الحلقه ٨ من كفاح عاشق

2202 Words

الحلقه ٨ من كفاح عاشق يقول أحدهم : كنت لا أفقه في القرآن شيئًا وكنت أجد عثرات ومشقة في الحفظ حتى أوصاني شيخي بأن ألزم هذه الثلاث دعوات في كل سجدة، اللهم انفعني بالقرآن، اللهم ارفعني بالقرآن، اللهم علِّمني القرآن. -ففتحَ الله عليّ فتحًا عظيمًا رُزقت حفظ القرآن وإتقان القرآن وتعليم القرآن.⁦? بسم الله الرحمن الرحيم في النادي، نور وتقى قعدوا جنب بعض، وأمير قعد جنب نور أمير: ايه رايك في النادي يا نور، نور بخنقه: كويس يا أمير، أمير بزعل: نور،. أنا عارف ان ماما كلامها سخيف، بس عشان خاطري اوعي تزعلي نفسك، انا مقدرش اشوفك زعلانه بالشكل ده نور بنرفزه وصوت مخنوق : عمر اخويا كان عنده حق في كل كلمه، مامتك كل اللي يريحها انها تجرحنا وبس، انا جيت عشان خاطر تقى، غير كده اقسم بالله يا أمير مكنتش جيت ولا وريتها وشي، واللي مصبرني عليها انت وخالي غير كده كنت رديت رد زعلكوا مني أمير بتفهم؛ خلاص بقه يا نور حقك عليا انا، انتي عارفه اني مرضاش ليكي الاهانه، وخالك خد حقك تالت ومتلت، زعلانه ليه بقه نور بخنقه: انا كل اللي مزعلني ان عمر لو عرف. هيدايق جدا ، لأنه حذرني وانا مسمعتش الكلام. امير: ياستي عمر مش هيعرف، وانتي حاولي متقوليش ليه، خصوصا انك عارفه انه هيدايق جدا، نور؛ وهو ده اللي انا هعمله ان شاء الله، أمير ابتسم؛. طب ممكن تحني عليا وتفكيها بقه، انا بجد مخنوق من شكلك كده نور بصتله بضيق وقالت؛ ليه أن شاء الله وماله شكلي كده، أمير ضحك؛ ايوه بقه،، هو ده،،، اموت انا في مشا**تك دي، نور ابتسمت ولفت وشها الناحيه التانيه، ابتسام متابعه وهتموت من قرب أمير لنور،، لكن للأسف مش قادره تنطق، لأن حامد موجود، آيه قاعده وبتهزر مع تقى، ولسه هتقوم عشان تتمشى هيا وتقى. بصت لقت نغم،. ايه: ايه ده، دي نغم اخيرا جت النادي يا ماما، الكل بص، ونور وتقى وأمير وحامد اتصدموا ، تقى؛ ايه ده،. انتو تعرفوها، ايه: ايوه دي صحبتي، جميله قربت منهم، وسلمت على الكل، ونغم كانت بتسلم على صاحبتها وبعدين قربت منهم واتفاجئت بيهم نغم بفرحه: تقى، حبيبتي ، انتو ازاي،.... لا انا مش فاهمه حاجه، هو، انتو...... لا بجد حد يفهمني، انا دماغي لفت، نور وأمير وتقي ضحكوا امير: شوفتي الصدف، والله الدنيا ضيقه، جميله بعدم فهم: هو انتو تعرفوا بعض، نغم؛ طبعا، دي تقى زميلتي في الجامعه، ودي نور اختها، كلية صيدله واحلى شيف في مصر، وده أمير ابن خال تقى، ابتسام بغيظ: وابني، واخو ايه، نغم استوعبت انهم موجودين : اه انا اسفه ياطنط بس المفاجئه لخبطتني،، ابتسام : لا ولا يهمك يا حبيبتي، وكويس انكو طلعتوا عارفين بعض، وفرتوا علينا المسافات، نغم راحت قعدت جنب تقى، وسلمت على ايه، ايه : كويس قوي انكو طلعتوا صحاب، بس شكلكو صحاب من زمان