الحلقه ٧من كفاح عاشق

2318 Words

الحلقه ٧ من كفاح عاشق ?‏معروف أن "سورة البقرة" تفتح المغاليق الصعبة على الإنسان وتُسّهل أمور حياته لما قال عنها النبي عليه الصلاة والسلام : «اقرؤوا سورة البقرة فإن أخذها بركة وتركها حسرة».?? بسم الله الرحمن الرحيم في بيت عمر وصل حامد وطلع وطبعا أمير وصله ومشي على طول عمر فتح الباب:اهلا يا خالي والله نورتنا، وسلم عليه وحضنه، ونور سلمت عليه وتقى وضمهم كلهم باشتياق كبير حامد: وحشتوني قوي يا ولاد،. ووحشني البيت، وريحة والدكو ووالدتكو فيه لسه زي ماهيا، كأنهم لسه عايشين، عمر بتأثر:ربنا يرحمهم ويغفر لهم يارب، المهم انت عامل ايه ياخالي،. وآيه اخبارها إيه حامد لاحظ عدم سؤال عمر عن ابتسام وقال :كلنا بخير يا عمر، انا عارف انك لسه شايل من ابتسام، بس صدقني هيا طيبه وبتحبكو عمر ضحك : جرا ايه ياخالي، انت هتكدب على الصبح،، ربنا يصلح حال الجميع يا خال، حامد ابتسم: هه، هنعمل ايه، محدش يقدر يغلبك ابدا، وفي اللحظه دي، كان جرس الباب بيض*ب،. وراحت تقى تفتح تقى بفرحه : نغممم، حبيبتي، احلي حاجه عملتيها والله، نغم بفرحه: حضنت تقى،،، مقدرتش اقعد في الكليه من غيرك، وحشتيني تقى ضحكت: وانتي كمان والله، تعالي تعالي اعرفك على خالي، وشدتها من اديها نغم دخلت وعنيها على عمر اللي فرحان جدا بوجودها تقي: دي بقه يا خالي صاحبتي في الجامعه، نغم اسعد السويفي، حامد باعجاب شديد لجمالها: بسم الله ماشاء الله،، ايه القمر ده،، ربنا يحميكي يابنتي عمر حس انه ادايق لكن محاولش يبين، نغم ب**وف: ميرسي يا اونكل،، وسلمت على نور، وحضنتها، ومدت اديها لعمر عمر بصلها بصه نغم مفهمتهاش ومد ايده وسلم عليها، ولا إرادي ضغط على اديها لدرجة انها اتوجعت ومبينتش، عمر؛ اتفضلي يا انسه نغم، منورانا والله نغم رفعت حواجبها بغيظ: ميرسي يا استاذ عمر،، عمر استوعب وضحك لكن مهتمش وقعدوا كلهم،. وقضوا اليوم مع بعض، ونغم كانت في منتهى السعاده لمجرد وجودها مع العيله دي وبس، ----------- بقلم شيمو الخطيب في الحاره اشرف مشي ورا نغم،. ووصل للحاره،. ودخل على القهوه قعد وطلب شاي، وكان معاه صاحبه، فادي،، فادي: ممكن اعرف انت جايبني هنا ليه، اشرف:اسكت بس لما نشوف اخرتها ايه، فادي: آخرة ايه يا مجنون انت،، اشرف؛ آخرة نغم السويفي ،، انا لحد دلوقتي مش مصدق ان فيه بنت تقدر تعمل معايا اللي هيا عملته، انا منمتش من امبارح يا فادي، مش اشرف الأسيوطي اللي يتهزق فادي ضحك: والله وجه اليوم اللي اشوفك فيه متعلم عليك يا صاحبي،، هههههه اشرف بنرفزه: متحترم نفسك يا بني انت، انت جاي تستفزني انت كمان،،، اصبر بس عليا وانا هف*جك فادي؛ هههه هصبر حاضر، وربنا يستر اشرف : بغيظ زقه من على الكرسي ؛؛؛ قوم،. قوم يلا من هنا، انت عيل مستفز فادي وهو بيضحك : خلاص ياعم،. حقك عليا، انا معاك والله وهسكت خالص،، وفجأه بصله وانفجر في الضحك اشرف قام من قدامه ومشي شويه وقف دقدق، اشرف؛ لو سمحت، انا كنت بسأل عن واحد اسمه عمر، دقدق بعدم فهم: عمر مين ولا مؤاخذه اشرف:هو ليه اخت في كلية الالسون، واسمها تقى، دقدق: ااااه، قصدك الاسطي عمر، اشرف ابتسم بخبث:اسطى،، ليه هو بيشتغل ايه دقدق: الاسطي عمر اكبر نجار في المنطقه، بس ولا مؤاخذه انت بتسأل ليه اشرف : ضحك باستهزاء هه، نجار،، لا ولا حاجه،. أنا بس كنت عايز اتأكد انه ده عنوانه، دقدق:ايوه دي ورشته، (وشاور عليها)، وده بيته،، تؤمرني بحاجه تاني، اشرف: لا شكرا، وطلع فلوس من جيبه وادهاله،، فادي؛ ايه يا اشرف،. انت ناوي على ايه، اشرف : انا حاليا مش ناوي على حاجه، انا بس كنت حابب اعرف هو بيشتغل ايه فادي؛ وايه اللي هتستفاده اشرف؛ لا ولا حاجه،. ده حب استطلاع مش اكتر،، يلا نمشي من هنا، لاني اتخنقت،، وفعلا مشيو ----------- بقلم شيمو الخطيب في بيت عمر نغم بعد مقعدت وقت كبير معاهم،، والدتها اتصلت عليها تستعجلها، نغم: طيب انا مضطره امشي انا بقه، وبجد تسلم ايدك يا نور على كل حاجه عملتيها انهارده، وعلى كل اللي اتعلمته منك نور بهزار: حبيبتي يا نغم،. تعالي انتي بس كل يوم، وفي خلال شهر هتبقى اشطر شيف في مصر، نغم ضحكت؛ فعلا انا اتعلمت منك كتير قوي، بس عمري مهتفوق عليكي، تقي: طب مستعجله ليه يا نغم،. متقعدي معايا شويه، نغم ابتسمت، والله نفسي ياتقي، بس غصب عني، مامي كل شويه ترن عليا، وقالت إنها هتبعت السواق يا خدني، َزمانه على وصول عمر: خلاص يا تقى سيبيها براحتها، بجد نورتينا يا نغم جدا، نغم بحب : ده نورك يا عمر ونور عمي حامد،، بس امانه ابقو سلمولي على أمير كتير، عمر؛ ان شاء الله يوصل، (وبص لحامد) بعد اذنك يا خالي هنزل اوصل انسه نغم وارجعلك على طول، حامد: اتفضل يا حبيبي، وسلم على نغم وقعد، نغم نزلت مع عمر، وفضلوا واقفين تحت يستنوا السواق،. لانه كان داخل على الحاره نغم : تعرف يا عمر، انا برتاح قوي وانا معاكو، بحس بدفا وأمان عمري ما حسيته عمر بصلها وسكت. نغم باستغراب : انت ساكت ليه ياعمر عمر بتردد: نغم،. هو انا ممكن اقولك حاجه بس متزعليش نغم قلبها دق بخوف،. وقالت قول يا عمر،. عمر بنرفزه نوعا ما: هو انتي شايفه ان لبسك ده ينفع جامعه نغم بصت لنفسها وكانت لابسه جيب قصيره على بلوزه،،، ماله يا عمر،. هو مدايقك؟ عمر بخنقه: مالكيش دعوه مدايقني ولا لا، انا بسألك سؤال وعايزك تجاوبي، نغم حست بفرحه كبيره هي مش عارفه سببها: مش عارفه،. بس هو ده استايل لبسي ياعمر، عمر اتخنق؛ تمام ماشي يا نغم، براحتك نغم بخنقه : عمر لو شايف فيا حاجه مش عجباك قولي عليها، انت عارف اني بحب الصراحه، عمر بضيق: عارف يا نغم، بس انا ماليش حق اقولك على اي حاجه، انتي حره في تصرفاتك، نغم؛ بس انا بديلك الحق ده يا عمر، ولا انا مش زي تقى ونور، عمر ابتسم: يعني انتي بتديني حق اكلمك بصراحه نغم بتاكيد؛ ايوه طبعا عمر؛ يبقى خلاص، بصراحه استايل لبسك ده خانقني جدا، وكفايه ان كل اللي رايح واللي جاي بيتف*ج