الحلقه ٣ من كفاح عاشق

3051 Words

الحلقه ٣ من (كفاح عاشق) ?هل تؤمن برسائل الله لك؟! هذه رسالتك اليوم ? ‏ والله ما صعُبت إلا فُرجت بإذن الله وما تعسرت إلا تيسرت وما أغلق باب إلا فُتح ألف باب غيره وعدٌ من الله الكريم الوهاب، إن مع العسر يسراً.?? بسم الله الرحمن الرحيم في فيلا السويفي نغم صحيت من نومها، واخدت شاور سريع وطلعت لبست فستان رقيق لكن قصير شويه، ونزلت جميله قاعده على السفره وسعاد بتجهز الفطار وترصه، واسعد في مكتبه بيظبط أوراقه نغم قربت من جميله وباستها: صباح الخير يا حبيبتي جميله؛ صباح الفل على احلى بنوته في الدنيا، ها مستعده لأول يوم جامعه نغم اتن*دت وقالت بحماس: مستعده جدا ومتحمسه قوي يا مامي، جميله: ربنا معاكي يا حبيبتي، نغم: تسلميلي ياست الكل، بس هو بابي فين اسعد خارج من مكتبه: انا اهو يا قلب بابي، وباسها في خدها،،، صباح الفل على عيونك نغم؛ صباح الخير يابابي اسعد؛ يلا يا حبيتي، تفطري،. وانا ان شاء الله هوصلك لباب الكليه نغم: بابي، انا ممكن اروح لوحدي، متتعبش نفسك اسعد: لا انا هوصلك انهارده وسمير(السواق) هيجيلك ان شاء الله، لحد مطمن عليكي في السواقه،. و اسيبلك العربيه نغم: اوك يابابي اللي تشوفه يا حبيبي، هو انا أطول اروح جامعتي مع اسعد السويفي بذات نفسه اسعد ضمها لحضنه : هههههه، والله انتي بياعة كلام، طب يلا عشان منتأخرش جميله قامت: مش هتتفطروا،، طب استنى يا اسعد افطر اي حاجه خفيفه حتى اسعد قرب منها وباس جبهتها: معلش يا حبيبتي متأخر قوي، هفطر في الشركه ان شاء الله جميله طب استني انتي يا نغم، نغم وهي واقفه بتاكل : انا باكل حاجه خفيفه اهو، وهكمل في الجامعه، عشان متزعليش بس ياقمر جميله بقلة حيله : ربنا معاكو يارب، ابقى كلميني على طول يا نغم نغم قامت من على السفره: حاضر يامامي، يلا سلام انا بقه جميله : سلام يا حبيبتي، وخرجت نغم مع اسعد وركبوا العربيه، ووصلوا للجامعه --------- بقلم شيمو الخطيب عمر بيتخانق مع أشرف قدام باب الجامعه عمر بنرفزه: طيب يا خفيف انا هعرفك مكان عنيك عشان تبقى تحطها فيهم كويس،. وهجم عليه وض*به في وشه، ولسه اشرف هيرد الض*به كان عمر مسك ايده ولفها ورا ضهره،. واتكلم بصوت مرعب في ودنه، عمر بغضب شديد : اختي، متحاولش انك تقرب منها، لاني لو عرفت انك ضايقتها، هيبقى اخر يوم في عمرك، واوعى تفكر تبصلها، (ومسك راسه وجهها ناحية تقى)، احفظ شكلها كويس، عشان تعرف هي مين، دي اخت عمر الصاوى، اللي عنده استعداد يفديها بعمره كله، فتخيل انا مش هاممني عمري، تفتكر هيهمني عمرك انت،، وصل اسعد ونغم، ونزلوا وبيتف*جوا على اللي بيحصل، الحرس تدخل وفض الخناقه،. وبعدهم عن بعض عمر قرب من تقى وأشرف بينهج و بيبصلهم بغيظ عمر بصوت عالي: افتكر كلامي كويس، واوعى تفكر تقرب منها،.