نغم : لا والله ابدا، ده من امبارح بس، ايه: بس الفرحه اللي في عنيكوا بتقول غير كده، نغم : بصت لتقي بحب : ربنا يعلم أن تقى دي اختي بجد، انا مبقتش عارفه اقعد من غيرها اصلا ايه حست بغيره: واشمعني بقه يا نغم،. مع انك تعرفي بنات كتير هنا لكن عمرك مقولتي كده على حد فيهم نغم: دي مسألة احساس يا ايه، انا محستش مع أي واحده هنا الاحساس اللي حسيته مع تقى وأخواتها، بجد ربنا عوضني بيهم، جميله واقفه واتعرفت على حامد،وسلمت عليه،، ونادت على نغم جميله؛ ايه يا نغم،. مش ناويه تقومي، نسلم على باقي أصحابنا، ونسيب مدام ابتسام براحتها، نغم بهزار؛ لاااا، سيبيني انا يا ماما، وانسيني خالص، انا لقيت نفسي هنا، ومش هتحرك ، صح ولا ايه يا عمي، (وبصت لحامد)، حامد: بضحك،،، صح يا حبيبتي،، انتي منورانا والله، نغم؛ تسلم يا عمي يارب،، وفعلا جميله مشيت، وابتسام على آخرها، ابتسام قربت من حامد: ممكن افهم ايه اللي بيحصل، حامد؛ ايه يعني اللي بيحصل، البنت كانت عند تقى الصبح واتغدت معانا، وانا اتعرفت عليها هناك، ايه المشكله يعني، ابتسام بغيظ؛ وهما دول يعرفوا الأشكال النضيفه دي ازاي، دي البنت ناقص وتبات معاهم، حامد بغيظ: زي ما الأشكال النضيفه دي عرفتك، فهي كمان عرفت اللي انضف منك، ولاد اختي، ابتسام بصدمه: ايه، انضف مني، حامد بتأكيد : ايوه،،، ولاد اختي انضف منك ومن مليون زيك، وكلمه تانيه، قسما بالله لاكون رامي عليكي يمين الطلاق قدام صحباتك،، قال صحباتي قال، ابتسام اتكتمت خالص، وقعدت هتموت من الغيظ وباين عليها جدا، نغم قاعده وماليه الدنيا ضحك وهزار مع نور وأمير بالذات، نغم؛ أمير، هو عمر فين دلوقتي، ايه وابتسام اتصدموا اكتر،، امير: عمر في الورشه، انتي عارفه من الصبح مفتحهاش،، نغم سكتت، وبعدين قالت: يعني هو مش هيجي ولا ايه، نور؛ لا معتقدتش يا نغم، عمر مالوش في جو النوادي ده خالص ، نغم بزعل؛ يا خساره،، طب بصو انا هحاول اكلمه، يمكن يجي، أمير بص لنور وتقى، والكل استغرب، نغم بصت ليهم وضحكت: عارفه، مستغربين اني جريئه، بس انا كده، ومش عارفه اتغير، ها، عندكو مانع، كله ضحك، وأمير قال؛ ومين يقدر يعترض، على القمر، نور بصتله بضيق، نغم ضحكت: نور شكلها هتدفنك مكانك، الحق بقه اسحب الكلمه، نور اتحرجت وقالت؛ لا، وانا هدفنه، ليه،، عادي يعني، أمير بص لنور وضحك وقرب منها وهمس: حيث كده بقه اعا** براحتي نور بضيق: عشان اعميلك عنيك خالص يابن خالي أمير فرح جدا بكلام نور، وحس انه فعلا ليه قيمه عندها، وبصلها وعنيه بتقول كل كلام الحب اللي المفروض يتقال، نغم قامت بعيد، واتصلت على عمر،. عمر بص لفونه وضحك ورد: امممم،. برده مش عارفه بتتصلي ليه، نغم بضيق: بقه بذمتك ده رد، افرض اني في مشكله او مخطوفه وعايزاك تساعدني، عمر ضحك: يااااه،. خيالك واسع قوي، مش