الحلقه ٤ من كفاح عاشق

3212 Words

الحلقه ٤ من (كفاح عاشق) ?أجمل دعاء تقوله : ‏اللهم لا تجعلني أطرقُ بابًا ليس لي، ولا تجعلني أحاول فتح قُفلًا لا أملك لهُ مُفتاح، ولا تسمح لحُبًا ناقصًا أن يدخُل قلبي، ولا تُعلّق روحي بما ليس لها، وأرضني بأجمل مما أتمنى وارزقني بأمانٍ وسلامٍ من عندك ليس لهُ حد، ولا تجعلني بحاجة أحدٍ سواك يا رحمٰن.?? بسم الله الرحمن الرحيم عمر بدأ شغله،. ومندمج جدا في الورشه،. وكل شويه يروح يبص على تليفونه،. وخايف وقلقان على تقى، وقرر انه يتصل على نور،. ولو تقدر تعدي على تقى تطمن عليها وتجيبها وتيجي عمر اتصل ونور ردت نور: عمر حبيبي، تصدق وحشتني عمر:انتي كمان وحشتيني والله يا نور قلبي،. انتي فين دلوقتي نور: انا راكبه التا**ي وجايه في الطريق، ليه يا حبيبي. فيه حاجه ولا ايه عمر بقلق : لا ياحبيبتي مفيش، انا كنت بطمن عليكي بس، نور حست بقلق عمر: لا يا عمر فيه حاجه ،، مالك،.طمني يا حبيبي عمر: لا والله مفيش اي حاجه، انا بس كنت بقول لو قدامك وقت، تعدي على تقى وتجيبها معاكي نور ابتسمت : يا حبيبي ياعمر، هتفضل شايل همنا كده لحد امتى، على العموم متقلقش انا هرجع بالتا**ي، واروح اطمن عليها، انا حتى معايا أمير وريم عمر باستغراب: أمير، وأمير ايه اللي جابه عندك نور بارتباك: لا ده كان جاي الجامعه يخلص ورق وانا قابلته،، (واتدايقت جدا من نفسها انها كدبت) عمر : تمام كويس انه معاكو، روحوا بقه لتقي وطمنوني عليها،،. نور بخنقه : حاضر ياعمر،، أمير بص لنور، ولقى عنيها مليانه دموع،، وريم ماسكه اديها وبتهون عليها،،. امير: مالك يانور وعمر كان عايز ايه نور بخنقه: عمر عايزنا نرجع لتقي، ونجيبها معانا، أمير : طب وانتي زعلانه ليه كده نور بخنقه : مفيش يا أمير،. ممكن بقه نروح لتقي أمير قال للسواق يلف،. وفعلا وصلوا عند الكليه ---------- بقلم شيمو الخطيب تقى وقفت قدام اشرف ولسه اشرف هيمد ايده عليها ، كان أكرم مسك ايده وض*به في وشه جامد أكرم قرب من اشرف ومسكه من هدومه: انت اتجننت،، انت عايز تمد ايدك على تقى الصاوى، اقسم بالله انا اقطعهالك قبل متفكر تعملها،. وخبطه لكمه تانيه في وشه اشرف واقف بينهج،. ووشه بيجيب دم مكان الض*به،. واكرم الشباب ماسكينه وبيبص على أشرف بتوعد وضيق اشرف بغيظ: ماشي، انا هعرفك مين هو اشرف الأسيوطي، وبكره هتيجو تبوسو جزمتي، عشان ارحمكو، وبص لتقي ونغم ومشي، أكرم الشباب سابوه، وجرى على تقى. اللي بتعيط في حضن نغم، وحاسه بعدم الأمان أكرم بحب : تقى طمنيني عليكي. ومين ده وبيعمل كده ليه تقى بعياط وشهقات: م، م، مش ع، عارفه يا اكرم، ده اتخانق الصبح مع ابيه عمر، وجاي دلوقتي ينتقم أكرم مخنوق ومش فاهم حاجه،. بص لنغم،. وقال: ممكن يا انسه تفهميني اللي حصل، ده لو انتي فاهمه نغم :( حكتله اللي حصل مع عمر) ؛،، هو ده اللي انا شوفته، وبصراحه هو بني آدم قليل الذوق، ومش