، (ومسك وش تقى باديه الاتنين)، اوعي تخافي يا حبيبتي، واي حد يدايقك،. أنا هوقفه عند حده، وأن شاء الله هحاول اشتريلك موبايل انهارده، عشان اطمن عليكي،،. وباس جبهتها تقى بعياط: ابيه،. أنا اسفه، بس انا مش عايزاك تدايق عمر بحب : اوعي تعيطي طول منا عايش يا تقى، انتي اختي، وبنتي وحبيبتي، ومش هسمح لأي حد يدايقك مهما كان، ادخلي ياحبيبتي، لو حد دايقك،. انتي عارفه رقمي، كلميني، من تليفون اي زميله ليكي. واوعى تعيطي، تاني نغم واقفه ومتابعه كل كلام عمر. ومبهوره برد فعله، وحنيته، و رجولته اسعد بضيق : ييييه، هو ده اللي انا كنت خايف منه، همجيه وبلطجه وحاجه تق*ف، قولتلك ادخلك احسن كليه مرضتيش و**متي تيجي،. وسط الناس دي، نغم باستغراب : مالها الناس دي يابابي، انت مش شايف خوفه على البنت اللي معاه،. بصراحه عاجبني جدا،. ورد فعله يدل على شهامته، اسعد بنفاذ صبر: طول عمرك طيبه يا نغم، وبجد انا خايف عليكي جدا وسط الناس دي، ونفسي تسمعي كلامي نغم بت**يم: بابي يا ريت تسيبني براحتي، وبعدين انا مبعملش حاجه غلط،،. وانت عودتني على الحريه في كل حاجه اسعد لنفسه: ياريتني معملت كده نغم قربت ودنها منه ؛ ايه يا بابي بتقول حاجه،، اسعد بزهق: لا يا نغم مبقولش، ها مش هتدخلي ولا ايه،عشان الحق اروح شغلي نغم : لا يا بابي انا هدخل اهو، اتفضل حضرتك عشان متتأخرش على شغلك اسعد وهو رايح ناحية عربيته :ماشي يا حبيبتي ابقى طمنيني عليكي على طول، واوعي تتحركي لوحدك انا هبعتلك سمير نغم: حاضر يا بابي متقلقش، ومشي اسعد،، ونغم اتحركت ناحية تقى،. نغم برقه: السلام عليكم، ممكن اتعرف عليكي، عمر بصلها جامد واستغرب، وجمالها شده ليها جدا، تقى استغربت وقالت : هو انتي كلية الالسون نغم: ايوه،، وانا اسفه اني جيت بالطريقه دي، بس حسيت ان مالكيش صحاب في الكليه زيي بالظبط، فقولت ليه لا، لما نبقى صحاب ده لو ميدايقكيش طبعا تقى بفرحه: لا طبعا، ده انا هبقي سعيده جدا بصداقتك،. أنا اسمي، تقى الصاوى، وده اخويا، ابيه عمر الصاوى نغم بذهول: اخوكي!!! ،،،ما شاء الله،، اول مره اشوف علاقة اخوه قويه كده،. أنا مش بحسد والله،،اوعو تخافو مني وضحكت هي وتقي عمر مركز معاها ورافع حاجب وساكت نغم: انا اسمي نغم، نغم اسعد السويفي عمر بذهول : ايه ده، بنت اسعد السويفي رجل الأعمال نغم بابتسامه: ايوه، انت تعرفه؟ عمر: ومين في مصر ما يعرفوش، بس انتي ايه اللي دخلك هنا، ليه مدخلتيش كليه خاصه، نغم باستغراب: هو لازم عشان انا بنت رجل أعمال ادخل كليه خاصه،. أنا حابه ادخل السون، ويمكن عشان اقابل تقى واتعرف عليها عمر نزل وشه في الأرض ؛ احم، انا اسف، بس ده سؤال عادي، نغم : لا ولا يهمك،. (وبصت لتقي)، مش يلا يا تقى ندخل ولا لسه متردده تقى بصت لعمر: ابيه عمر، انا مش عايزاك