للدرجادي يعني، نغم : والله منا عارفه اقولك ايه، دايما بتفصلني، عمر ضحك : خلاص يا ستي حقك عليا، بس خير، زهقتي من صحابك قولتي ترخمي عليا شويه، نغم بضحك: طب انت عارف انا قاعده مع مين، عمر: ها،، هيكون مع مين يعني نغم: مش هتصدق،، انا قاعده مع أمير ونور وتقى، وايه بنت خالك، ايه رايك بقه عمر بصدمه: يا ولاد الايه، دي الدنيا ضيقه قوي، وضحك نغم بهزار: اتريق اتريق ، طب،. القعده ناقصاك، ماتخليك جدع بقه وتيجي، عمر بزعل:للأسف يا نغم مش هقدر والله، عندي شغل كتير قوي، وانتي عارفه، ان ده اكل عيشي انا واخواتي، واليوم اللي بقصر فيه بيفرق معايا كتير، نغم : طب ولو قولتلك عشان خاطري، عمر بجد حابه اشوفك جدا، واللي انت عايزه انا هعمله معاك، بس تعالي دلوقتي، عمر بنرفزه وصوت عالي، : قصدك ايه بكلامك ده يانغم،، شكلك متعرفيش مين هو عمر الصاوى، وقبل متتكلمي معايا تعرفيني الأول. عشان تحاسبي على كلامك كويس، انا عمري ما افكر استغل حد عشان مصلحتي، انتي فاهمه ولا لا، نغم برعشه في صوتها: بس انا مش قصدي حاجه يا عمر، انا بهزر على فكره، عمر بنرفزه: الهزار ميبقاش بالكلام ده، وانا اسف يا نغم، انا مضطر اقفل دلوقتي، نغم : طب استني افهمني........ وقفل عمر السكه،. ونغم اتصدمت من رد فعله، وفضلت واقفه مكانها مش قادره تستوعب اللي حصل تقي حست انها اتاخرت قامت وقربت منها وقالت: نغم،. مالك،. واقفه كده ليه، نغم بصتلها وانفجرت في العياط واترمت في حضنها،، تقى بخوف: نغم،، مالك ايه اللي حصل فهميني، نغم مش قادره تتكلم وبتعيط وبس، نور وايه قربوا منهم وأمير بعدهم،. نور؛ فيه ايه يا تقى نغم مالها، تقى : والله مش عارفه يا نور، فجأه لقتها انفجرت في العياط، ايه بخنقه: هيا مش كانت قايمه تكلم عمر، ممكن يكون مش جاي وهيا زعلت واتعشمت فيه قوي، نغم بصتلها وسكتت، تقى: مالك يا نغم ايه اللي حصل، نغم بضيق: مفيش يا تقى متقلقيش، تقي؛ مفيش ازاي بس، عشان خاطري طمنيني عليكي نغم سكتت ومردتش، نور؛ تقى معلش ممكن تسيبيني مع نغم شويه،، تقى بفهم: حاضر يا نور،، تعالي يا ايه نتمشى شويه ايه حست انهم عايزين يبعدوها ومشيت بخنقه، أمير : انا هسأل سؤال وهمشي، : هو انتي كلمتي عمر وهو اللي دايقك يا نغم نغم بصتله وعيطت أمير بتفهم: اممممم يبقى هو، خلاص انا همشي واتكلمي مع نور براحتك نغم؛ لا يا أمير مش مستاهله انك تمشي، بس انا بصراحه مش عارفه دايقته في ايه، نور بهزار: طب ممكن افهم انتي هببتي ايه بالظبط نغم ضحكت بدموع وسكتت أمير بهزار : معلش هيا دبش طول عمرها،، نور بصتله بضيق وقالت؛ : ها يا نغم،. ايه اللي حصل. نغم حكتلهم كل اللي حصل، وانها قالت،،،، قولي بس انت عايز ايه وانا اعمله معاك. وانه فهمها غلط ،. هيا بتهزر، أمير ضحك؛ ونور كمان،. نغم بنرفزه : انتو بتضحكوا