الحلقه ٦ من كفاح عاشق

2806 Words

الحلقه ٦ من كفاح عاشق ?‏كان علي بن أبي طالب - رضي الله عنه - يناجي رَبّه و يقول: " اللهم إن ذنوبي لا تضرك، وإن رحمتك إياي لا تنقصك، فاغفر لي ما لا يضرك، واعطني ما لا ينقصك" كل مرة أقرأ هذهِ المناجاة ، يقشعر بدني، ويتسلل اليقين إلى قلبي.?? بسم الله الرحمن الرحيم في بيت حامد حامد راجع من شغله،، السلام عليكم،، ابتسام وايه؛ وعليكم السلام،، حمدلله على السلامه حامد: الله يسلمكو،، وقعد على الكرسي بتعب،،، اااه،، الواحد تعب قوي انهارده،، اليوم كان صعب فعلا ابتسام،، الف سلامه عليك يا حبيبي، تحب اعملك تتغدا،، حامد: لا غدا ايه، انا عايز اي حاجه خفيفه عشان اعرف انام ايه قامت: خلاص يا ماما خليكي وانا هحضر الاكل لبابا، ابتسام: ماشي ياحبيبتي،، (وبصت لحامد) مالك يا حامد،. و اشمعني انهارده اللي كان صعب، حامد بتعب: كان الشغل كتير عليا وانا لوحدي، وابنك ولا في دماغه ابتسام بخضه: ايه ده،،. هو أمير مكنش معاك،،. امال هو فين لحد دلوقتي حامد استغرب : هو لسه مجاش ولا ايه، ابتسام : انا مشوفتوش من ساعة مخرج معاك الصبح حامد بقلة حيله ونرفزه: لا حول ولا قوة الا بالله،، فوضت أمري إليك يا رب،، انا هقوم اغير هدومي،، امير فتح بابا الشقه وداخل ابتسام: اهلا،، كنت فين يا أمير من الصبح حامد وقف: ايه يابني، كنت فين كل ده، أمير بخنقه: كنت مع عمر، ليه هو فيه حاجه حصلت،. ابتسام بصوت عالي: اه يا حبيبي فيه،،، فيه ان ابوك تعب من كتر شغله لوحده،، فيه انك لازق هناك وسايب ابوك وولا فى دماغك ابوك ولا شغلك حامد بلهفه قرب من أمير وقال: خير يا أمير، ولاد اختي حصلهم حاجه،، طمني يابني أمير مردش على والدته : وبص لحامد وقال: متقلقش يابابا، كلهم بخير، بس انهارده كان أول يوم دراسه، وكان عمر قلقان على اخواته البنات، وانا كنت معاه ابتسام بتريقه: ااااه، وانت بقه اللي بتخفف عنه القلق،، لا يا واد حنين، أمير بخنقه: بابا، انا اسف اني مكنتش معاك انهارده، غصب عني والله، انت عارف اني مرحتش ليهم من زمان، وبصراحه لما بروح بنسى نفسي، حامد طبطب عليه: لا يابني ولا يهمك، بس احتمال منزلش الشغل بكره،، ابقى تابع انت يا أمير، امير: عنيا يا حبيبي، ارتاحلك انت يومين وانا هقوم باللازم، ابتسام بصت لحامد وواقفه وهتموت من الغيظ: امممم،. دلوقتي جه على هواك عشان كان عند اسم النبي حارسه وصاينه الاستاذ عمر، لكن لو كان في حته تانيه، كانت الدنيا قامت ومقعدتش، حامد بصلها بنفاذ صبر ومشي : لله الأمر من قبل ومن بعد،، وسابهاوداخل اوضته ابتسام بصت لأمير بغيظ وأمير سابها ومشي، ووقفت هيا في نص الصاله وعلى آخرها من الغيظ .... شيمو الخطيب.... أمير دخل اوضته ورمى نفسه على السرير، واتن*د بزعل، وافتكر دموع نور، وحس انه ممكن يكون دايقها بأنه كان بيرخم على نغم، وادايق جدا من نفسه، لكن ادايق اكتر. من انه مش قادر يصارح نور، وقرر انه في أقرب وقت لازم يعرف حقيقة مشاعرها ناحيته،. وغلبه النوم ونام بهدومه،، ... شيمو