عليكي، وانا مقبلش ان اختي حد يبصلها كده نغم ضحكت بفرحه، وهستيريا، وعمر بصلها باستغراب، وغصب عنه ضحك على جمال ضحكتها وبرائتها، وقال: مالك يا مجنونه بتضحكي ليه كده لميتي علينا الناس، نغم بضحك : اصلي طول عمري نفسي في اخ غيور، ويقعد يق*فني في الرايحه والجايه ، واحس انه بيخاف عليا بجد،. وبصت في عيون عمر وكملت،،، والحمد لله ان ربنا رزقني بيه، قبل ما اموت عمر بسرعه : بعد الشر عليكي يا نغم، وبص لعنيها، وكانت لغة العيون كفيله ترسم أجمل بداية قصة حب، بين اتنين. فاقو على وصول سمير بالعربيه نغم بخنقه: سلام يا عمر، عمر: مع السلامه يا نغم، بس اكيد هنشوفك تاني نغم بمشا**ه: طبعا، اكيد هو انا اقدر ابعد عن اخويا، وضحكت عمر ضحك بحب: وانا هستناكي،، وركبت نغم، ومشيت وكان وصل أمير، عمر شافه استناه يركن، وقرب منه عمر : ايه ياعم، اتاخرت ليه كده أمير : وهو انا كده اتأخرت،، ده انا جاي بدري، بيني وبينك يا صاحبي، قلبت الشغل وجيت جري عمر ضحك: هههه بس تصدق وحشتني أمير، وانت والله يا صاحبي، المهم، يلا بقه لاني هموت من الجوع، عمر: يخربيت طفاستك، مفيش مره شوفتك فيها الا وانت جعان، أمير بضحك: احسدني بقه لان نفسي مفتوحه، عمر بضحك: لا يا عم، اللهم لا حسد ههههههه وطلعوا الاتنين وأمير واقف على باب الشقه عمر باستغراب : متدخل يا بني، مالك واقف كده ليه أمير : اصل بصراحه مستني الأذن عمر كشر باستغراب: اذن،، اذن من مين نور بدلع : مني انا،، اصلي منبهه عليه ميجيش الا لما انا اقوله عمر استغرب:وده ليه أن شاء الله، ادخل يا بني، امير: لا ياعم، محبش ابقى تقيل على حد، وبص لنور وسكت، نور بهزار: خلاص يا عم عفونا عنك، ادخل، أمير بضحك: طب هتغديني ولا هتزليني نور بهزار: كمان، لا انت كده داخل على طمع بقه حامد : طمع ايه و*دا ايه، انت ايه اللي جابك بدري يا واد انت، لحقت خلصت تقى بهزار: اوبااا، جالك الموووت يا ابيه، أمير بصلها وخبطها على دماغها بضحك: لا يا حاج، هو انا زيك، انا الشغل بيخلص معايا فوريره حامد: قصدك انت بتقلبه فوريره أمير بضحك: مخلاص بقه يا حاج، ولا لازم تشمت فينا الاعادي، كلهم ضحكوا، ونور دخلت تسخن الاكل، وأمير دخل يغسل ايده وعدي عليها في المطبخ، بيفتح الحلل وبياكل، نور خبطته على ايده بالمعلقه : شيل ايدك، ولما احط الاكل ابقى كل زي الناس أمير : وحشني اكلك يا بنت عمتي نور: طب ما انت لسه واكله امبارح أمير بصحك: لا امبارح حاجه، والنهارده حاجه تانيه خالص، انتي انهارده عاملالي الاكل مخصوص، وده ليه طعم تاني عندي نور ات**فت : لا على فكره انا عاملاها عشان خالي أمير بياكل: انا مش هرد عليكي عشان مدايقش نفسي، اهم حاجه، اني باكل من ايدك وخلاص. وطبعا اتغدى والكل فرح جدا بالزياره دي، وكل شويه ابتسام تتصل تستعجل حامد، حامد،، بقولكوا ايه يابنات، انا هاخد مرات خالكو ونروح النادي، متيجوا معانا انهارده واهي تبقى تغيير جو، وحتى تقربوا شويه من ايه، لأن بصراحه