عمر،، مش هتقولي مع السلامه، أو حتى تعرفني انك ماشي. عمر بتمثيل انه عادي: انا لقيتك مشغوله يا نغم محبتش ادايقك نغم : مشغوله مع مين،، وليه بتقول كده عمر: عادي يا نغم، وبعدين انتي عرفتي اهو اننا ماشيين، فين المشكله نغم : مفيش مشكله ولا حاجه،، اشوفك على خير يا عمر،،. عمر هز دماغه وسابها ومشي،، ورجعت نغم تقعد معاهم، وتفكيرها كله في عمر،، وخلصت السهره والكل روح على بيته ------------ بقلم شيمو الخطيب و بعد مرور شهرين ونقول نبذه مختصره عن اللي حصل،، عمر كل اهتمامه بشغله وأخواته،، وقعد مع نفسه كتيييير، ولقى انه للأسف مينفعش يتعلق بنغم لانه مفيش اي توافق بينهم، وطول الفتره دي بيحاول يبعد عن أي حاجه تعلقهم ببعض، نور حاسه باخوها وحزينه جدا عشانه، لكن مش حابه تتكلم معاه في اي حاجه الا لما هو يتكلم، وطبعا علاقتها بأمير بتتطور، بس محدش اعترف للتاني بحاجه،. تقى بتقضي يومها كله مع نغم سواء الصبح في الجامعه او بالليل في التليفون، وطبعا حاسه بحب نغم لعمر، لكن محاولتش تقول لنغم على حاجه، أمير اهتم بشغله اكتر وده طبعا لتشجيع نور ليه، وكل كام يوم يروح يتغدى معاهم، لأن اكل نور بيوحشه جدا، أكرم طبعا، سافر يتدرب في مكتب هندسي،، وتقى عرفت بالصدفه من الناس في الحاره، وقلبها اطمن عليه اما ايه، بتنزل جامعتها،، واتقربت من نغم وتقى، واوقات كتير بتقعد معاهم، وتسيب كليتها،، نغم محتاره ومش عارفه ليه عمر مبقاش يهتم بيها وبيحاول كل مره يهرب منها، وميقعدش معاها، حتى لو راحت عندهم، بيفضل في ورشته مش بيطلع، وهتتجنن، من بعده، وتأكدت انها بتعشقه مش بتحبه بس، لكن مش عارفه تعمل ايه،، جميله حاسه ان بنتها متغيره، وشاكه انه يكون فيه ولد ورا التغير ده، خصوصا ان لبسها وشكلها اتغير تماما، وكل ما تسألها، تقولها برتاح كده،، وقررت انها لازم تكلمها وتعرف مالها، اسعد والاسيوطي مشغولين في شركاتهم، وكل واحد يادوب بس يطمن على أولاده وينام نبيله علاقتها اتوطدت جدا بحميله وبقوا أصحاب،، واغلب الوقت في النادي مع بعض، طبعا بدون حضور نغم،، اشرف اتغير تماما، وبقه انسان تاني خالص، وكل ده ارضاءا لنغم -------- بقلم شيمو الخطيب نرجع للوقت الحالي،، في فيلا السويفي ، جميله قاعده ونغم جايه من جامعتها،، نغم: مساء الخير يا مامي جميله : مساد النور على اجمل بنوته،، مالك يا حبيبتي نغم قعدت بتعب: لا ابدا يا مامي، بس تعبانه شويه، ومحتاجه انااام، جميله: طب انتي اتغديتي ولا اقول لسعاد تحضرلك الاكل نغم بتعب: لا يا مامي انا اتغديت في الجامعه، هطلع انام شويه وبعدين لما اصحى ابقى هشوف هعمل ايه جميله وقفت: استنى يا نغم، انا عايزه اتكلم معاكي،، نغم وقفت: خير يا مامي جميله؛ عايزه اعرف انتي ليه اتغيرتي ليه بقيتي بتلبسي كده، وليه بقيتي دايما حزينه ، مالك يا حبيبتي نغم بضيق: وهو لبسي مدايقك،، كله دريسات بسيطه ورقيقه، ايه المشكله في كده، وبعدين ليه بتقولي حزينه،، منا زي الفل اهو جميله: يعني مش حاسه انك اتغيرتي،. نغم: لا يا مامي مش حاسه، واكيد لو فيه حاجه هقولك على طول،. يلا اسيبك انا لاني هموت وانام،. سلام يا مامي، جميله بعدم تصديق وقلة حيله: سلام يا نغم ،. وطلعت نغم اوضتها واتصلت على عمر اللي كالعاده مردش عليها بحجة انه مشغول،، ------- بقلم شيمو الخطيب في ورشة عمر،، عمر بص على فونه ولقاها نغم اللي بترن، ساب التليفون وكمل شغل،، بليه: جرا ايه يا اسطى عمر،. هو. انت مش هترد على التليفون ولا ايه. عمر بتركيز في شغله: لا يا بليه، مش هرد،، بليه سكت واستغرب،، ومردش، عمر لقى التليفون بيرن تاني، وبرده نغم،. وبرده مردش، واستأذن بعدها بليه وطلع يتغدى،، نور فتحت الباب: اتاخرت ليه يا عمر، الاكل جاهز من بدري،. عمر: معلش يا نور، بس عندي طلبيه مهمه ولازم تخلص، ادعيلي يا نور قلبي، نور بحب: ربنا يباركلك ويوفقك يا حبيبي يارب،. طب تعالي خد دش علي