الخطيب... ايه دخلت الاكل لحامد، وخرجت وحبت تدخل تتطمن على أمير وتسأله عن عمر،. دخلت ايه لأمير ولقيته رايح في النوم،، استغربت هو نايم بهدومه ليه، ولسه هتصحيه،. كان تليفونه بيرن وكان عمر، ايه ردت بسرعه، وخدت الفون وخرجت،. ايه بصوت مبحوح : الو،، ازيك يا عمر عمر بص على الفون واستغرب،. الو،، ايه معايا، ايه ابتسمت: ايوه يا عمر،. ايه نسيت صوتي، عمر ضحك: لا والله خالص، بس انا استغربت انك بتردي من تليفون امير ايه : ايوه ياسيدي، أمير نايم في سابع نومه، ده حتى مغيرش هدومه والله عمر: يااااه،. للدرجادي، هو فعلا كان بيقول انه تعبان وعايز يرتاح،، المهم انتي عامله ايه، وعامله ايه في الدراسه ايه: انا تمام يا عمر الحمد لله، بس لسه مروحتش الكليه ،. انت عامل ايه ونور وتقى والله وحشتوني عمر : احنا الحمد لله تمام،، عايزين نشوفك يا ايه،، ابقى تعالى في مره مع خالي او مع أمير ايه بهمس؛ هو انت عايزني اجي فعلا يا عمر، عمر باحراج: احم،، ااه طبعا، ده انتي اختي يا ايه وانتي عارفه، غلاوتك من غلاوة نور وتقى، ايه بخنقه: لا يا عمر انا مش اختك،. أنا بنت خالك،، عمر بصدمه ومش عارف يرد يقول ايه : اه يا ايه انا عارف انك بنت خالي، وخالي في مقام ابويا، تبقى انتي في مقام اختي، وبعدين سيبك من المسميات،،، معلش يا ايه انا مضطر اقفل معاكي، لأني محتاج انام جدا، ايه بلهفه : بسرعه كده،، انا ملحقتش اتكلم معاك عمر: معلش اكيد هنتكلم في وقت تاني، سلام يا ايه، وقفل بسرعه وايه قفلت بخنقه، ونفخت، وحطت التليفون مكانه جنب أمير، عمر قفل واتن*د بارتياح، هو عارف ان ايه بتحبه، بس هو مش حابب ده ابدا، لأن قلبه عمره ما دق لايه، ________ بقلم شيمو الخطيب في فيلا السويفي نغم واشرف قاعدين في الجنينه بيتكلموا نغم ضحكت جامد: هههههه، تفتكر يا اشرف، اني يوم محب اسمع نصيحه هسمعها منك انت،، اظن معتقدتش، وبصتله باستفزاز اشرف بص بصدمه: لاااااا انتي اكيد مش طبيعيه، ومش عارفه انتي بتتكلمي مع مين، انا أشرف حمدي الأسيوطي، عارفه يعني ايه،، يعني.... نغم قامت وقفت بثقه وقاطعته: يعني أيه يعني اشرف حمدي الأسيوطي،،، شاب تافه من شباب اليومين دول، اتولد وفي بُقه معلقه دهب، وفاكر انه ممكن يشتري الناس بفلوسه، لكن احب اقولك،، ان ده مينفعش مع ناس كتير، لكن ينفع مع ناس من عينتك يا اشرف،، قصدي اشرف بيه،،(وكشرت) عن اذنك لاني تعبانه ومحتاجه انام وسابته ومشيت وهو هيموت من الغيظ ان فيه بنت قدرت تكلمه بالطريقه دي، وتقل منه بالشكل الب*ع ده،، نبيله متابعه طريقتهم في الكلام، ومتغاظه لابنها جدا، نغم قربت منهم: مامي، مدام نبيله،، انا اسفه جدا، انا مضره اطلع لاني فعلا تعبانه ومحتاجه انام،، جميله : طب يا حبيبتي استنى اتعشى معانا، نغم: اسفه يا مامي، بس بجد مش قادره،، بعد اذنكوا، وسابتهم ومشيت، جميله بصت لنبيله بحرج: انا اسفه يا مدام نبيله، بس انتي عارفه اول يوم دراسه كان انهارده، والبنت من الصبح بره، نبيله بضيق: لا ولا يهمك يا مدام جميله، خليها على