تدايق، ومتقلقش انا هعرف احافظ على نفسي كويس عمر بحب: انا واثق فيكي ياقلب اخوكي، ابقى كلميني من رقم زميلتك،. وطمنيني عليكي، ده لو ميديقهاش يعني، وانا ان شاء الله هجيبلك احلى موبايل يا تقى تقي: انا كفايه عليا وجودك يا ابيه،. اوعي تزنق نفسك في فلوس، كفايه تعبك معايا، انا بحبك قوي يا عمر عمر بضحك: ههههههه، ابيه طارت في ثانيه،،، وانا بموت فيكي ياحبيبتي ،. يلا بقه عشان متتاخريش نغم بصت لعمر وندهت: عمر،،، عمر بصلها واستغرب: نعم،، نغم باعجاب: انا متعوده اقول رأيي في الناس بصراحه،. وبجد انا فرحانه اني اتعرفت على شخصيه زيك،. عارفه انك ممكن تستغربني، بس ده طبع، ومش عارفه ابطله عمر ابتسم: هو بصراحه انا مستغرب، بس حابب ده جدا، وشكرا لمجاملتك الرقيقه دي نعم بابتسامة : صدقني والله مش مجامله خالص، انا فعلا معجبه بشخصيتك وحبك لاختك جدا، وكنت أتمنى يبقى ليا اخ زيك كده عمر ابتسم : خلاص سهله ياستي، اعتبريني اخ ليكي،(وبصلها جامد وهيا كمان) احم،، طيب همشي انا بقه عشان معطلكوش، سلام عليكم نغم باعجاب : وعليكم السلام ودخلت هي وتقى نغم : تقى، تعالي نجيب الجدول،. ونقعد نتكلم شويه تقي راحت ونقلت الجدول، وراحت قعدت مع نغم في الكافتيريا،، وطبعا نغم لافته نظر كل اللي موجودين في الجامعه بجمالها ولبسها الملفت تقي: نغم،، . هو انتي جريئه كده مع الناس كلها، يعني حاسه في اسلوبك، ان فيه جراءه ومش بيهمك حد،، انا اسفه اني بقول كده،. وياريت متزعليش نغم ضحكت: لا والله مش كده، بس انا لما أعجب بحاجه بحب اقول انا معجبه بيها، طالما ده مش عيب ولا حرام،. وبصراحه موقف اخوكي عاجبني جدا، حبه ليكي وخوفه عليكي، شجاعته ، كل حاجه عجبتني بصراحه تقى بحب : ابيه عمر ده كل حياتنا، مقدرش اتخيل حياتي من غيره، انا بجد بحبه قوي، نغم باهتمام : احكيلي يا تقى، حكايتك، عايزه اعرفك اكتر تقى ابتسمت، : بصي ياستي،....... وحكت حكايتها لنغم كلها، من اول ما اتولدت لوقتنا الحالي،. نغم: يااااه، يا تقى، ده اخوكي ده شال كتير قوي، يعني هو اللي رباكو وعلمكوا كمان، ده غير انه كمان كمل تعليمه، بجد انا فخوره بيه بالنيابه عنك،،. وكنت أتمنى يبقى ليا اخ زيه،. تقى بفخر: مفيش حد زي ابيه عمر يا نغم، بجد مش هتلاقي زيه نغم؛ فعلا،. ربنا يسعدكوا، يارب،، وبجد انا فرحانه اني عرفتك تقى بابتسامه: وانا كمان فرحانه اني عرفتك والله، بس انا صدعتك من الصبح، احكيلي انتي عن نفسك بقه نغم بدأت تحكي، وتقى سمعت حكايتها كلها، تقي: ماشاء الله يعني انتي كنتي قاعده في اليونان،، نغم: ايوه انا اصولي يونانيه،، بس جينا واستقرينا هنا من زمان قوي تقى بضحك: عشان كده شكلك زي الأجانب، ماشاءالله عليكي قمر نغم ب**وف: حبيبتي انتي اللي قمر والله، تقى بضحك : يابنتي ده انتي هتتخ*في خ*ف،، ده