راجل أكرم نفسه يضم تقى لحضنه وخايف عليها جدا : تقى،. ممكن بقه تبطلي عياط، صدقيني يا تقى عمره ما هيقدر يقربلك، عشان خاطري بقه بلاش الدموع دي تقى بصت لاكرم،. وقريت في عنيه حب وخوف وقلق، ومسحت دموعها وقالت: خلاص يا أكرم، انا بقيت احسن بس انا عايزه امشي حالا،. أكرم حاضر من عيوني هوقفلك تا**ي حالا واوصلك كمان،. احم،، ده لو تسمحيلي يعني،، نغم : لا ولا تا**ي ولا حاجه،. السواق بتاعي هيجي دلوقتي وهقدر اوصلكوا،. عشان ابقى مطمنه على تقى، أكرم : لا شكرا يا انسه،. أنا هوصلها،..... نور وصلت وشافت تقى بتعيط جريت عليها،. نور بخوف : تقى حبيبتي، مالك ايه اللي حصل،. وبصت لاكرم واستغربت وجوده أكرم : متقلقيش يا نور،. مشكله واتحلت ،. أمير سلم على أكرم : ايه يا أكرم،، ايه اللي حصل،. وبعدين مشكله ايه دي اللي اتحلت،.(وبص لتقي) مالك يا تقى ايه اللي مدايقك للدرجه دي تقى بدموع: مفيش يا جماعه متقلقوش، انا كويسه والله،. نغم : طب يلا يا جماعه،. معلش بقه انا هاخد البنات اوصلهم،. والشباب يحصلونا مواصلات، أمير خبط كتف أكرم وهمس: واد يا اكرم،. مين المزه الجامده دي،،، أكرم بهمس: الله يخربيتك،، اسكت يابني هتفضحنا والله،.، (وبص بطرف عينه) بس تصدق مزه برده أمير ضحك جامد : هههههه،. عشان تصدقني،، ههههه،. وقطع ضحكته اول ما نور بصتله نور بضيق: هو فيه حاجه يا أمير أمير بلبخه : احم،،. لا،. احم،. لا طبعا هو انا عملت حاجه نور: اه بحسب بس، يكون عاجبك حاجه كده ولا كده أمير بغمزه: عيب عليكي هو انا بتاع الكلام ده،، ده انا عيني مبتترفعش من الأرض، نور بغيظ: اه يا واد باين عليك جدا،. أكرم بيضحك بخبث وساكت،، وأمير خبطه على كتفه بغيظ نغم : ها يابنات مش يلا عشان منتأخرش، اكيد عمر زمانه قلقان على تقى جدا امير ونور وأكرم وريم تنحوا لبعض، وقالو في نفس واحد : عمر،،، هو انتي تعرفي عمر نغم باستغراب: اه يا جماعه،. هو فيه حاجه ولا ايه،، أمير : لا ابدا،، ده احنا بنطمن بس،،، وقرب لاكرم،، شوفت صاحبك اللي عامل فيها شيخ أكرم بضحك: الله يحرقك يا شيخ،. اسكت بقه، هههههه، هتفضحنا وفعلا البنات اتحركوا وركبوا مع نغم،. وأمير وأكرم ركبوا تا**ي امير: الا صحيح يا أكرم،. انت ايه اللي جابك هنا أكرم بخبث : نفس اللي جابك يا صاحبي، ولا هو حلو ليك ووحش ليا،، أمير بغيظ: أكرم،. أنا بتكلم بجد، هو فيه حاجه بينك وبين تقى أكرم اتن*د : هو فيه اه،. لكن من ناحيتي انا، يعني هي بصراحه متعرفش يا أمير، لكن انا واخد عهد علي نفسي، يوم ما اتأكد انها بتحبني، اكيد هقول لعمر على طول، لاني عمري معمل حاجه تدايقه ابدا، بس اتأكد بس يا أمير أمير بتفهم: عندك حق يا صاحبي، وانا هعمل كده ان شاء الله، انت متعرفش نور دي بالنسبالي ايه،. بجد بحبها قوي ومش متخيل حياتي من غيرها ابدا أكرم ابتسم : ربنا يوفقك يا حبيبي.. وبصراحه عمر يستاهل كل خير، وربي اخواته