رواية كفاح عاشق،، بقلم شيمو الخطيب

الحلقه الاولى، من رواية كفاح عاشق

عايزه تشجيع جامد يابنات، بجد وحشني جدا التواصل معاكو، وياريت اللي معملش متابعه ليا يعمل، بحبكم جميعا في الله، واتمنى ان الروايه المتواضعه دي تعجبكوا وهدفها يوصل لكل حد بي

قرأها، بسم الله نبدأ

الحلقه ١

من (كفاح عاشق)

?اللَّهُمَّ لا تَدَعْ لَنَا ذَنْبًا إِلاَّ غَفَرْتَهُ ، وَلا هَمًّا إِلاَّ فَرَّجْتَهُ ، وَلا دَيْنًا إِلاَّ قَضَيْتَهُ ، وَلا مَرِيضاً إِلاَّ شَفَيْتَهُ ، وَلا مُبْتَلَى إِلاَّ عَافَيْتَهُ ، وَلا ضَالاً إِلاَّ هَدَيْتَهُ ، وَلا غَائِباً إِلاَّ رَدَدْتَهُ ، وَلا مَظْلُوماً إِلاَّ نَصَرْتَهُ ، وَلا أَسِيراً إِلاَّ فَكَكْتَهُ ، وَلا مَيِّتاً إِلاَّ رَحِمْتَهُ ، وَلا حَاجَةً لَنَا فِيهَا صَلاحٌ وَلَكَ فِيهَا رِضاً إِلاَّ قَضَيْتَهَا وَيَسَّرْتَهَا بِفَضْلِكَ يَا أَكْرَمَ الأَكْرَمِينَ. ?

بسم الله الرحمن الرحيم

في شقه في احد الأماكن الراقيه،.

تخرج ابتسام من اوضتها

ابتسام بنرفزه : بقولك ايه يا حامد،. أنا مش هصبر كتير على البلاوي اللي عندي دي، انت تشوفلك صرفه معاهم،. والا واقسم بالله، لهسيبهملك هما و عيالك وامشي من وشك خالص، هو انا قادره اخدم ولادك الاتنين عشان كمان اخدم ولاد اختك التلاته،

حامد : ياحبيبتي اهدي مش كده،، دول عيال يتامى، ومش ذنبهم ان ابوهم وامهم ماتو وسابوهم ، طب يرضيكي ارمي لحمي في الشارع،. ده الخال والد يا ابتسام، اصبري وصدقيني والله هن**ب فيهم ثواب كبير

ابتسام قربت منه بخنقه ونرفزه: والله ما اصبر ولا ساعه،، انت مش حاسس بيا، تقدر تقولي هنجيب مصاريفهم منين،. ولا هنأكلهم ونلبسهم ونعلمهم منين،. بقولك ايه،. ده اللي جاي على قد اللي رايح،. وانا مش حمل مصاريف اكتر من كده

حامد بغيظ من كلامها: اللي جاي مش على قد اللي رايح يا ابتسام،. الخير موجود والحمد لله،. انتي بس هدي أعصابك،. وكل حاجه هتمشي واللي تحتاجيه هتلاقيه،. بس صفي نيتك كده،. ولمى العيال حواليكي، دي عيال متربيه، مش زي عيالك

ابتسام بصدمه وغيظ: ناااعم،، انت مش عاجبك تربية ولادي يا حامد،. طب ايه رايك بقه،. والله لهسيبلك البيت وامشي لحد متشوفلك حل في ولاد اختك، وحسك عينك تبعتلي، ولا تجيني من غير متلاقي حل،. أنا بقولك اهو،.ويا انا يا هما في البيت يا حامد،، وسابته وداخله الاوضه

حامد بنفاذ صبر: يا ابتسام استنى انا مقصدش، انا بس بصبرك على العيال، وبقولك انهم كويسين، يييييه،. ياستي استنى، الكلام اخد وعطا

ابتسام بترمي شنطه على السرير وبتفتحها بنرفزه،. وبتحط فيها هدومها : ولا اخد ولا عطا،. أنا تعبت ومبقتش قادره استحمل. أنا هروح بيت اهلي اريح اعصابي لحد متشوف حل،،. غير كده كلامي خلص يا حامد

حامد نفخ بضيق وخرج بره، لقى عمر ابن اخته الكبير واقف،.

