الحلقه ٢من كفاح عاشق

3022 Words

الحلقه ٢ من (كفاح عاشق) ♥️‏"سورة البقرة، إن بدأت بها يومًا سترى عجائب آيات الله بها، سيسعد الله قلبك حتى وإن لم يكن هناك سبب لسعادتك، سورةالبقرة بحد ذاتها فرحةٌ لقلبك، رزق وعافية من الله، حياة لمن يريد الحياة، إن بدأت بها يومًا ستستمر بها سنينًا."?♥️ بسم الله الرحمن الرحيم نقول نبذه مختصره عن اللي حصل في ٣سنين اللي فاتو عمر اشتغل مع عم رمضان، واتقن الشغلانه جدا، وفتح ورشة والده، وكان بيصرف على اخواته وعلى تعليمهم،. ، وحاول بقدر الإمكان انه ميقولش لحد انه محتاج حاجه واعتمد على نفسه، لكن طبعا اهل الحاره من ضمنهم عم رمضان وعم صبحي وأم ابراهيم بياعة الخضار مسابوش عمر ابدا وساعدوه كتير،، ، والكل كان فرحان بيه جدا ،. اما عم رمضان فكان بيساعدهم بس بأسلوب ميحسسش عمر انه بيمن عليهم، لأن عمر كان بيرفض اي مساعده من اي حد حامد كان كل فتره يروح يطمن هو وأمير ابنه علي عمر وأخواته،. وكان دايما يودهم،. ويشوف طلباتهم أمير خلص الثانويه، ودخل كلية التجاره، اما اخته ايه لسه في الثانوي،وحاول أمير يقنع عمر انه يكمل تعليمه لكن عمر رفض،. وفضّل اخواته وتعليمهم على نفسه،،، ابتسام مكانتش بتحاول تسأل علي عمر وأخواته،. وكانت كتير بتحذر حامد من انه يصرف عليهم، لأن ولادها أولى بكل مليم، آيه فيها طباع كتير من مامتها، لكن بتحاول تقرب من عمر وأخواته، لكن نور مكنتش بترتاح ليها ابدا، ولا لطريقتها نور دلوقتي في أولى ثانوي، وتقى في ٢ اعدادي، وكل حياتهم تتلخص في عمر وبس، هو بالنسبه ليهم كل حاجه،. اب وام وأخ وسند وضهر،. وعيله،. نغم في ٢ اعدادي،، وجميله واسعد،. مفيش في حياتهم غير نغم وبس، وكل طلباتها مجابه، وتعتبر هي محور حياتهم كله،، -------------- بقلم شيمو الخطيب نرجع للوقت الحالي نور بتعمل الاكل في المطبخ، دخلت عليها تقى تقي: نور، خلصتي ولا لسه نور: خلاص ياحبيبتي، انا قربت اهو، بصي من البلكونه ونادي على عمر عشان يطلع يتغدى تقي: حاضر يا حبيبتي، وراحت ناحية البلكونه،. وبتنادي: ابيه عمر، يا ابيه عمر، بليه (ولد بيساعد عمر) : ايوه يا تقى، الاسطي عمر مشغول، فيه حاجه ولا ايه تقي: خليه يابليه يطلع يتغدى وينزل تاني، بليه : من عنيا حاضر هقوله،. ودخل بليه لعمر بليه: يا اسطى عمر،. تقى بتقولك اطلع عشان تتغدى، عمر مركز في شغله: حاضر يابليه، هخلص بس اللي في أيدي واطلع على طول بليه : ماشي يا اسطى ربنا يعينك يارب،. عمر بصله وضحك: ويعينك يابليه، المهم ركز معايا عشان لما اطلع تكمل انت مكاني، بليه بحب : من عنيا يا اسطى،، أمير داخل عليهم : عمر يا صاوي، واحشني ياكبيييير، عمر قام ونفض هدومه، : حبيب اخوك والله،. واحشني يا راجل،. وسلم عليه وحضنه،. امير: انا بخير يا حبيبي، انت عامل