شباب الجامعه هيموتوا عليكي، نغم: مش للدرجادي يا تقى،. انتي بس بترفعي من روحي المعنويه،. تقى بضحك : اااه، انتي خايفه من الحسد، على العموم ربنا يوفقك يا نغم، انا بجد حبيتك وارتحتلك جدا نغم اتن*دت: وانا كمان يا تقى والله، وبصراحه عاجبني اسمك قوي، تقى : حبيبتي تسلميلي، يا نغم،، وقضوا اليوم مع بعض، واتعرفوا على أماكن محاضرتهم ، واتمشوا كتير في الكليه، وجه وقت خروجهم تقى ونغم خرجوا من الكليه ،. وقف اشرف قدام تقى،، اشرف: انا عايز اعرف، هتقدرى تحمي نفسك دلوقتي ازاي، والقلم اللي اخوكي ض*بهولي هيتردله مليون، بس فيكي انتي،. تقى بخوف وقلق: ابعد عني انت عايز مني ايه نغم قربت منه؛ ابعد عننا احسنلك. والا اقسم بالله مهيحصلك كويس اشرف قرب من نغم اكتر: لا الجمال ده مينفعش يهدد، انتي ليكي وقت تاني على رواقه،. لما اخلص حقي من بنت،.. ...،، ولا بلاش،، خليني محترم تقي: قولتلك ابعد عني، والا اقسم بالله اتصل با اخويا ويرجع تاني يعلم عليك، ------------- بقلم شيمو الخطيب في كلية صيدله نور: ااااه،. أنا بجد زهقت، الكليه دي متعبه قوي، دماغي لفت مني والله ريم: وانا والله، منا كنت دخلت اي كليه سهله وخلصت، مهو احنا اخرتنا جواز وخلفه وقاعده في البيت،. ايه لازمة الدراسه والبهدله دي نور: لا يا ريم، لازم يكون عندك طموح، انتي لازم تشتغلي، بشهادتك ريم: يابنتي قولي ياباسط،. ربنا بس يسهلها ونتخرج منها على خير نور: يارب يا اختي يارب،. المهم يلا بينا نروح عشان الحق اشوف ورايا ايه في البيت، ريم بهزار: بت يا نور، متجوزيني اخوكي وانا هخدمكوا والله، بس جوزيهولي وحياتي، نور ضحكت: ههههههه، اه يا مجنونه، بقه عايزه تتجوزي عمر،، انا هبتدي اغير منك بقه ريم كشرت: هو انا بقولك هتجوز جوزك، ده اخوكي، خليكي جدعه واقفي جنب صاحبتك نور بضحك: ههههه، انتي مجنونه يابت انتي،،، على العموم هعرض عليه الموضوع،، ريم بتتمنى موافقته : ياااه لو وافق، بجد مش عارفه احساسي ساعتها هيبقى ايه نور ضحكت: ريم فوقي كده،، انا لو قولت لعمر ريم عايزه تتجوزك،. اول كلمه هيقولهالي اقطعي علاقتك بيها، عمر مش بتاع دلع، وبيحب جدا البنت اللي عندها حياء فوقي بقه واتقلي، ريم ب**وف : احم،، وهو انتي صدقتي، انا بفضفض معاكي يا رخمه، وانا عمري مهسمحلك تقوليله كده، بس بجد اخوكي ده مفيش منه، هييييييح بقه نور ضحكت: هههههه طب يلا يا ختي خلينا نلحق نمشي، ههههه قال هيييح قال خرجت نور وريم من الجامعه، وسمعت صوت بيناديلها ماجد: انسه نور، (وقرب منها)، نور بصتله: اهلا د ماجد، خير فيه حاجه ماجد بتردد: لا ابدا مفيش انا جاي بس، عايز، عايز اطمن عليكي نور سكتت شويه وقالت : انا الحمد لله بخير،، وشكرا ليك يا د ماجد ماجد: لا شكر على واجب، انا بجد معجب بيكي جدا،. و باخلاقك،. وكنت أمير وصل في اللحظه دي وقرب منهم وبص لماجد: خير، يا دكتور،. هو فيه حاجه ولا ايه، اصلي سامع حضرتك بتقول معجب،. وأخلاق، هو ايه الموضوع بالظبط نور بفرحه: امييير، انت هنا من امتى؟ أمير باصص لماجد بغيظ ومهتمش بكلام نور: ها يا دكتور كمل، كنت بتقول ايه ماجد بلخبطه:،. ها،،، لا مفيش خلاص، انا بس كنت بطمن على انسه نور، ومن الواضح اني تعديت حدودي، أمير بخنقه: طب الحمد لله انك لحقت نفسك وعرفت انك تعديت حدودك،. ياريت بقه متتكررش تاني، ماجد اتنرفز من طريقته: هو انا اه غلطت، لكن ممكن اعرف حضرتك بتكلمني كده بصفتك ايه أمير : اتلخبط،،. وانت مالك انت، اعتبرني، اخوها،،. لا اعتبرني خطيبها نور فتحت بقها من الصدمه،. اييه،. خطيبها، ماجد بضيق اكبر: بس اللي اعرفه انها مش مخطوبه أمير قرب منه ومسكه من هدومه وكلمه بغيظ : لا يا دكتور،، اعتبرها من اللحظه دي مخطوبه، واوعى تفكر تكلمها تاني،. انت فاهم ولا تحب اعيد كلامي تاني ماجد نزل ايد أمير بعنف: فاهم يا استاذ، وبصلهم بخنقه وسابهم ومشي نور بصدمه: أمير هو ايه اللي انت عملته ده، وليه قولتله كده أمير باصص على ماجد بغيظ ورجع بص لنور وزقها قدامه: اتفضلي قدامي، انا مش فاهم انتي ازاي تسمحي لنفسك تقفي معاه بره الجامعه بالشكل ده نور وقفت بضيق: شكل ايه يا أمير اللي كنت واقفه معاه بيه، حاسب على كلامك،. أنا طول عمري عامله حدود بيني وبين اي حد في الجامعه،. او بيني وبين اي حد عموما، فبلاش طريقة الكلام دي معايا،، انت عارف كويس انها بتدايقني أمير استوعب انه غلط فعلا : احم، انا اسف مقصدش، بس انا بجد اتدايقت لما لقيتك واقفه معاه، وكمان بيقولك انه معجب بيكي نور بخبث: وايه المشكله لما يقول، واحد بيعبر عن إعجابه، مش هنحجر عليه يعني، وبعدين انت بأي حق تقول انك خطيبي، امير بنرفزه: بحق القرابه اللي بينا يانور، بحق خوفي عليكي، بحق تربيتنا مع بعض، هي دي كلها مش حقوق نور ابتسمت واستفزته اكتر: وهو اي حد قريب واحده يوقف سوق العرسان، يعني نفترض اني معجبه بماجد،. وانت جيت وقولت انك خطيبي، مهو انا كده هخسره،، أمير وقف فجأه وبصلها بغيظ: هو انتي فعلا معجبه بيه يانور نور بابتسامه: انا بقول افرض، افرض،، امير بنرفزه: لا مفرضش، ولو ياستي كلمتي دايقتك قوي، انا عندي استعداد اروحله، واقوله انك مش خطيبتي،، ها كده هترتاحي ، نور باستفزاز؛ اه بصراحه كده هرتاح أمير بصلها ورفع ايده بخنقه كأنه هيض*بها، ونور رفعت كشكولهاعلى وشها تداريه، وضحكت جامد أمير بصلها وبرغم نرفزته ابتسم لطفولتها، وقلبه دق لضحكتها،وهرش في دماغه،، وقرب منها : نور، انا بعشق ضحكتك نور ب**وف: هاه،،. ط،، ط،، طيب،، ريم : احم، احم،، وربنا انا هنا من بدري ومحدش حاسس بيا أمير ضحك: انا اسف يا ريم والله ماخدتش بالي خالص، منوره