راحتها طبعا،، وكملوا السهره مع بعض، وطبعا اشرف بيتوعد لنغم،. ومخنوق منها جدا،. -------------- بقلم شيمو الخطيب اليوم خلص وجه الصبح عليهم وقام حامد من نومه حامد: صباح الخير يا ابتسام ابتسام: صباح النور يا حامد،، تعالي افطر انا قومت مخصوص عشان احضرلك الفطار حامد باستغراب: ليه،، غريبه يعني مش عوايدك ابتسام بدلع: انا قولت بقه بما انك اجازه فنقضي اليوم من أوله مع بعض،،، وحشتني قعدتك يا راجل، حامد استغرب اسلوبها : بقولك ايه يا ابتسام،. متجيبي من الاخر كده وتقولي عايزه ايه، انا بصراحه مش مرتاح لأسلوبك ده ابدا، ابتسام ضحكت بدلع: انت فاهمني كده على طول،،. صدقني انا عايزه اقضي اليوم معاك فعلا، بس عايزه اخر اليوم نروح النادي، انت عمرك ما جيت معايا ابدا، وكل صحباتي بيسألوني عنك حامد ضحك: صحباتك،،، ههههه، حاضر ربنا يسهل يا ابتسام سيبيها لله، ابتسام بضيق: اه، ومالهم صحباتي بقه، ولا انا مشبهش، حامد: يا فتاح يا عليم يا رزاق يا كريم،، هو انا قولت حاجه، سيبيني بس ادخل اتوضي واصلي وبعدين نتكلم وفعلا دخل اتوضي وصلي وخرج حامد : هو أمير نزل ولا ايه، وايه فين ابتسام: لا أمير نايم،. وايه لسه نايمه، قالت مش هتنزل اول اسبوع، حامد : طيب انا هصحي أمير ينزل المكتب، وهنزل انا كمان معاه، ابتسام باستغراب : هتنزل فين، انت مش قايل انك اجازه حامد: فرصه اروح اطمن على ولاد اختي، ابتسام بصوت عالي: لاااااا كده كتير بجد، هو اليوم اللي انت هتقعد معانا فيه، هتروح تقضيه معاهم، لا حرام عليك يا حامد، حامد ببرود: انا كل يوم معاكو،. وبقالي فتره، مشوفتهمش، وبصراحه وحشوني، ابتسام بغيظ: اااه،. انت بتغيظني يا راجل انت، طب ابقي انزل كده يا حامد، وشوف انا هعمل ايه حامد بصلها بق*ف، وسابها ودخل يصحى امير: أمير، يا أمير، أمير بنوم: امممم، حاضر يا بابا،، انا هقوم اهو، حامد: بيفتح شبابيك الاوضه: ايه يا أمير انت لسه نايم بهدومك أمير قام بسرعه، ولقى نفسه فعلا لسه بهدومه،،، ياااه، ده انا محستش بنفسي والله يابابا، انا هدخل اخد دش، وانزل على طول، ومشي، وفجأه وقف،، بس صحيح، انت ايه اللي مصحيك بدري كده حامد: انا هلبس وانزل معاك، توصلني عند ولاد اختي، وتاخد العربيه ولما تخلص تعالالي هناك، أمير بخضه؛ ليه يابابا هو حصل حاجه حامد: لا ابدا يا حبيبي بس وحشوني وقلت لازم اروح اطمن عليهم أمير حاضر يابابا، هغير وننزل على طول، وفعلا نزلوا بعد ما فطروا ، وطبعا ابتسام على آخرها من الغيظ ونبهت على حامد انه يجي معاها النادي بالليل، وحامد وافقها ------------- بقلم شيمو الخطيب عند عمر عمر صحي واتوضي وصلي،، ودخل صحي تقى، اللي قامت بصعوبه. وبعد معاناه،، اما نور كانت في المطبخ بتحضر الفطار، عمر دخل المطبخ: صباح الفل على احلى نور، نور بصتله بحب: صباح الهنا يا حبيبي، عمر: ها يا نور عامله ايه دلوقتي، لسه مخنوقه نور بابتسامه:تفتكر فيه حد يشوفك يتخنق، كفايه عليا انت في الدنيا يا عمر عمر باس جبهتها: ربنا ما يحرمني منك ابدا يا حبيبتي نور: ثواني والفطار يكون جهز.