ايه، والبنات اخبارهم ايه ،، عمر؛ كلنا بخير والله،. تعالي تعالي حماتك بتحبك، كنت لسه طالع عشان اتغدى، أمير بفرحه: ايوه يا حبيبي، حاسس باخوك،. ده انا واقع من الجوع، وبصراحه اكل نور جااااااااامد، عمر بضحك: طب يلا ياطفس، ( وبص لبليه)، نص ساعه يا بلية ونازلك على طول، خلي بالك من الورشه، بليه: في عنيا يا اسطى،، وطلع عمر وأمير،، عمر: تعالي يا أمير اتفضل،(ونده على نور) يانور، يا تقى أمير معايا نور سمعتهم وخرجت بسرعه: اهلا يا أمير تعالي اتفضل أمير : اهلا بيكي يانور، عامله ايه يابنت عمتي، وحشاني والله نور: وانت كمان يا أمير، أيه عامله ايه، ومجبتهاش معاك ليه امير: انتي عارفه ايه، ملهاش في الخروجات قد كده،، وبعدين دي ثانويه، لازم تركز،. و متبقاش فاشله زي اخوها، نور كشرت : وهي التجاره فشل يا أمير، ربنا ينجحنا جميعا، عمر: سيبكو من الكلام ده،. أنا جعان،. طابخه ايه يانور قلبي، نور بفرحه من كلمة اخوها: عامله صنية بطاطس بالفراخ ياقلب نور، هدخل اجهز الاكل،. وهتدوقوا احلي صنيه بطاطس ان شاء الله امير حاطط ايده على بطنه: اااااه، قلبي انا،. ده انا بموت فيها،. بس من ايدك انتي يا نور نور ات**فت ودخلت بسرعه،. عمر؛ طب تعالي يا لمض، احكيلي خالي عامل ايه، وايه، ووالدتك،. امير: كله بخير يا عمر والله،، انا تقريبا قليل لما بشوفهم، يادوب بقوم من النوم، اتغدى وأخرج، وبرجع بالليل على النوم، بصراحه مبحبش قعدة البيت خالص، ملل يا صاحبي والله عمر رفع حاجبه: يابني ده انا لما بصدق اني اخلص شغلي واطلع بسرعه اقعد في وسط اخواتي، دي من أسعد لحظات حياتي، لكن هقول ايه، طول عمرك صايع،، هههههه أمير بضحك: تسلم يا اخويا الله يكرمك،، هههههه عمر : اي خدمه،. اي وقت تحب تتهزق انا موجود ههههه وضحكوا الاتنين نور: يلا الاكل جاهز،. وبتنده على تقى،، يا تقى، ياتقي، يلا يا حبيبتي الغدا جهز تقى طلعت واتفاجئت بأمير،، : ابيه أمير، عامل ايه،،. انت هنا من امتى أمير سلم عليها: قلب ابيه أمير، والله يابنتي انا مبحسش اني محترم الا لما اكلمك واسمع منك كلمة ابيه، بحس اني بني آدم، هههههه عمر ضحك: ههههه طب يلا يا ابيه اقعد كل احسن، ههههه وفعلا كلهم قعدوا، وأمير عجبوا الاكل جدا، امير: انتي عارفه يانور، انتي بجد لو ركزتي في الأكل، هيبقى ليكي مستقبل كبير، اكلك ليه مذاق مختلف، بجد موهوبه والله،. احلى شيف في مصر عمر بتصديق على كلامه: فعلا عندك حق، نور ما شاء الله عليها، ممتازه في الأكل ونفسها حلو جدا، تخلص هيا بس تعليمها،. وتعمل اللي هيا عايزاه وانا معاها وفي ضهرها،. واللي تحتاجه انا تحت أمرها نور بصت بدموع:انا مش عارفه من غيرك كنت عملت ايه ياعمر، انت بجد حاجه كبيره قوي عندي، ربنا ما يحرمني منك ابدا، عمر طبطب عليها وبصلها بحب كبير امير: عمر،. أنا