والله، ههههه ريم : ده نورك والله، بس ابقى ركز يا أمير. أمير : هو حد يشوف نور ويركز ريم ونور ابتسموا وسكتوا نور: صحيح يا أمير،. هو انت ايه اللي جابك هنا انهارده أمير قرب وشه ليها: عايزه تعرفي الحقيقه نور ب**وف : ياريت،، أمير بحب : انتي،،، اه انا جيت عشان اشوفك انتي، والحمد لله،، جيت في وقتي نور لنفسها: في وقتك ايه بس، ده انت جيت في وقت غير مناسب خالص، أمير سمعها: نعم،. بتقولي حاجه. نور سبقتهم بسرعه :، لا لا،. مبقولش حاجه خالص، أمير ابتسم ليها، وجرى وراها ووصلها، ومشيو كلهم هو ونور وريم، وركبوا تا**ي، وطلعوا على الحاره ------------ بقلم شيمو الخطيب عمر رجع الحاره،. وقلقان جدا على تقى، واتخنق من نفسه انه ما اخدتش رقم زميلتها،،. عمر لنفسه: بس انا ازاي كنت هقولها من اول مقا**ه هاتي رقمك،، لا طبعا مينفعش، انا لازم اشتري لتقي تليفون، انا مش هستحمل افضل قلقان بالشكل ده عم رمضان قرب منه : ايه يا اسطى عمر، مالك واقف تكلم نفسك كده، ولسه ما فتحتش الورشه، ايه اللي شَغلك قوي كده عمر ابتسم: حبيبي يا عم رمضان،، لا والله، انا بس قلقان على تقى، اول يوم ليها في الجامعه. وبصراحه مجتمع غريب عليها، خايف تتوه وسطه يا عم رمضان رمضان ابتسم بحب: حبيبي يابني. انت مربي اخواتك احسن تربيه، وتقى محترمه ووقت اللزوم بتبقى بميت راجل، متقلقش يا حبيبي، وادعي ربنا يحفظها هي ونور وكل بناتنا يارب عمر بقلق: يارب يا عم رمضان،، تسلم يا راجل يا طيب رمضان بحب: قوم يابني افتح ورشتك وسمي الله،. وابتدي الشغل، وأن شاء الله خير يا حبيبي،. وبعدين ابقى تعالى ود عمك رمضان،. واقعد معايا نشرب كوبايتين شاي مع بعض، ولا نسيتني يا عمر عمر رد بسرعه: من عنيا يا عم رمضان ده انت في مقام ابويا والله،. هخلص شغلي واطمن على اخواتي، واجيلك على طول، رمضان: ربنا يطمن قلبك يا بني يا رب، ويحفظك انت واخواتك واولادنا أجمعين عمر: يارب ياعم رمضان؛؛؛ ودخل الورشه وسمي الله، وبدأ شغله، بليه: صباح الخير يا اسطى عمر؛ معلش اتأخرت عليك عمر: ولا يهمك يا بليه، انا لسه فاتح الورشه حالا. بس متتأخرش تاني عشان انا بعتمد عليك في حاجات كتير بليه بزعل: حاضر يا اسطى،، انا اسف عمر بص لبليه لقى وشه حزين،. ساب اللي في ايده وقرب منه : مالك يا بليه،. شكلك زعلان من حاجه بليه بخنقه: مفيش يا اسطى،، متشغلش بالك،، عمر بنرفزه: هو ايه اللي مشغلش بالي، متنطق ياض في ايه. بليه بزعل : امي تعبانه قوي يا اسطى، وانا مش عارف اريحها ازاي ، هي محتاجه ادويه كل شهر بمبلغ كبير،. وانا مبقتش قادر، وابويا منعرفش عنه حاجه من يوم ما سابنا وطفش، انا تعبت يا اسطى، وامي كل يوم تعيط بسبب انها حاسه انها بقت حمل تقيل عليا، عمر ابتسم بوجع و طبطب عليه بحنيه وقال: وانت ازاي تحسسها بكده ياع**ط