، عمر: ماشي يا نور، انا هرد على تليفوني لانه تقريبا بيرن عمر رد على التليفون وكان حامد عمر: الو،، خالي،، وحشني قوي والله حامد: ازيك يا عمر يا بني،،، واخواتك عاملين ايه عمر: احنا الحمد لله بخير يا خالي، اخبار حضرتك ايه، يارب تكون بالف خير حامد: انا بخير يابني طول ما انتو بخير، وبابتسامه ،، ها يا عمر، فاضيين انهارده اجي اقضي معاكو اليوم، ولا مش فاضيين عمر بفرحه: ولو مش فاضيين نفضى يا خالي، احنا في انتظارك يا حبيبي. حامد ابتسم: الله يكرمك يا حبيبي. خلاص الواد أمير هيوصلني دلوقتي ويبقى يرجع يا خدني، عمر: تنورنا يا خالي، احنا في انتظارك وقفل معاه المكالمه،،، يانور يانور نور خارجه: خير ياعمر، عمر : خالي جاي انهارده واكيد هيتغدي معانا، ويقضي اليوم،، شوفي محتاجه ايه وانا انزل اشتريه، عايزين ميكونش ناقصنا حاجه ابدا نور بفخر :حبيبي انت مكفي البيت وزياده،، وصدقني البيت مش ناقصه اي حاجه، انا هدخل واظبط الدنيا ومتقلقش عمر : خلاص يا حبيبتي هنزل اشتري شويه فاكهه وارجع على طول،، و ساب تليفونه ونزل تقى صحيت : هو فيه ايه يانور، مالكو كده، حاسه ان فيه حركه مش طبيعيه نور بقلة حيله : يابنتي انتي في عالم تاني،،، مفيش ياستي خالك جاي يقضي اليوم معانا تقي بفرحه: بجد،، طب والله كويس، وسكتت فجأه،،، بس ده معناه اني مش هنزل الجامعه نور ضحكت: بالظبط كده، ههههه تقى بزعل: طب ونغم،، دي هتزعل قوي لو مرحتش ، وبصراحه وحشتني ، نور: لو تعرفي رقمها ابقى كلميها اعتذري ليها تقى بزعل: ماااشي، انا كنت خدت رقمها فعلا، هدخل اتوضي واصلي وبعدين ابقى اكلمها تليفون عمر رن وكان أمير، نور ردت بعد تردد: ا، ا، الو،، أمير قلبه دق بسرعه واستغرب رد نور عليه،، وحاول يظبط أنفاسه، وقال: ايوه يا نور، هو عمر فين نور زعلت على زعل أمير لانه مش متعود يرد عليها كده: عمر نزل وزمانه جاي يا أمير، ليه انت عايزه في حاجه أبلغه بيها امير بجديه: انا كنت عايز اقوله اننا هنتحرك دلوقتي ونيجي، وسكت شويه،،، لكن متقلقيش مش هطلع وادايقك يانور نور دموعها نزلت وقالت بصوت مخنوق : انت ليه بتقول كده،، أمير بزعل: مش دي رغبتك، وانا قلتلك مش هاجي الا لما تقوليلي تعالي،،، وبصراحه انتي بالذات مبحبش ادايقك نور بدموع: انت ليه اخدت كلامي جد، كنت مدايقه واتخنقت عليك شويه، ليه مش قادر تستحملني ، أمير بزعل : طب ممكن متعيطيش،، بلاش دموعك يا نور، وبعدين انا عندي استعداداستحملك العمر كله، بس الاقي منك مقابل، الاقي منك رد، لكن انتي دايما بتصديني يانور نور: وهو المفروض ارد عليك ازاي، أمير،. انت ابن خالي ومتربي معايا، وفاهمني كويس، وعارف طباعي، ليه بقه بتزعل، أمير بضيق: خلاص يا نور، انتي حره، على العموم ابقى بلغي عمر اني مسافة الطريق ونكون عندكو نور بترجي: طب،، طب مش هتطلع مع خالي أمير ابتسم: انتي عايزه ايه،، نور اتن*دت جامد، وأمير حس بيها: انا، عايزاك تتغدى معانا،، ده حتى هعملك صنية البطاطس اللي بتحبها أمير فرح