بصراحه عايز أعرض عليك عرض، بس انا هخليه لبعد الاكل، عشان ااكل بضمير، لأن الاكل ميتسابش بصراحه عمر ضحك: بس هتنجز عشان عندي شغل، أو تنزل معايا ونتكلم تحت، هيبقى افضل امير: لا متقلقش مش هعطلك وفعلا خلصوا وحمدوا ربنا وكله قام غسل ايده، عمر: نور، بعد اذنك ياحبيبتي، كوبايتين شاي نحبس بيهم بقه، وتسلم ايدك على الأكل والشاي مقدما هههه نور: حبيبي، تسلم من كل شر،، من عنيا احلى كوبايتين شاي لاحلى اخوات في الدنيا أمير بيبص لنور باعجاب،،، عمر قعد وبص لامير: ها يا أمير، خير، اقتراح ايه اللي كنت عايز تقوله، أمير فاق : ها،،(وهرش في شعره) . اه، بص ياسيدي، انا عايزك تكمل تعليمك، عمر بنرفزه: أمير انا مليون مره........ أمير قاطعه : يا عم استنى بس، واهدي عليا،، دلوقتي، نور في أولى ثانوي، ودي السنه اللي انت وقفت عندها، فنور هتاخد دروسها عادي، وانت هتذاكر معاها بالليل، وهتشجعها على المذاكره،. و هتاخد الثانويه منازل، يعني هتروح على الامتحان، وبكده يبقى وفرت برده، وفي نفس الوقت كملت تعليمك، عمر بيفكر وساكت..... أمير انتهز فرصة سكوت عمر وحس انه فيه امل: ياعمر صدقني مش هتخسر حاجه،. بالع** هت**ب وهيبقي ليك مستقبل ومش هتبقى ظلمت نفسك،، وانت ذكي جدا ماشاء الله، يبقى ليه توقف حياتك،. اسمع بس كلامي وصدقني مش هتندم ابدا نور سمعت كلامهم وطلعت بالشاي، : بص ياعمر،، كلام أمير بصراحه صح، انا هساعدك، هاخد دروسي واللي انت مش هتفهمه هنذاكره مع بعض، وبصراحه حرام،، كل شباب الحاره حتى الفاشلين دخلوا كليات الا انت، عشان خاطري يا عمر وافق، أمير بتشجيع : وافق بقه ياعمر، وانا هساعدك،. وهاجي اذاكر معاكو هنا، حتى تشجعوني انتو كمان،، ها يا عمر،. قولت ايه عمر بتردد : خلاص سيبوني افكر وارد عليكو، المهم بس اشرب الشاي عشان الحق انزل للواد بليه، انا خايف يبوظ الشغل (وبص لنور) صحيح يانور، حطيلي في علبه شويه اكل انزلهم لبليه، لأنه مراحش اتغدى، واهو ربنا يجازينا خير عنه نور: حاضر يا عمر، بس اوعدني انك توافق، عمر ابتسم: حاضر يا ستي، انا مقدرش ازعلك،. هي فكره كويسه بصراحه، (وبص لأمير)، اول مره اعرف ان عندك مخ وبتفكر يا أمير أمير بضحك: الله يسامحك،. صدقني ياعمر، انا اتمنالك الخير كله وانت عارف، ونفسي اشوفك احسن واحد في الدنيا، انت اخويا واكتر من أخ والله، عمر حضنه: ربنا يديم المحبه يا أمير، وانت عندي أغلى اخ في الدنيا، نور دخلت بفرحه حضرت العلبه وخرجت : اتفضل العلبه اهي يا عمر، وياريت متقعدش لبليل متأخر،. عشان تظبط ورقك الصبح بدري وتقدم في المدرسه عمر ابتسم: على طول كده،، طب استنوا شويه اعيد حساباتي امير: حسابات ايه ياعم، انت هتفتح شركه، خير البر عاجله، احنا نبتدي من بكره على طول، وانا الصبح هتلاقيني قدام شقتك هنا عمر ضحك : وانت هتعرف تصحى بدري،،، هههه أمير بهزار خبطه في كتفه : ياعم اطبق يومين،. ده انت غالي قوي يا جدع، هههههه عمر؛ طب يلا يا اخويا عشان الحق شغلي تحت،.