احسن تربيه أمير باعجاب: عمر طول عمره راجل، من قبل حتى ما عمتي وجوزها يتوفو، ربنا يصلح حاله،. بجد من ارجل واجدع الناس اللي ممكن تقا**ها أكرم : انت هتقولي عليه،. أنا حافظه يابني ده عشرة عمر،، ما انت عارف ،، ربنا يكرمه يارب أمير بضحك : يارب يا أكرم،، وينولنا اللي في بالنا بقه،، وضحكوا الاتنين ----------- بقلم شيمو الخطيب في الحاره عم رمضان قاعد قدام ورشته،. وبيشرب كوباية شاي، دقدق صبي القهوه: عم رمضان،. انت شايف اللي انا شايفه رمضان. بيدقق النظر: مالك ياواد، عربيه وداخله الحاره،. ايه المشكله يعني، دقدق : انت مش شايف مين اللي نازل منها،. دي انسه نور وتقى وريم،. ده غير أن فيه معاهم صاروخ أرض جو نازل رمضان دقق النظر اكتر: اه تصدق يا واد، (وض*به على راسه) دع الخلق للخالق،. انت مالك دقدق: لا اصل بجد البت دي صاروخ، انا مشوفتش جمال وشياكه كده،. دي بنت ناس قوي يا عم رمضان رمضان بنرفزه : شوف شغلك يا دقدق، وركز فيه عشان ربنا يكرمك دقدق بخنقه: حاضر،، انا ماشي اهو،. (وقال لنفسه)، هو حرام يعني ابص على الجمال ده الله يسامحك يا عم رمضان،. أنا هغور اهو،، عمر في ورشته ومندمج في شغله، لقى نور داخله نور: عمر حبيبي، جيبتلك حبيبة قلبك وجيت، عمر نفض ايده وهدومه وقام : نور حبيبتي ، ربنا يطمن قلبك،. (وبص علي تقى)، حبيبتي، طمنيني عليكي تقى بدموع : ابيه عمر،. أنا كويسه متقلقش وجريت عليه ،، عمر اخدها في حضنه بخضه: تقى مالك يا حبيبتي، نغم دخلت : متقلقش يا عمر، تقى كويسه الحمد لله عمر قلبه دق بسرعه،. واتفاجئ لوجود نغم،، وقال بلبخه :،. انسه نغم، اهلا وسهلا،. اتفضلي نغم بضحك : اتفضل فين بقه وسط الخشب ده كله، نور : لا انتي اتفضلي فوق، والله البيت هينور نغم بصت لعمر وسكتت،. عمر بص لتقي، : مالك يا تقى،. ايه اللي حصل، أمير وصل هو وأكرم ودخلوا لعمر : امير: ايه يا صاوي ، انت موقف الضيوف القمرات كده ليه،. مش تخلي عندك ذوق يا جدع عمر بصله بضيق،. ونور عنيها بتطلع شرار، عمر بخنقه: اكيد طبعا هضيفها وارحب بيها كمان،. اتفضلوا، ومسك ايد تقى وطلع بيها لحد فوق وريم استأذنت ومشيت مخنوقه من وجود نغم،. و إعجابها بعمر،، نغم طالعه وقالت لنفسها: هو ايه اللي انا بعمله ده،. أنا حاسه اني ماشيه بريموت، مش عارفه اتحكم في نفسي، عايزه افضل معاهم، مش عايزه اسيبهم ابدا،. بس انا عمري ما اتعلقت بحد بالشكل ده،. لا وكمان من اول مره،. أنا بجد مش فاهمه، اشمعني هما،. وفاقت على صوت تقى تقي: نغم،. اتفضلي ياحبيبتي، نغم : ها،،. اه ميرسي يا تقى،. ودخلت، وبصت على الشقه،. بسيطه لكن مريحه ، وجوها جميل ،. وحست انها فعلا مرتاحه جدا لكل تفاصيل حياتهم،. نور بترحيب: والله منوره الدنيا كلها يا نغم، انتي بقه لازم تتغدى معانا،. وليكي عليا هعملك اكله اكيد هتحبيها جدا، نغم نفسها تقعد،. لكن حاولت ترفض: لا ميرسي يا نور، انا بس هطمن