لاهتمامها بيه: يعني عاملتيها مخصوص عشاني، نور ب**وف: امييير، انت عايز ايه، لو مش عايز تيجي براحتك بقه، هه، وقفلت السكه في وشه،، وهو اتصدم من رد فعلها، وضحك، وحامد نزل وركب ومشيو --------------- بقلم شيمو الخطيب في فيلا السويفي صحيت نغم من النوم، وقامت دخلت الحمام، واخدت شاور، وخرجت، غيرت هدومها ونزلت نغم : صباح الخير يا جميلتي، جميله؛ صباح النور يا نغم،. نغم بصتلها باستغراب : مالك يامامي، فيه ايه،، شكلك مدايق جميله بضيق: هو انتي مش حاسه انك كنتي قليلة الذوق مع الناس امبارح،. ولا ايه، انتي كان ناقص تطردي الولد من هنا نغم استوعبت؛ اااه،. تقصدي اشرف، بصراحه يا مامي كان نفسي اعملها . بس مقدرتش عشان خاطر بابي، لكن متعوضه جميله بنفاذ صبر: يا بنتي، الصراحه مش في كل الأحوال بتبقى مستحبه، اوقات بتقلب بوقاحه يا نغم،. وانتى امبارح كنتي قليلة الذوق جدا مع الناس، وبعدين مين صاحبتك اللي هو بيقول مش كويسه دي، دي اللي انتي قعدتي معاها بعد الكليه نغم بنرفزه: لو سمحتي يا مامي، متحكميش على حد من مجرد كلام،،. تقي بنت محترمه جدا، ومن عيله محترمه، مالوش لازمه الكلام بالطريقه دي، تليفون نغم رن، وكانت تقى، نغم بصت لوالدتها: ثواني هرد على التليفون،، جميله: مين بيكلمك دلوقتي، نغم؛ معرفش رقم غريب، وردت؛ الو،، تقي: الو،، ايوه يا نغم،،. أنا تقى، نغم بفرحه: تقى حبيبتي، انتي بتتكلمي منين، تقي: ده تليفون اخويا عمر، انا اسفه اني كلمتك بدري كده، بس كنت عايزه اقولك اني مش هقدر اجي الجامعه انهارده نغم بخضه: ليه يا تقى، حاجه حصلت تقي: لا يا حبيبتي متقلقيش، خالي جاي يقضي معانا اليوم ومش هعرف اسيبه وانزل، لو تقدري تيجي تقعدي معانا، يبقى تمام قوي، نغم باحراج: خلاص هحاول يا تقى، وأبقى سلميلي على عمر ونور وأمير وأكرم كتييير قوي، تقي: حاضر يا حبيبتي، ابقى عرفيني هتعملي ايه نغم: حاضر يا تقى،، سلام يا حبيبتي وقفلوا مع بعض، نغم بصت لجميله لقتها مركزه معاها جدا نغم: مامي،، مالك،. انتي مركزه معايا قوي كده ليه جميله بضيق: انا بس عايزه اعرف اخرتها ايه، نغم بخنقه: اخرتها ايه في ايه، صاحبتي وبتبلغني انها مش جايه انهارده،. فيها حاجه دي، جميله بنرفزه: لا يا نغم مافيهاش حاجه،، بس ممكن اعرف صاحبتك دي منين بالظبط ومن عيلة مين، نغم بصت بخنقه: يووووه،. مامي انا ماشيه، وخدت شنطتها وماشيه جميله: استنى هنا يا بنت، انا مش بتكلم معاكي، نغم وقفت بضيق: نعم يا مامي، انا هريحك، تقى من عيله بسيطه،. وساكنين في حاره شعبيه، بس بنت محترمه،. و عيلتها محترمه جدا، فيه حاجه تانيه،. جميله قربت منها: يا بنتي، انا خايفه عليكي،. مجتمع الجامعه مجتمع مفتوح، وأسلوب الطيبه بتاعك ده مش حلو ، وبعدين انتي حتى النادي وصحباتك اللي فيه مبقتيش تحبي تقعدي معاهم، اشمعني دي، نغم : انا مش فاهمه اشمعني دي اللي مدايقاكي قوي كده جميله: عشان اشرف قال إنها بنت مش من مستواكي نغم بنرفزه اكبر : ااااه، اشرف، وهو اشرف ده ممكن ناخد بكلامه،،، ده عيل