هيا مش عجباني خالص، عمر رد بسرعه: تفتكر يا خالي ان مراتك هتوافق، ان اخواتي تروح تقى؛ بالله عليك يا ابيه نروح، انا نفسي اغير جو بجد حامد؛ وانت مالك ومالها، انا بقولك هما يجو معانا، وطالما انا موجود خلاص، انا حر، عمر؛ خالي انا اسف،. بس انا مش عايز مشاكل، أمير؛ عمر، انا هبقي معاهم. وهوديهم واجيبهم، ومتقلقش ، محدش هيدايقهم والله عمر بقلق؛ انا مش عايز حد يجرحهم بكلمه يا أمير، ووالدتك مبتعملش حاجه غير انها تجرحنا وبس. حامد بزعل: انسي يا عمر يا بني، ودع الخلق للخالق،، هما معايا انا وأمير، ومتقلقش مش هسمح ليها تدايقهم، عمر بص لتقي،. اللي شاورت ليه بالموافقه وهيا بتترجاه، وبص لنور، لقى في عنيها تردد، لكن وافقت عشان خاطر تقى، عمر؛ خلاص براحتهم يا خالي. تقى فرحت وجريت تلبس، ونور دخلت اوضتها وقعدت على السرير، ساكته عمر استأذن خاله وأمير ودخل لنور : نور ممكن ادخل نور؛ طبعا ياعمر اتفضل، عمر دخل: ايه يانور،. ايه رايك نور بقلق: مش عارفه يا عمر، بس حاسه بقلق وخوف مش عارفه ليه، عمر مسكها من اكتافها: نور، انا مش عايز حد يدايقكوا ابدا، صدقيني مش هستحمل ان حد يجرحكوا بكلمه، لو مش عايزه تروحي بلاش نور بتردد: لا يا عمر هروح،. خالي ليه حق علينا، وبعدين هو عايزنا نتقرب من ايه، وده مش هيحصل الا لو اتقابلنا، سيبها لله وانا هعرف ارد لو حصل حاجه ياعمر،. متقلقش علينا يا حبيبي عمر ضمها لقلبه، ونور ضمته اكتر، هيا دايما بتستمد قوتها من اخوها وبس، وفعلا نزلوا كلهم، وعمر نزل على ورشته،، ----------- بقلم شيمو الخطيب في بيت حامد يلا يا ايه،. ابوكي بيقول انهم داخلين على البيت، اجهزي بسرعه وفعلا جهزوا ونزلوا ابتسام اتصدمت بوجود نور وتقى، وعوجت بقها وقالت : ايه ده،، انتو هنا،. ازيكو، وعمر عامل ايه، مجاش معاكو ليه، نور : احنا تمام الحمد لله،، . وعمر كويس، ابتسام: اممم، وانتو بقه جايين معانا النادي، ولا هتنزلوا في حته تانيه أمير : لا يا ماما جايين معانا، ايه فرحت : وسلمت عليهم، بجد احلى حاجه عملتوها ، انتو كنتو وحشني قوي، نور: وانتي كمان يا ايه،، واتحركوا بالعربيه ووصلوا النادي، نور وتقى بينزلوا من العربيه ابتسام: طب مش كنتو لبستو حاجه كويسه تليق بالنادي اللي انتو داخلينه نور وتقى اتصدموا، وتقى عنيها دمعت، اما نور فبصت لأمير وحامد بلوم، وقالت: لا لو على لبسنا ياطنط، فاحنا نشرف اي مكان نروحه، كفايه بس، اننا اخوات الاسطي عمر الصاوى، اللي سيرته واسمه يشرف الدنيا كلها، ابتسام بصت بغيظ؛ هو انا غلطت في ايه انا بقول بس، لأن الناس اللي هنا مش زي الناس اللي في حارتكو، حامد بضيق: الحاره دي هيا اللي ربتك وربتني ، انتي ناسيه انتي بنت مين ولا ايه يا ابتسام، ابوكي كان راجل على باب الله، يعني متولدتيش وفي بقك معلقه دهب،،، عيشي عيشة اهلك يا ابتسام واسكتي، عشان اقسم بالله كلمه زياده،. مهتشوفي العز اللي انتي شايفاه ده ابدا، انتي فاهمه ولا لا