على ايه، انتو عايزين تفرسوني، نور: بصي يانغم، عمر اخويا حساس جدا، وطول عمره معتمد على نفسه وبس، وسنده في الدنيا هو ربنا، فمعني كلامك انك عايزه تعوضيه عن اليوم اللي هيقفل في ورشته، أو هو فهمها كده، نغم؛ بس انا، مكن..... نور قاطعتها: انا عارفه انك متقصديش بس هو ده اللي عمر فهمه، ورد فعله ده بسيط جدا، هو راعي انك بنت، لكن متقلقيش،. أنا هفهمه قصدك، وأن شاء الله مش هيزعل، نغم : خلاص يا نور متتعبيش نفسك، عمر حر، المفروض انه حتى لو غلطت هو يفهمني غلطي، يعني انتي او تقى لو قولتو اللي انا قلته، مش هيفهمكوا غلطكوا،، ولا هيقفل السكه في وشكوا ويدايق،، وانا اتكلمت مع عمر انه اخ ليا، لكن هو مش حابب ده،، فخلاص براحته، أمير : يادي النكد، يابنتي صدقيني لو نور ولا تقى قالوا كده مش بعيد كان طردهم من البيت، عمر طبعه صعب، وحساس في المسأله دي بالذات، صدقيني الموضوع هيعدي، وهتلاقيه الصبح مكلمك نغم لقت تليفونها بيرن وكان عمر، نغم بفرحه: ده بيتصل، بيتصل يا نور، أمير : طب ردي نغم بتنظم انفاسها: انا خايفه ارد يقفل السكه نور ضحكت؛ لا متقلقيش طالما اتصل يبقى هيعتذر، نغم بصتلها وابتسمت وردت ونور وأمير مشيو نغم بصوت مبحوح: الو،،، عمر بصوت دافي: انا اسف يا نغم،، نغم: اسف على ايه يا عمر، انا اصلا نسيت انت عملت ايه، وضحكت بدموع،، عمر ضحك: نسيتي لانه مش فارق، ولا نسيتي لأنك سامحتي ، نغم بحب:تفتكر انك ممكن متفرقش عندي يا عمر،، طبعا نسيت لاني سامحت،، عمر اتن*د: هو انتي ليه كده،، انا عمري ما كنت كده مع حد،، نغم بفرحه: مهو انا مش اي حد،، عمر بضحك: امممم، يا واد يا واثق،، نغم بدلع؛ طبعا،، ده كفايه اني غيرت عمر الصاوى بذات نفسيته عمر ضحك قوي:ذات نفسيته،، امممم ماشي يا ستي، نغم : ها،،، هتيجي ولا لا، عمر : عارفه يا نغم،، من اول ما قفلت معاكي معملتش اي حاجه خالص، قعدت أأنب في نفسي وبس، وزعلت جدا اني اتنرفزت عليكي، انا بجد اسف، نغم: ياااه يا عمر، دي عندي كبيره قوي، من معرفتي البسيطه بعمر الصاوى، انه مش سهل انه يعتذر لحد، وبالسرعه دي،، وانك تكلمني بالسرعه دي، كفيله عندي اسامحك من قبل حتى متغلط، عمر بضحك: طب تيجي ازاي دي، نغم بهزار : ياعم متدقش بقه، انت هتقف على الواحده، عمر بصدمه: مدقش،، لا انتي كده الحاره خطر عليكي وضحكوا الاتنين،، وفجأه سكتوا فتره وكل واحد فيهم بيسمع أنفاس التاني بس، ومكتفي بده جدا،، عمر بهمس: نغم،،،، نغم بعشق: اممممم، عمر: مش هتقفلي وتقعدي معاهم ولا ايه نغم : اييييه،، عمر ضحك : يعني إيه،، ايه،. نغم ضحكت: مقولتليش هتيجي ولا لا، عشان تريحنا من المكالمات دي، عمر؛ صدقيني مش هقدر يا نغم، ياريت متزعليش مني، نغم بضيق : انا عمري ما ازعل منك يا عمر، خلاص، متعوضه مره تانيه، مع اني بيبقى نفسي مفوتش فرصه