انت، ده ربك اللي بيرزق يا بليه، وطول ما انت عامل كل اللي عليك وزياده،. صدقني ربنا هيبقى دايما معاك، ويقويك، ويشفيهالك،. بس انت اوعي تحسسها انها حمل كبير عليك،( وسرح شويه) وكمل بخنقه،،، عارف يا بليه، انا لو امي الله يرحمها كانت لسه عايشه، مكنتش هقصر معاها ابدا، حتى لو وصلت اني ابيع هدومي، يابليه صدقني، انت لو ربنا كارمك في شغلك ولا في صحتك،. فده ببركة دعا والدتك ليك،، الرسول صلى الله عليه وسلم قال: (إذا ماتت الأمُّ، نزَل ملَك من السماء، يقول: يا ابن آدم؛ ماتت التي كنَّا نكرمك لأجلها؛ فاعمل لنفسك نكرمْك)). يعني يابني، انت عايش ببركة والدتك،. اوعي في يوم تزعل انك مبقتش قادر، ويوم متقصر معاك وتضيق عليك ادعي ربنا وهتلاقيه معاك في كل خطوه،. وبعدين اخوك موجود قولي وانا هبقي في ضهرك، وصدقني ربنا هيبقى معانا، احسن من اي حد بليه دموعه نزلت وحضن عمر وقال: انا ليا الشرف انك تبقى اخويا يا اسطى عمر،، ربنا ما يحرمني منك ابدا عمر حضنه جامد وافتكر نفسه وهو صغير وقرر انه يساعده،، عمر حط ايده في جيبه وطلع مبلغ؛ خد يا بليه، هات الدوا لوالدتك،. وقولها ان دي فلوسك، واوعى تحسسها انك متقدرش او انك عاجز تسد حاجتها، خليك دايما في نظرها راجل تتحمل مسؤوليه، وتعرف تسد في اي موقف، خليها دايما فخوره بابنها، ومتحاولش تخليها تفكر في والدك، لأن ده هيتعب نفسيتها، صدقني يابليه، والدتك لو حست انها مكتفيه بيك عن الدنيا كلها، صحتها هتبقى احسن،، وحياتك انت هتبقى احسن، وربنا يشفيهالك يا حبيبي، بليه بفرحه ودموع : والله انت اللي حبيبي يا اسطى، ربنا يعمر بيتك،. ويخليلك اخواتك،. ويخليك ليهم وليا وللحاره كلها يارب، عمر ضحك: الحاره كلها،. ههههه. ماشي ياعم بليه،. تشكر، ربنا يصلح حالك،. يلا بقه روح هات علاج والدتك وتعالي على طول بليه بصله بشكر كبير، ومشي، وعمر قعد يفتكر حياته وتعبه وشقاه على اخواته، وانه عمره ما اشتكي، وحمد ربنا على اللي وصله ، وانه قدر يكمل مشواره بنجاح، ودعا لوالده ووالدته بالرحمه، عمر لنفسه: يلا بقه معلش يا تُقى، نأجل التليفون شويه كده،. لحد ما ربنا يرزق،، فعلا تبقى في ايدك وتقسم لغيرك،، الحمد لله على كل حال وربنا يرضى الناس كلها،، وكمل شغله،، ----------- بقلم شيمو الخطيب في الجامعه عند تقى اشرف وقف قدام تقى، وبيتوعد ليها تقي بخوف: ابعد عني احسنلك،. والا اقسم بالله هتصل باخويا ويجي يعلم عليك تاني اشرف: ههههه، طب انا عايزك تكلميه،. وانا هوريكي مين بقه المره دي هيعلم على التاني، بس قبل ما تتصلي، انا لازم اخد حقي الأول، (ولسه بيرفع ايده عليها كان فيه حد مسك ايده،، وض*به في وشه) بقلم شيمو الخطيب

Free reading for new users

Scan code to download app

App Store Google Play

Facebookexpand_more