،(بص لنور) مش عايزه حاجه يانور نور بحب : تسلم يا عمر،. ربنا يحفظك يارب عمر: يا رب يا حبيبتي، سلام عليكم نور : وعليكم السلام،، وبصت لأمير وابتسمت، أمير همس لنور: مش عايزه مني حاجه يانور نور: تسلم يا أمير شكرا، ابقى سلملي على ايه أمير بحب: الله يسلمك،. سلام يانور نور: مع السلامه.،،،، ---------------- بقلم شيمو الخطيب نزل عمر وأمير للورشه وقعد أمير كتير مع عمر وهو بيشتغل، وكان معجب بيه وباصراره على الشغل وعلى تحمله المسؤوليه، أمير وقف: ها يا برنس، انا هقوم امشي انا،. واجيلك الصبح ان شاء الله، اوعي تنسى بقه ياعمر عمر: ربنا يسهل يا أمير، وبعدين انت مستعجل ليه كده،. متسهر معايا انهارده، انت كده كده جاي الصبح امير: لا يا حبيبي، خليها مره تانيه اكون عامل حسابي، المهم بس انت متنساش، مش عارف ليه مش مرتحالك يا عمر. وحاسس انك بتثبتنا وخلاص عمر ضحك : هههههههه، يا راجل عيب عليك متقولش كده، هو انا اقدر اثبتك أمير ابتسم: والله انا كده اتأكدت انك فعلا بتثبتنا، بس والله مهسيبك،. هنروح بكره يعني هنروح عمر بضحك : خلاص يا كبير هنروح بكره ان شاء الله أكرم جاي من وراهم : مش تقولولي هتروحوا فين عشان اجي معاكو. ولا هي نداله وخلاص، ده حتى الصحاب لبعضيهم أمير بضحك: ابو الكرم كله، فينك ياراجل واحشني والله،، اكرم: موجود بس انت اللي مبتسألش امير: غصب عني يا كبير والله، حقك عليا،. بس بجد واحشني عمر؛ منور الورشه يا كرم. واحشني والله اكرم: والله انتو اكتر، وحشتني لمتنا، و***بنا، بقولكو ايه. متيجوا نلعب كوره،. بجد واحشني اللعب معاكو، عمر بدهشه: كوره ايه ياعم. ده انا هلكان والله. أنا يادوب اطلع ارتاح شويه امير: انا عندي فكره،. احنا نلعب بلاي ستيشن. واهو السيبر جنبنا اهو، بس متزعلوش لما تخسروا وتقعدوا تعيطوا زي زمان اكرم ضحك: هههههه انت لسه فاكر، بصراحه انا اللي كنت بعيط. كنتو بتتفقوا عليا وتخسروني عمر ضحك: والله الواد ده اللي كان نصاب وبيتفق عليك انا كنت برىء، ههههه امير: هههههه،. بتبعني في ثانيه، خلاص تعالو نلعب. ونشوف مين هي**ب،. عمر، : هو مش حضرتك كنت ماشي من شويه ولا انا متهيألي امير بضحك: ياعم قول ياباسط، هيا القعده معاكو تتعوض، اطلع انت بس وحصلنا عمر ابتسم : طيب أسبقوني انتو،. وانا هطلع اخد دش واغير وانزلكوا ، أكرم وأمير، مشيوا وسبقوا،. وعمر طلع، وبعد ما اخد دش وغير هدومه نزل عمر وكان أكرم **بان عمر :ها يا بشر، عاملين ايه من غيري اكرم: تعالي الحق ابن خالك،. متقطع ياعيني. عمر : ههههه،. والله وجه اليوم اللي شوفتك فيه خسران أمير بخنقه:اقعد وانت