على تقى وامشي على طول،. متتعبيش نفسك عمر باحراج: احم،، لا طبعا يا انسه نغم، مينفعش تيجي عندنا لأول مره وتمشي على طول،. انتي لازم تتغدى معانا انهارده نغم قلبها دق بسرعه جدا،. وبصت عليه،. وعنيها فضحاها، لكن حاولت تداري إعجابها بيه، عمر : بص لنور؛ يلا يا نور، عايزين نشوف إبداعك في الأكل، أمير : ايوه انا قاعد اهو ومستني اكل لاني بصراحه جعان نور بصوت واطي و بخنقه: انا طول عمري بسمعك بتقول جعان،. عمري ما سمعتك بتقول شبعان ابدا أمير بضحك : هههه سمعتك يابنت عمتي، والله يسامحك على فكره،. وبعدين اكلك هو اللي بيجوعني،، نور خرجت من المطبخ : بعد كده هطبخ وحش عشان اخلص منك، أمير بص لعمر : شايف ذوق اختك،. بصراحه مش عارف هي جايبه الذوق ده منين عمر ضحك وضحكته دوبت قلب نغم : عمر : اكيد انت مدايق نور يا أمير، هيا عمرها ما تتكلم كده الا لو مدايقه منك وبص لاكرم،. ولقاه مركز مع تقى، عمر قرب من أكرم وحط ايده على كتفه : ولا انا كلامي غلط يا أكرم أكرم بلخبطه: هاه،. اااه،. لا انت عمرك متقول حاجه غلط يا عمر عمر رفع حاجبه وبصله : وهو انت اصلا عارف انا قولت ايه أكرم بتردد : هاه،، وقام وقف،،،احم بص يا عمر، انا همشي انا بقه،. عشان اطمن على ابويا، عمر: عيب عليك يا راجل،. بقى تبقى في بيت اخوك واخواتك البنات وتمشي من غير متتغدي معاهم، أكرم فهم قصد عمر،. وأمير كمان فهمه، اكرم: معلش يا عمر،. أنا مضطر امشي عمر: والله ميحصل ابدا، لازم تتغدى معانا، ونده على نور،،،، يا نور،. يانور نور جت بسرعه وايديها فيها طماطم : نعم يا عمر،. عمر: انتي ناويه تطبخي ايه، عشان نغريهم،.ونقعدهم نور: بص بقه انا لما بحط اكله في دماغي، مبيغيرهاش لو الوزير جه،. (وبصت لنغم) معلش يعني يا نغم، انا بصراحه هطبخ كشري مصري، وانا عارفه انكو اكيد بتحبوه (وبصت لأمير وضيقت عنيها بضيق) انما بقه اللي مش عاجبه، يتفضل ياكل في بيته،. عمر ضحك: هي دي الاكله اللي انتي مقعده انسه نغم عشان تأكلها نغم بتلقائيه: اولا بلاش انسه نغم دي ياعمر،. لاني بقولك عمر من غير استاذ، ثانيا اي حاجه من ايد نور هتبقى حلوه جدا،. ثالثا انا عمري ما كلته قبل كده،. فأكيد هيعجبني، عمر بصلها وسكت ومش عارف هو ليه قلبه بيدق مجرد ما يسمع صوتها، أمير بهزار : والله يا نغم،. أنا خايف تدعي علينا بعد الاكله دي نور ضيقت عنيها بغيظ منه وحدفت في وشه الطماطم، وقالت،. لو حد هيدعي فهيبقي انا يا ابن ابتسام أمير بتمثيل: اااه،. عيني،. عيني. حرام عليكي يانور بهدلتي هدومي بجد، طب انا هلبس ايه دلوقتي كلهم ضحكوا عليه وعلى منظره ووشه وهدومه طماطم، أمير بغيظ: عاجبك كده يا عمر، اختك دي مفتريه على فكره عمر :ههههه،، قولتلك والله انت مدايقها، أمير بخنقه : هو انا كلمتها ياعم انت، دي بتشاكل دبان وشها، أعوذ بالله،. انتو عايشين معاها ازاي دي تقي: نغم تعالي لوحابه تغيري هدومك هلبسك حاجه