اقدر اشوفك فيها ومشوفكش، لكن خير، ده نصيب، في الأول وفي الاخر،، عمر بزعل؛ اكيد هشوفك تاني وقريب ان شاء الله،، نغم : ان شاء الله يا عمر،، اسيبك انا بقه تكمل شغلك،، عمر مش عايزها تقفل:؛ ماشي يا نغم،، سلام نغم : سلااام ياعمر، وقفلت ووقفت وسرحت فيه وفي كلامه،، ايه قربت منها: مالك يا نغم، هتفضلي كده كتير ولا ايه، نغم: لا يا ايه خلاص يا حبيبتي،، آيه: هو عمر قالك جاي، نغم :للأسف لا، عنده شغل، آيه فرحت انه اعتذر وماسمعش كلام نغم،، ورجعوا كلهم وقعدوا مع بعض، وكان الجو كله ضحك وتهريج، أمير همس لنور: نور، هو انتي مش شايفه اللي انا شايفه،، نور من غير ما تبصله: شايفه وحاسه كمان،، امير باستغراب: انتي عارفه انا اقصد ايه، نور بثقه: طبعا، تفتكر اني مش هفهمك يا ابن خالي، أمير بتحدي؛ طب انا اقصد ايه يا بنت عمتي، نور: تقصد علاقة نغم بعمر، صح،، أمير ضحك: يابنت الايه،، فعلا صح،، نور عدلت هدومها: يا بني انا نور الصاوى،، أمير قلدها: وانا أمير الحديدي،، وضحكوا الاتنين، --------- بقلم شيمو الخطيب عند اشرف، اشرف قاعد في night club وبيشرب، وحواليه بنات كتير، فادي : ايه يا كبير،، سرحان في ايه كده، اشرف: ق*فان يا فادي، والبت دي شاغله دماغي جدا، فادي: متفكك يا صاحبي منها،، هيا تستاهل يعني،؟ اشرف؛ لااا، لو على تستاهل، هيا تستاهل قوي كمان، بس مش عارف انا بفكر فيها ازاي،،، فادي : يعني أيه يا اشرف بتفكر فيها ازاي اشرف: بضيق وخنقه،،، نفخ وقال: يبيه، والله منا عارف انا مالي، سيبك من الموضوع ده، وخلينا نقوم نرقص شويه،، فادي: ايوه كده يا كبير، فكهاااا، وكل واحد خد بنت ورقص، معاها،، ------------- بقلم شيمو الخطيب في النادي. ابتسام قاعده ومتابعه أمير ونور، ومتابعه تعلق نغم بتقي ونور، وخصوصا عمر،، قربت من ايه،، وقالت شوفتي يا موكوسه، العيال من يوم، كلو عقل البت، وانتي بقالك سنين مش عارفه تعلقيها بيكي، لكن اعمل ايه، حظي مايل في ولادي الاتنين، ايه بخنقه: ايه يا ماما فيه ايه،. هو انا هخليها تقرب مني بالعافيه،،، ما هيا حره ابتسام؛ اه يا ختي، اتنرفزي عليا،، ده اللي انتي فالحه فيه طول عمرك،، عوض عليا عوض الصابرين يارب،، أمير تليفونه رن وقام يرد عليه بعيد، حامد؛ بقولكوا ايه يابنات، انا تعبت من القعده، ومحتاج اروح ارتاح، لو حابين تكملوا قعده، هخلي الواد أمير يرجعنا البيت ويرجعلكوا، ابتسام؛ لا،. اظن الكل يروح احسن،، نور: ايوه يا خالي، انا مش عايزه اتأخر على عمر اكتر من كده،، حامد: خلاص يا حبايبي، يلا بينا،، وفجأه سمعوا صوت وراهم،، عمر:السلام عليكم جميعا،، نغم لفت وشها وبفرحه مجنونه؛ عُمر،، ________________ بقلم شيمو الخطيب

Free reading for new users

Scan code to download app

App Store Google Play

Facebookexpand_more