ساكت، والا اقوم امشي. أنا بس عشان عايز انام. مش مركز أكرم ضحك: هههههههه. ايوه هي دي بقه حجة البليد أمير بنرفزه: بليد في عينك، طب اصبر علياوهتشوف وفعلا لعبوا لكن كان لعمر الكلمه الاخيره بأنه **بهم الاتنين عمر حاطط رجل على رجل: يااااه،. الواحد مش عارف يودي الشهره فين، انا تعبت من كتر الم**ب،. ههههههه أمير واكرم بيبصوله بخنقه،. أمير بغيظ: يابني احنا سيبناك بمزاجنا اكرم: فعلا، اوعي تاخد في نفسك مقلب، عمر : هههههه شكلكو ا عسل وانتو مغلوبين، هه لما اقوم بقه، قبل متنتحروا كلهم ضحكوا وفعلا قاموا وكل واحد روح على بيته ---------- بقلم شيمو الخطيب في فيلا اسعد نغم : مامي هي الدراسه هتبتدي امتي جميله؛ الاسبوع اللي جاي يا حبيبتي، ليه بتسألي، نغم؛ : عايزه اروح وحشني صحابي، وزهقت من القعده كده، جميله : هانت يا حبيبتي كلها اسبوع، ولو عايزه تخرجي. تعالي نروح النادي ايه رايك نغم؛ ياريت يا مامي، اهو. نشوف ناس جديده،، جميله حاضر ياقلب مامي، انا هكلم بابي، ونروح مع بعض، بس ياريت تعرفي تختاري صاحباتك،، لأن مفيش ولا واحده عجباني بصراحه نغم: اكيد يامامي، متقلقيش عليا وفعلا جميله كلمت اسعد ووافق واخدهم وراحوا وصلوا النادي واسعد قال، تعالو على الترابيزه اللي هناك دي وقعدوا كلهم،. نغم؛ حلو النادي قوي، انا كنت الأول مش بحب اجي، عشان ماليش صحاب فيه اسعد: طب متحاولي تتصاحبي على اي بنت يا نغم، ليه يا حبيبتي مش بتتكلمي مع حد نغم: بحس ان كلهم بيتكلموا بغرور يابابي، وانا مش بحب كده، انا بحب نتكلم عادي،. أنا اه مدلعه بس بحب التواضع جميله: هنا كلهم ولاد ناس يا نغم، يعني عائلات كبيره، واغنيا جدا نغم:والله يا مامي، في ناس بسيطه بتبقى ولاد ناس فعلا،. مش شرط الاغنياء يبقوا بس هما اللي ولاد ناس، اسعد بابتسامه من كلام بنته اللي اكبر من سنها: فعلا يا نغم بس ولاد الطبقه بتاعتنا اتعودت تتكلم كده، ومش معنى كده انك تغيري من اسلوبك لا، انتي لازم بس. تختاري صحابك صح، وفي نفس الوقت، يكونو من نفس مستواكي عشان مستوى التفكير يبقى واحد نغم : هحاول يابابي، ان شاء الله، المهم،. أنا هقوم اتمشى شويه اسعد: قومي يا حبيتي. وفعلا قامت واتمشت،. وقابلت بنت قاعده لوحدها نغم قربت منها : السلام عليكم،، ممكن اتعرف عليكي ايه : وعليكم السلام، اه طبعا ممكن،. أنا اسمي ايه، وانتي اسمك ايه؟ نغم : انا اسمى نغم، ممكن نبقى صحاب ايه : طبعا، هو انتي مشتركه في النادي هنا نغم؛ ايوه بابي ومامي كمان. بس انا مكنتش بحب اجي، عشان ماليش صحاب ايه :انتي عندك كام سنه؟ نغم؛ عندي. ١٢ سنه وانتي ايه انا عندي،١٦ سنه، نغم : ماشاء الله، يعني تانيه ثانوي ايه بخنقه : اوووف ايوه ياستي، انتي بتفكرنيي ليه. أنا زهقت من المذاكره نغم؛ تعرفي يا ايه،. أنا بحب المذاكره قوي والقراءه وبحب الناس اللي عندها طموح ايه : طموح ايه بس في البلد دي،،،،، يلا خير، المهم تعالي نتمشى شويه وقاموا واتكلموا كتير، وايه حكتلها على ولاد عمتها نور وتقى، وانها قد تقى، ونغم فرحت وقالت ياريت يجو معاكي في مره. واتكلموا كتير ورجعت نغم لوالدتها فرحانه وحكتلها انها اتصاحبت على واحده جميله : طب مجبتيهاش معاكي نتعرف عليها ليه يا نغم نغم بصت لقت ايه ووالدتها جايين : دي ايه اهي جايه هناك يا مامي جميله بصت وكانت ابتسام مع ايه ابتسام؛ السلام عليكم،، ازيكو يا جماعه جميله قامت وسلمت؛ : وعليكم السلام، اتفضلي يا مدام،. اسعد : اتفضلي يا مدام،. استأذن انا ثواني وهرجع على طول ابتسام : اتفضل طبعا، (وبصت لنغم) ماشاء الله،، زي القمر يا حبيبتي، دي ايه من ساعتها بتحكي عنك،. قولت لا،. لازم اروح واتعرف عليهم بنفسي جميله: الف شكر ليكي يا مدام،. نغم برده بتحكي عن ايه،. ربنا يخليهالك يارب ابتسام؛ انا اسمي ابتسام، وجوزي حامد الحديدي،، عنده شركة كبيره للمقاولات ايه بصت باستغراب، وقالت لنفسها : شركة ايه يا ماما. ده مكتب على قدنا،. هو اه شغال كويس، بس مش شركه يعني،. يلا ما علينا انا مالي شركه شركه جميله؛ : ماشاء الله، انا جوزي اسعد السويفي، لو سمعتي عنه، هو رجل أعمال ابتسام: ياااه،. ايوه طبعا عارفاه، ماشاء الله، والله فرصه سعيده قوي، وهو حضرتك معندكيش غير نغم، جميله:ايوه الحمد لله هي دي اللي طلعت بيها من الدنيا ابتسام: ربنا يباركلك فيها، وفرصه سعيده جدا، واكيد عايزينها تتكرر تاني جميله: انا اسعد والله،، وأن شاء الله هتتكرر تاني، ابتسام: طب استأذن انا،. وسلمت عليهم ومشيت وجه اسعد واتعشوا كلهم، وقامو مشيوا ----------- بقلم شيمو الخطيب ونقول بعد مرور ٦ سنين عمر طبعا قدم في المدرسه واتعلم مع نور واخدوا الثانويه مع بعض ولانه طبعا كان أكبر منها فكان سهل عليه فهم المنهج،. وبقي هو اللي يشرحلها، ودخلت نور كلية الصيدله في سنه تالته،. أما عمر ففضل انه يكمل تجاره، عشان يتفرغ لشغله، وبرده في سنه تالته وفرح عمر جدا لاخته، وانه قدر يحققلها ولو جزء من حلمها،، اما تقى فكانت، في أولى كلية ألسون، وكانت دايما نور تساعدها، ونفسهم انهم يرفعوا راس عمر وسط الناس وينجحوا ويحققوا حلمه فيهم أمير كان دايما يحكي لحامد على عمر واصراره وازاي قدر يوصّل نور وتقى لبر الأمان، ويحقق أحلامهم، وكان حامد انشغل عنهم فتره،. لكن قرر انه يرجع يزورهم من تاني. ابتسام كانت عايشه حياتها مع اصحابها الجداد ، والستات أصحاب النفوذ، وكانت دايما تتكلم عن شركة جوزها، وقربت جدا من جميله ونغم جميله كانت بتهتم ببنتها جدا، ودايما بتساعدها في المذاكره، ودلوقتي نغم قد تقى. ، ودخلت كلية الالسون سنه اولي واسعد شجعها على دخول الكليه