ما اسخن الاكل انا وتقى،. وفعلا خلص عمر، وطلع قعد على السفره وبياكل وهو. سرحان، ونور وتقى ملاحظين تقي: ابيه عمر، هو انا ممكن أسألك سؤال عمر؛ اتفضلي يا حبيبتي تقي: هو انت ليه مش بترد على نغم، وبقيت تعاملها وحش، مع انها بتعزك قوي،. عمر اتن*د بوجع وبص للسقف، ورجع بصلها: بصي يا تقى، انا بعامل نغم عادي،، وصدقيني مفيش اي حاجه، بس انا حابب علاقتي باي حد تبقى بحدود، وهو ده اللي انا عملته، نور بصتله واتن*دت وسكتت، وهو بصلها وواثق انها فهماه لكن هو مش حابب يتكلم في حاجه،، وعدي اليوم،، وتاني يوم راحت نغم وتقى الجامعه،، نغم : تقى،،. هو عمر كويس، تقى بزعل عليها: ايوه يا نغم الحمد لله، بس هو مشغول لانه مطلوب منه شغل كتير وهو بيخلصه، نغم بعدم تصديق : مشغول لدرجة انه ميردش عليا لما اكلمه يا تقي،، عمر اتغير معايا قوي وانا مش عارفه ليه،. تقي: بصي يا نغم،. عمر اخويا بيحب دايما يعمل حدود بينه وبين اي حد،، يمكن هو مش راضي يتخطى الحدود دي معاكي، نغم بدموع؛ حدود ايه اللي تخليه ميردش عليا ويهرب مني ،، ده حتى بيهرب انه يشوفني، ليه يا تقى،. كل ده عشان ايه، تقى بزعل؛ نغم يا حبيبتي، لو عايزاني اتكلم معاه، هتكلم معاه واقولك، بس متزعليش نفسك بالله عليكي ،. نغم بدموع: لا يا تقى مش عايزه اي كلام،. أنا هعرف عمر ماله، وانا اللي هتكلم معاه،، تقى؛ خلاص يا حبيبتي براحتك،، نغم؛ هو ممكن اجي اوصلك انهارده،. تقى بفرحه: طبعا ممكن دي نور هتفرح قوي، بس اعملي حسابك هنتغدي مع بعض،، نغم ابتسمت بحزن: حاضر يا تقى، وفعلا نغم وصلت تقى، وتقى طلعت بلغت نور، اما نغم فدخلت الورشه لعمر، بليه: اهلا وسهلا، تؤمريني بحاجه يا ست هانم، نغم عنيها على عمر، لكن هو مش واخد باله منها،. نغم قالت: لا شكرا يا بليه، انا عايزه الاسطي عمر،. عمر اخد باله من صوتها، ووقف بسرعه : ايه ده،، نغم،، خير يا نغم، تقى حصلها حاجه،، نغم يزعل ولوم: وهو انت متقلقش غير على تقى ولا ايه،، عموما تقى كويسه، وطلعت فوق، وانا حبيت ادخل واسلم عليك لاني واثقه انك مش هتطلع لو عرفت ان انا فوق، عمر اتن*د بزعل: لا طبعا عادي، انتي بس اللي حساسه زياده عن اللزوم،. نغم بلوم: انت شايف كده يا عمر،. عمر بصلها وسكت ،، نغم بدموع؛ ممكن اعرف انت اتغيرت ليه،، ايه اللي حصل مني زعلك،. عمر بجمود: اظن يا نغم ده لا وقته ولامكانه ،، نغم بنرفزه؛ وهو. انت بترد عليا، ولا بشوفك عشان اتكلم معاك،، عمر بجد كده مينفعش،. كلمني قولي ايه اللي بيدور في دماغك، قولي ليه اتغيرت،، عمر بنرفزه: قولتلك ده لو وقته ولا مكانه،. اتفضلي اطلعي فوق دلوقتي وبعدين نتكلم،، نغم بصتله بحزن: حاضر يا عمر، انا هطلع وهستناك،، وفعلا طلعت، وهو فضل واقف مكانه وسرحان، وبعدها نفخ وكمل شغل،. نور رحبت جدا بنغم، وقعدوا مع بعض،، عمر طلع،، ونور حضرت الأكل، وقعدوا كلو في **ت، عمر قام وغسل اديه،، ونور وتقى ونغم بصوا لبعض وفعلا مستغربين جدا ،، عمر: ؛ نور، انا هنزل اكمل شغلي،، لو عايزين حاجه كلموني، نغم؛ استنى يا عمر، انا عايزه اتكلم معاك،، عمر؛ معلش يا نغم، انا فعلا عندي شغل كتير، نغم بخنقه : الشغل مش هيطير يا عمر ،وانا مش هاخد من وقتك كتير،. نور؛ خلاص يا عمر شوف نغم مالها، وانا وتقى هنعمل الشاي،، عمر قعد، ونغم قعدت جنبه،، نغم؛ ممكن افهم مالك، وليه بتعاملني كده،، عمر: انا بتعامل عادي، وكله عندي زي بعضه، يعني زي ما بعاملك بعامل نور وتقى،، انا فعلا مضغوط جدا، والشغل عليا كتير، وانا لوحدي،، نغم؛ انت واثق انك بتعامل كله زي بعضه،، يعني لو نور اتصلت عليك مش هترد زي مابتعمل معايا، عمر بنرفزه؛ انتي عايزه توصلي لايه يا نغم،، نغم بكل جراءه شاورت على قلبه، وقالت عايزه اوصل لده يا عمر،،،، ____________ بقلم شيمو الخطيب

Free reading for new users

Scan code to download app

App Store Google Play

Facebookexpand_more