عمر ب**ره: خالي،. أنا مش عايز اتقل على طنط ابتسام اكتر من كده، وكتر خيرها انها استحملتني انا واخواتي الفتره اللي فاتت،. أنا عايز ارجع شقتنا انا واخواتي يا خالي

حامد بخنقه : هترجع ا ازاي ياعمر،. مينفعش يابني تقعدوا لوحدكو هناك،. وبعدين مين هيصرف عليكو، ومين هياخد باله من اخواتك ومذاكرتهم،، لا، لا ياعمر يابني مينفعش

عمر بخنقه : مهو كمان مينفعش نقعد في مكان حد مش حاببنا فيه، انا امي وابويا عودوني مبقاش تقيل على حد، وانا مقدرش اقعد انا واخواتي وطنط ابتسام مش عايزانا، انا هرجع يا خالي وده بعد اذنك طبعا

حامد بصله ومحتار يعمل ايه : ياعمر بلاش كلام كتير،. أنا هشوف شقه قريبه هنا،. و تقعدوا فيها وانا هتابعكو بنفسي، هو ده الحل الوحيد

ابتسام خارجه من الاوضه وفي اديها شنطتها، وسمعت كلام حامد : حل ايه يا ابو حل،. انت كمان عايز تشتري ليهم شقه،. انت عايز تجنني يا راجل انت

هو احنا حيلتنا حاجه، (وبصت لعمر)، بص يابني، انت كبير واكيد هتفهم كلامي، خالك مش هيقدر يصرف عليك انت واخواتك،. فأنت زي الشاطر كده، تاخد بعضك وتنزل تشتغل، انت مش صغير،. واصرف انت على اخواتك،. ده كل بيت ماشي بالزق ومش مستحمل حد،. فاهمني يا حبيبي

عمر بدموع : حاضر، يامرات خالي،. أنا هاخد اخواتي وارجع شقة ابويا، وشكرا لذوقك واستضافتك لينا المده اللي فاتت

ومشي دخل الاوضه

ابتسام بعد ما عمر مشي : لا شكر على واجب يا حبيبي، بالسلامه وابقى طمنا عليكوا، ولا اقولك،. هبقي ابعتلك خالك يطمن عليك

حامد بصلها بخنقه: ارتحتي كده،.**رتي نفس الواد ونفذتي اللي في دماغك،، روحي منك لله ياشيخه،، حسبي الله ونعم الوكيل فيكي

ابتسام بصدمه : انت بتحسبن عليا ياراجل انت، ماشي يا حامد،. ليك يوم برده

حامد سابها ودخل اوضته مخنوق مش عارف يعمل ايه، لو اهتم بالعيال مراته مش هترحمه،. وهيعيش في جحيم معاها،. واستقر انه يرضى بالأمر الواقع،. ويوافق انهم يعيشوا في شقتهم وهو هيطمن عليهم ويشوف طلباتهم

عمر دخل الاوضه وكانت نور اخته (أصغر منه ب ٣ سنين) وتقي اخته الصغيره (أصغر منه ب٥ سنين)، كانو قاعدين وسامعين كل حاجه،

نور بدموع: عمر، احنا لازم نمشي من هنا، لايمكن نقعد مع الست دي تاني

تقي: ابيه عمر،، انا مش عايزه، اقعد هنا خالص،. أنا عايزه اروح اوضتي،.، وحشتني قوي يا ابيه عايزه اروح بيتنا