من عندي، نغم : لا شكرا ياتقي انا كده كويسه عمر : لا من الأفضل انك تلبسي حاجه تانيه،. احم قصدي. عشان تبقى مرتاحه اكتر نغم بصتله وبتلقائيه مشيت ناحية تقى ودخلت معاها الاوضه،. نغم بارتياح : تقى، انا مش عارفه ليه مش عايزه اسيبكو بجد، حاسه اني اعرفكو من زمان،. حاسه اني مرتاحه وانا هنا قوي تقى ابتسمت: يا ريت تفضلي يا نغم، والله انا حبيتك قوي،،. وفتحت دولابها، وطلعت إسدال،، بصي ده هيخليكي احلى كتير، نغم بصتله : ده اسمه،. اسمه،. مش فاكره تقي: إسدال،. اسمه إسدال يا نغم نغم: ايوه،. صح، اسمه إسدال، بس انا مش بحب البسه،. طويل قوي وبيخنق ، تقى اتن*دت : لا يا نغم صدقيني لو لبستيه هتحبيه جدا،. جربي بس نغم : اوك،. هلبسه،. تقي: هخرج انا على ما تلبسيه،، نعم: ماشي ياتقي تسلمي،، وخرجت فعلا،. ونغم اتصلت على سمير السواق وقلتله يمشي ويرجعلها لما تكلمه، وكلمت اسعد وقلتله انها عند واحده صاحبتها وهتقضي اليوم معاها، واسعد وافق، لكن مسألش مين صاحبتها،. لانه فرح انها بقه ليها صحاب،. # شيمو الخطيب أمير دخل غسل وشه، ولبس تيشيرت من عمر وخرج قعد بره، تقى خرجت من الاوضه عمر راح ناحيتها، وقال : ها ياتقي مش هتقولي ايه اللي حصل، تقى اتن*دت وبصت لاكرم ، وعمر مش فاهم حاجه،. أكرم قرب منهم، : عمر انا هحكيلك كل حاجه،.،. وحكاله فعلا عمر: ياابن ال.....،. الواد ده خانقني جدا،. بس انا هعرف اتعامل معاه، لكن صحيح يا أكرم. انت كنت هناك بتعمل ايه أكرم بارتباك: لا،. ده انا كنت في مشوار، وشوفت تقى واقفه وبتكلم واحد،. فنزلت اشوف يمكن مدايقه ولا حاجه عمر بعدم تصديق : اممممم،. ماشي يا أكرم،، وبص لتقي،، وانتي يا تقى اوعي تخافي ابدا، طول ما ربنا معاكي اولا،. وبعدين اخوكي، سواء انا أو أكرم او أمير، انتي عارفه انهم اكتر من اخواتي، ومفيش واحد فيهم هيقصر معاكو، احنا في ضهرك،. ولازم تبقى أقوى من كده لأنك يا ما هتقابلي، توعديني يا تقى، تستقوي بربنا ثم بيا وبنفسك تقى بثقه: اوعدك يا ابيه، انا من غيرك مسواش حاجه ابدا،. ربنا ما يحرمني منك ابدا، عمر ابتسم وضمها لقلبه أكرم وأمير عرفوا ان عمر يقصد كل كلمه،. بس حب يوصلهم رساله بطريقه غير مباشره،. وبصوا لبعض وسكتوا نغم خرجت من الاوضه وكانت آيه في الجمال، لدرجة انها لفتت نظرهم كلهم،. وخصوصا عمر عمر بص ليها وحس انه قلبه هيوقف من كتر دقاته،. ونغم عنيها اتعلقت بعمر وساكته،. وأكرم وأمير متابعين الموقف في **ت،. وتقى بتبص عليهم ومستغربه مالهم،. تقي: نغم،،. ايه القمر ده،. تحفه عليكي بجد نغم فاقت: هاه،. اه،. ميرسي يا تقى، عمر : اتفضلي يا انسه نغم،. وشد كرسي السفره ونغم قعدت عمر قرب من ودنها وقال : تعرفي ان كده شكلك احسن،، الطويل عليكي اشيك، نغم حطت اديها على قلبها، وغمضت عنيها، وسكتت،. عمر : ها ياشباب،. يلا نستعد لان اكيد نور قربت تخلص، وفعلا قام أمير وأكرم، وقعدوا على