اتفه مما أتصور، مامي عشان خاطري سيبيني براحتي، ولو على صحباتي اللي في النادي، فأنا مش برتاح لولا واحده فيهم، ولا لقيت نفسي مع حد، كلهم كل اللي يهمهم مظاهر وبس، حتى ايه الحديدي، مبقتش بحب اقعد معاها، فسيبيني اعيش حياتي زي ما انا عايزه،، سلام وسابتها ومشيت جميله بقلة حيله: طب استني افطري . نغم شاورت بضيق: ماليش نفس،، سلاااااام -------------- بقلم شيمو الخطيب في الجامعه وصلت نغم، ودخلت،. وحست ان ناقصها حاجه، ومش قادره ولا طايقه تقعد لوحدها، قرب منها مجموعه من البنات وطلبوا منها التعارف، واتعرفت عليهم فعلا، لكن بعدها استأذنت منهم ومشيت بعيد،،، هيا مش حابه تقعد مع حد، اشرف وصل،. وقرب منها،، : ازيك يا انسه نغم نغم نفخت بضيق: نعم، فيه حاجه اشرف: براحه عليا شويه، ده انا بصبح بس، نغم بضيق: وانا مش عايزه صباحك يا سيدي، اشرف: انا مش فاهم انتي ليه مش طايقاني كده نغم بخنقه: وانت ايه اصلا عشان اطيقك او لا، بقولك ايه، ابعد عني احسنلك اشرف: لا يا نغم مش هبعد، انا لازم أصلح الصوره اللي انتي وخداها عني، انتي محسساني اني ولا حاجه نغم بنفاذ صبر: يا اشرف، الانطباعات الأولى عندي دايما بتدوم، فمهما عملت،. خلاص فكرتي عنك مش هتتغير، وبعدين الراجل بيبان من مواقفه، وانت بصراحه مواقفك، كانت،.... هههه اظن انت عارف اشرف اتكلم بغيظ : ماشي يا نغم، بكره تتأكدي اني فكرتك عني دي غلط، وغلط جدا كمان،، نغم بصتله:،، وضحكت؛؛ اتمنى، ومشيت من قدامه، ومش عارفه تعمل ايه، طلعت تليفونها واتصلت على عمر عمر رد : الو،، سلام عليكم نغم الكلام اتحشر ومش قادره تنطق وض*بات قلبها سريعه جدا لمجرد سماع صوت عمر،، وردت بصوت مبحوح : الو،، ايوه يا عمر عمر حس بصوتها وقلبه دق جامد لكن مستغرب: مين؛؛؛ مين معايا، نغم بزعل: ايه نسيت صوتي ياعمر عمر مش مصدق وبص على الفون ورجع اتكلم تاني،،، انتي انسه نغم نغم ابتسمت: ايوه انا، وياريت بلاش الرسميات دي، اسمي نغم بس عمر ضحك ودوب قلب نغم اكتر: خلاص نغم بس من غير انسه، بس صحيح انتي عرفتي رقمي منين نغم بابتسامه: تقى كلمتني منه من شويه، وبصراحه احلى حاجه عملتها عمر ضحك على جرئتها؛ تعرفي يانغم، اني اول مره اشوف بنت جريئه كده نغم بضحك: طب ياترى عجبتك ولا لا، عمر بدون وعي: انتي تعجبي اي حد يعرفك،، احم،. قصدي،،، وضحك،، ههههه بقولك ايه،. أنا عندي ضيوف، هروح اقا**هم، واناديلك على تقى، نغم بسرعه: لا استنى، تقى عزمتني عندكو انهارده، يا ترى تحب اني اجي ولا لا عمر بتفكير: امممم، والله انتي وراحتك، بس طبعا شرف لينا لو جيتي نغم بفرحه: خلاص تمام، مسافة السكه واكون عندك، عمر بابتسامه : واحنا مستنينك ،، سلام يا نغم نغم: سلام يا عمر، وقفلت وهيا في منتهى الفرحه انها هتشوفه تاني انهارده، ونفسها تركب طياره وتصارع الوقت وتوصل، وفعلا وصلت نغم، وكان وراها اشرف ________________ بقلم شيمو الخطيب

Free reading for new users

Scan code to download app

App Store Google Play

Facebookexpand_more