عمر اخد اخواته في حضنه،. وقال؛ خلاص يا حبايبي، وانا عمري مقعد هنا ولا ثانيه واحده، (بص لنور)،، نور جهزي هدومنا في شنطه وانا هنزل، اشوف تا**ي يا خدنا يرجعنا شقتنا،

نور بعياط: حاضر يا عمر،،

عمر لقى باب الاوضه بيخبط، راح وفتح وكان أمير ابن خاله

عمر: تعالي يا أمير ادخل،،

أمير : ايه يا عمر انت فعلا ماشي انت ونور وتقي

عمر: هو انت مسمعتش مامتك بتقول ايه،. دي مش عايزانا نقعد يا أمير ،. وانا بصراحه بابا وماما معودونيش ابقى تقيل على حد، ولحد كده كتر خيرها،

أمير بضيق: لا يا عمر، بس انا اتعودت عليك،، انا معرفش اقعد من غيرك،. ده احنا كنا في المدرسه مع بعض،. وفي البيت مع بعض،، لا يا عمر عشان خاطري متمشيش

عمر بدموع: انا عارف انت قد ايه بتحبني، وانا كمان بحبك قوي يا أمير،. بس صدقني، مبقاش ينفع،

أمير جري ناحية نور: نور انتي بتعملي ايه،. اقنعي عمر بلاش، نور انتو مينفعش تمشو،. هتقعدوا ازاي لوحدكوا

نور بتعيط: خلاص بقه يا أمير،. أنا بجهز هدومنا وهنمشي حالا، انا لايمكن اقعد مع مامتك بعد الكلام اللي قالته

أمير بص عليهم بدموع، وهما بيجهزوا شنطتهم، وخرج بره

امير: بابا، انت هتسيبهم يمشوا

حامد بقلة حيله: والله منا عارف يا أمير،. أنا مش عارف ارضى امك،. ولا أرضى نفسي، انا تعبت

أمير جري على مامته: ماما، عشان خاطري، سيبيهم يقعدوا معانا، انتي ليه مش عايزاهم

ابتسام: يابني، دول بيقاسموك في اكلك ولبسك ونومتك،،. انت هتفضل ع**ط لحد امتى،.

امير بعياط : بس عمتي الله يرحمها، انا كنت بقعد عندها بالشهور، وعمرها ماقالت كده،. ولا ولادها قالوا كده،. انتي ازاي عايزاهم يقعدوا لوحدهم

حامد بص على ابنه وهو بيتكلم وافتكر اخته ومواقفها معاه. و مساعدتها ليه بالرغم انها كانت على قد حالها، وافتكر مقابلتها ليه ولولاده لما يزروها،، ،. ووقف وقال،،، ابتسام،، انا ولاد اختي مش هينزلوا من البيت ولو انتي عايزه تمشي،. امشي،

ابتسام بصدمه : يعني ايه يا حامد،. يعني انت بتطردني عشانهم

حامد : انا متطردتش حد، انتي اللي عايزه تمشي من نفسك، ومفيش في قلبك رحمه بعيال يتامى ،ابوهم وامهم ماتو في حادثه من كام شهر،،. انتي ايه يا شيخه،. ارحمي من في الأرض،. يرحمك من في السماء، اتقي الله حرام عليكي، ده اختي عمرها معاملتك وحش

ابتسام : بقه كده،، ماشي يا حامد،،. أنا همشي، وابق......

عمر خرج من الاوضه وقاطعها: ملهاش لازمه يا مرات خالي، انا هاخد اخواتي وهمشي، انا كبير واقدر اتحمل مسؤوليتهم،. وكتر خيركوا لحد كده

حامد بصوت عالي ونرفزه: بقولك ايه ياعمر،. انت مش هتمشي، يعني مش هتمشي، وده اخر كلام عندي،.