السفره، ودخلت تقى تساعد نور، وفعلا رصوا الاكل بمساعدة أمير، اللي كان بيدايق نور، وقعدوا يا كلوا نور جنب أمير وأكرم جنب تقى وعمر جنب نغم نغم شايفه الطبق فيه رز على مكرونه على عدس حاجات كتير فوق بعض، عمر اخد معلقه وقال : بصي يا ستي، انا هشرحلك المكونات،. وبدأ يقولها ده ايه وده ايه،. وهي بتبص عليه وبس ومش مركزه في اي حاجه،. وكله متابع الموقف، عمر : اظن لما تدوقيه هيعجبك،. نغم بتلقائيه: هو انت بتحبه يا عمر عمر بصلهم واستغرب،. وقال: بصراحه انا بحبه جدا نغم : يبقى اكيد انا هحبه،. عمر اتحرج بصلها وسكت،. أمير برخامه : وليه عدم اللامؤاخذه يعني، ممكن متحبيهوش يا نغم عادي يعني وارد انها تحصل،، نغم ابتسمت :لا بس انا واثقه اني هحبه،. إن شاء الله، وشاورت طب دي ايه نور: دي شطه لو بتحبيه مشطشط، ودي دقه،. أما دي بقه، صلصه بتحليه جدا، بصي بقه،. انتي تحطي كله على بعضه كده ودوقي نغم بدأت تاكل،. وعجبها جدا نغم باعجاب : امممممم،. تحفه بجد ياعمر، حلو قوي، عمر ابتسم؛ بالهنا والشفا،، أمير : اممممم،. عادي جدا،. أنا اساسا مبحبوش، بس هاكله عشان من ايد نور نور بغيظ: غصب عنك هتاكله،، وكُل وانت ساكت أمير : انا هتف*ج على نغم وهي بتاكل بصراحه بتفتح النفس، عمر بصله، ونغم ضحكت، ونور هتولع فيه نور: ممكن يا أمير تجيبلي كوباية ميه من هناك،. وشاورت أمير من عنيا حاضر، وقام، ونور حطت شطه كتير في طبقه وقلبته،. وكلهم ضحكوا في **ت أمير؛ اتفضلي يا نور،. نور: شكرا يا أمير،. اقعد بقه كمل اكلك أكرم : بصراحه الاكل مش هيحلي غير بيك،. ده انت اللي بتفتح النفس يا صاحبي ، أمير مستغرب : والله منا عارف الحنيه اللي هبطت عليكو مره واحده دي، وبدأ ياكل والكل متابع في **ت،. واكل معلقه، وعنيه احمرت، وحاسس انه بيطلع نار أمير : آآآآآآه، ايه ده،. ناااار، الله يخربيتكو، انا بموووووت، اااااه،. ميه،. ميه بسرعه، وقام وشرب ميه كتير، وكلهم هيموتوا من الضحك عليه، ونور حاسه انها بتشفي غليلها فيه، أمير قعد على الكرسي وبيهوي على بقه : ااااه،. نااار،. الله يسامحكو، انا عارف مين اللي عمل كده،. اكيد المؤذيه دي، نور ببرائه : انا،،، عيب عليك يا ابن خالي،، ده انت اخويا،. أمير بتلقائيه : اخوكي في عينك،. اخوكي منين، وبص لقى عمر بصله جامد وساكت،، أمير : احم،، اه اخوكي، فعلا،. ههههههههه عمر وكلهم ضحكوا،. ونغم كانت فرحانه بيهم جدا،. ومش عايزه ترجع بيتها،. خالص، وقضوا وقت حلو مع بعض، حتى عمر نسي شغله، ونفسه الوقت ميعديش وأمير ونور محليين القعده بخناقهم وتقى وأكرم بيتابعوا في **ت وبي**قوا النظرات لبعض،، -------------- بقلم شيمو الخطيب في فيلا السويفي اسعد داخل: السلام عليكم، جميله: وعليكم السلام، ايه يا اسعد اتاخرت ليه كده اسعد: كان عندي شغل كتير يا جميلتي والله، بس انتي رايحه فين كده جميله : انا رايحه البيوتي سنتر، ونغم هترجع