دي، لأنها عندها قدره تتكلم اكتر من لغه ايه دخلت كلية الآداب وفي سنه رابعه، ، وده كان مزعل حامد وابتسام جدا، وحامد قارن بينها وبين نور، وده دايق ايه وابتسام وغاظهم من حامد جدا، أمير خلص كلية التجاره واشتغل مع والده،، اما أكرم فاتخرج من كلية الهندسه، واشتغل في شركة كبيره،، -------------بقلم شيمو الخطيب في بيت عمر نور صحيت الصبح حضرت الفطار، وبتصحي تقى نور: ياتقي، يا حبيبتي، قومي بقه عشان تلحقي تصلي وتفطري وتروحي جامعتك،. وعشان انا كمان الحق اروح كليتي تقى ب**ل: امممم، حاضر يانور،. هو ابيه عمر صحي نور: لا ياستي انا هدخل اصحيه اهو، بس يلا بقه قومي والا والله هسيبك وانزل عمر جاي من ورا نور ومسكها من وسطها وضمها ليه: بس انا صحيت واتوضيت كمان،. ها ياقمرات مش نصلي جماعه ون**ب الثواب ولا مش ناويين نور باسته من خده : حبيبي، صباح الفل على عيونك ياقلب نور عمر: صباح القشطه على احلى نور قلبي في الدنيا تقى قامت قعدت على السرير بزعل؛ يعني انتو تدلعوا بعض وسيبني كده، كأني مش اختكوا جريوا عليها الاتنين، وعمر اخدها في حضنه، : ده انتي قلبي وحياتي كمان، والدلع والرقه كلها، نور؛ حبيبتي، انتي اختي وصاحبتي وكل حاجه ليا،، تقى حضنتهم الاتنين، ربنا يخليكوا ليا، وميحرمنيش منكو ابدا، انتو بجد أغلى حاجه عندي في الدنيا عمر بهزار: طب يلا يا غلابويه، نقوم نصلي ونفطر، عشان اوصلك الكليه يا قلب عمر تقى بحب كبير : والله انت اللي قلبي، انا مش عارفه لما بنات الكليه يشوفوك هيعملوا ايه، هيغمي عليهم من جمالك والله عمر بضحك: ههههه،. يابت يا بكاشه، يلا بقه قوموا عشان منتأخرش. وفعلا قاموا صلوا جماعه وفطروا، ونزلوا كلهم عمر وصل نور كليتها ودخلت ووصل تقى وداخل معاها الكليه الحرس وقفه: لا يا استاذ احنا اسفين ممنوع دخول حضرتك،. عمر : ده انا هدخل ٥ دقايق اطمن عليها واطلع على طول الحرس: انا اسف يا استاذ صدقني مينفعش، عمر بص لتقي: حبيبتي، خدي بالك من نفسك،، انا بجد مش هاين عليا اسيبك يا تقي، حافظي على نفسك يا حبيبتي، انا عايز تقى الراجل مش تقى البنوته الرقيقه، ماشي يا قلب اخوكي تقى بحب : حاضر ياقلب تقى من جوه،. متقلقش عليا يا ابيه، شاب معدي وحب يستظرف،،، ايه ياعم، هو انت هتسيب بنتك، متقلقش محدش بيعض جوه عمر بصله بغيظ وشد تقى ورا ضهره : وانت مالك يا كابتن، هو حد واجهلك كلام اشرف بتريقه: لا محدش، بس انا شايفك كده خايف عليها قولت اطمنك،. ومتقلقش هي في عنيا لحد متستلمها في المرواح، ههههه عمر اتخنق ونفخ بضيق: ااااه ده انت بتستظرف بقه،. ماشي يا خفيف، وانا هعرفك مكان عنيك عشان تبقى تحطها فيهم كويس ........ بقلم شيمو الخطيب

Free reading for new users

Scan code to download app

App Store Google Play

Facebookexpand_more