ابتسام هتموت من الغيظ وسابتهم ودخلت. ونور حضنت تقى،. وفرحوا ان خالهم خد حقهم، حامد ضمهم ليه: حقكوا عليا، يا بنات، وتعالو تعالو، انتو شرف لأي حد،، وخدهم ودخل --------- بقلم شيمو الخطيب في فيلا السويفي رجعت نغم، وطلعت اوضتها غيرت ونزلت، جميله لابسه،. ومتشيكه وخارجه،. نغم: ايه ده يا مامي انتي رايحه فين جميله: رايحه النادي متيجي معايا تغيري جو، نغم؛ والله يا مامي مش قادره خالص، انا هستني هنا أفضل، جميله بضيقه؛ خلاص براحتك يانغم، خليكي كل شويه اطلب منك طلب ومترضيش انتي حره بقه نغم حست بزعل جميله،، خلاص، يا قلب نغم، هاجي عشان خاطرك بس جميله فرحت وقالت بحماس: طب يلا غيري هدومك بسرعه، وانزلي ، نغم : عيونييي وطلعت فعلا غيرت وقبل متنزل،. حبت تكلم عمر، هيا مش عارفه تقوله ايه، بس اتصلت، نغم؛ الو، ايوه يا عمر، عمر: ايوه يا نغم، وصلتي بالسلامه، نغم بدلع:وهو انت يعني كلفت نفسك واتصلت تطمن على اختك وصلت ولا لا، عمر ضحك: في دي بقه عندك حق، خلاص ياستي متزعليش، المره الجايه هبقي اطمن عليكي، نغم؛ انت عارف ياعمر، انا اتصلت بيك دلوقتي، بس مش عارفه ليه، لكن اللي عارفاه، اني كنت محتاجه اسمع صوتك، عمر قلبه دق بسرعه وسكت نغم: ايه سكت ليه،، عمر اتن*د : مش عارف ارد اقول ايه يا نغم، نغم؛ يعني أيه مش عارف ترد تقول ايه عمر ضحك: يعني بجد مش عارف ارد، نغم، انا كل حدود تعاملي مع البنات كانت اخواتي وبس، نادرا لما كنت بكلم بنت، وبصراحه انتي جرأتك محيراني، ومش عارف اعمل معاكي ايه، نغم بدلع: ليه،، هو انا محيره قوي كده، عمر ابتسم : جدا، فوق ما تتخيلي، نغم: ياااه للدرجادي،، عموما يا استاذ عمر، انا لقيت سبب لاتصالي،. ايه رايك بقه عمر بضحك: ويا ترى ممكن اعرفه،، نغم؛ :طبعا،، بص ياسيدي انا نازله دلوقتي رايحه النادي، ولبست لبس نوعا ما مش هيدايقك، لحد ماشتري لبس مناسب، فأنا كنت حابه اعرفك خطواتي بس مش اكتر عمر فرح وابتسم وسكت نغم : وده ايه ده كمان، يعني مش سامعه صوتك يعني، عمر ضحك: انا معاكي يا نغم، نغم بحب: يارب تفضل معايا على طول يا عمر، عمر ابتسم: انا بس كنت عايز اقولك حاجه،، نغم بسرعه: قول يا عمر، عمر: نغم،. أنا مش عايزك تعملي حاجه غصب عنك لمجرد ارضائي، اعملي اللي انتي مقتنعه بيه صح، نغم: وانا مقتنعه بكل كلمه انت بتقولها، عمر: واثقه من كلامك،، نغم بثقه : جدا،. جدا، عمر بهزار : طب لو قولتلك ار مي نفسك في البحر هترمي نفسك، نغم: طبعا،، بس للاسف مفيش عندي بحر، ينفع بيسين، وضحكت جامد هيا وعمر، وكان نفسها متقفلش لكن اضطرت تقفل لان جميله استعجلتها، ونزلت نغم وراحو على النادي، ... شيمو الخطيب... جميله ونغم داخلين النادي، وكان حامد وعيلته قاعدين،. آيه بحماس: ايه ده،، دي نغم اخيرا جت،، كله بص عليها واتصدموا __________________ بقلم شيمو الخطيب

Free reading for new users

Scan code to download app

App Store Google Play

Facebookexpand_more