من عند صاحبتها تحصلني على هناك اسعد: وهي لسه مرجعتش جميله : لا يا حبيبي، انا كلمتها من شويه وقالت إن سمير هيعدي عليها بعد شويه،، اسعد: فعلا انا نزلت لقيت سمير مش موجود اخدت عربيتي وجيت، على العموم متتاخريش، لأن ممكن الأسيوطي بيه يجيلنا انهارده جميله بدلع:من عنيا يا حبيبي، مش هتأخر، وسابته ومشيت -------- بقلم شيمو الخطيب في الحاره نغم : انا مضطره امشي دلوقتي،. وبجد انا بشكركوا على الوقت الجميل ده عمر بحرج : طب لسه بدري،. ليه هتمشي على طول كده نغم بصت لعنيه: انا لو عليا يا عمر مش عايزه امشي، لكن اعمل ايه،، بس اكيد هكررها تاني ده لو مش هتتدايقوا عمر: وانتي تفتكري اننا ممكن ندايق نغم : احساسي بيقولي لا عمر ابتسم: يبقى احساسك مبيكدبش عليكي، نغم بصتله جامد،. ومش عايزه تشيل عنيها من عليه،. تقي: نغم، اوعي ما تجيش الجامعه بكره نغم : لا طبعا اكيد هاجي يا تقى. أنا مش هقدر ما اشوفكيش بكره،، تقي:ولا انا والله،. ده انا زعلانه جدا انك ماشيه نغم؛ كلها ساعات واقابلك تاني، وبصت لنور،، هستني منك إبداع تاني يانور، وبجد تسلم ايدك على أحلي اكله اكلتها، نور: انتي تنوريني يا نغم، تعالي انتي وانا هدوقك احلى اكل،. نغم : تسلمي يانور،. وبصت لأمير،، ها يا أمير بقيت احسن دلوقتي،. أمير بضحك: الله يسامح اللي كان السبب، بس الحمد لله عدت على خير، نغم ضحكت وبصت لاكرم : انا مش عارفه انت ليه ساكت يا أكرم،. مش زي صاحبك أكرم؛تقصدي اي واحد فيهم،. نغم بصت لأمير،. اكيد أمير طبعا أمير :انا محدش زيي ابدا،، نحن نختلف عن الاخريين، ههههه نغم ضحكت : فعلا،. تختلف تماما،. هههههه، وكلهم ضحكوا، سمير كان وصل،. وعمر نزل وصل نغم لتحت، نغم بحب: عمر،، هشوفك بكره،، عمر بصدمه : نعم،، بكره،، مش،. مش عارف والله،. نغم : بس انا لازم اشوفك،، قصدي، لازم تيجي تطمن على تقى،. عمر ابتسم: اكيد ان شاء الله، اهم حاجه خلي بالك من نفسك، وخلي بالك من تقى،. نغم: تقى في عنيا ياعمر،.،، مع السلامه،. عمر: مع السلامه ومشيت وهي قلبها مع عمر،. --------- بقلم شيمو الخطيب في الفيلا، وصلت جميله،. وكانت نغم لسه داخله،. جميله : بقه كده يا نغم،. تقولي هتحصليني وتطنشي،. نغم باستها؛ اسفه يا ست الكل، بس بصراحه كان يوم تحفه، يوم حلو قوي،. اسعد بضيق : ممكن بقه تغيروا هدومكوا لان الناس على وصول، نغم : ناس مين يابابي اسعد؛ الأسيوطي باشا وعيلته،. قعدة تعارف،. ممكن متتاخروش جميله : من عنينا يا حبيبي،، اهدي انت بس وكله هيبقى تمام نغم وجميله طلعوا وغيروا ونغم نزلت،. وكانو الناس على الباب،. اسعد بيرحب بيهم،. : اتفضل يا باشا، منور الدنيا كلها،. دخل الأسيوطي ومعاه ابنه ومراته،، نغم: بصدمه : ايه، ده،، انت!!!! هو : ايه ده،، انتي!!!! بقلم شيمو الخطيب

Free reading for new users

Scan code to download app

App Store Google Play

Facebookexpand_more