عمر باصرار: خالي انا اسف،. أنا مش عايز ا**ر كلام حضرتك،. ولا عايز اكون سبب مشكله بينكو. أنا آسف ياخالي،. أنا هنزل انا واخواتي حالا

نور وتقي واقفين بيعيطوا

حامد؛ أمير،. خد الشنطه دخلها جوه

أمير لسه هيتحرك، كان عمر وقف قصاده وقال : انا بقولك ياخالي انا عمري مهقعد هنا،. ولو قعدنا انهارده مش هنقعد بكره،. فعشان خاطري لو عايز تريحنا،. سيبنا نمشي،

حامد وقف وسكت وبص لابتسام بق*ف،. وعمر بص لأمير اللي رفض يسلم عليه ودخل اوضته بسرعه،. وخرج عمر مع اخواته،. ونزل حامد معاهم

عمر : اطلع ياخالي،. أنا هاخد اخواتي واركب تا**ي ونمشي

حامد : مشي وركب العربيه وخد الشنطه من غير ماينطق،. وركبوا كلهم ومشيوا،.

نزل حامد من العربيه واشتري حاجات من السوبر ماركت كتييير،. ووصلهم لحد البيت وطلع معاهم،

عمر دخل،. وحط الحاجات على الترابيزه،. وبص للشقه بدموع،. وافتكر امه وخوفها عليه،. وحنية ابوه،. ومقدرش يمسك نفسه، دموعه نزلت غصب عنه، ونور وتقي شافوه وعيطوا بدموع في حضنه،. وطلع حامد وشاف المنظر ده،. وقلبه اتقطع عليهم

حامد بدموع : عمر،، انا عارف انك راجل،. من يومك وابوك مربيك على تحمل المسؤوليه،، اخواتك امانه في رقبتك،. ولو احتاجت اي حاجه،. تكلمني على طول،.،، وخد ياسيدي، انا اشتريت ليك موبايل. عشان اكلمك واطمن عليك،. عمر، انا واثق انك قد المسؤوليه

عمر مسح دموعه : اكيد ياخالي،. متقلقش علينا،

حامد: وقف وطبطب على عمر وحضنه،. وحضن تقي ونور، وسابهم ونزل

عمر بص لاخواته وحب يخرجهم من مود الحزن : ها يا بنات،. تعرفوا ان انا حاسس براحه كبيره قوي وانا هنا،. حاسس اني لاقيت نفسي بجد

نور؛ بصراحه اه يا عمر،. الواحد هناك كان مخنوق،. وحاسس ان كل حاجه محسوبه عليه

تقي: ابيه، انا فعلا فرحانه قوي اني رجعت البيت،. بس انا جعانه قوي، مين هيطبخلنا بقه،.

عمر ضحك: هههه،. يطبخلنا، تعالو بس نشوف خالو جايبلنا ايه ، ونرتب هدومنا وحالنا،. وبعدين نفكر في الأكل

وفعلا فتحوا الشنط وفضوا كل حاجه،. وحطوها في التلاجه، وكانت خزين للبيت،. واكل كتير،. وفتح عمر الموبايل، ولقى خاله سايبله فلوس كتير، ولانه عارف ان عمر هيرفضها، سابها في الشنطه ومشي،

وبعد فتره،، نور خارجه من المطبخ : ااااه يا عمر،. أنا تعبت،. نضفت اوضتك واوضتنا ومرضيتش ادخل أوضة بابا وماما، صعبانين عليا قوي يا عمر،. (وبعياط) وحشووني قوي بجد

عمر قام بسرعه واخدها في حصنه: ادعيلهم يا نور، اكيد هما في مكان احسن، ربنا يرحمهم يارب

نور بدموع: يارب ياعمر،،

عمر: نور، (ومسكها من اديها وقعدها جنبه)، انا عايز اتكلم معاكي شويه،

نور مسحت دموعها : اتكلم ياعمر خير

عمر: بصي يا نور،. أنا عارف انك صغيره،. انتي يا دوب عندك ١٢ سنه، بس واثق انك تقدري تشيلي المسؤوليه معايا، انتي هيبقى عليكي البيت والاهتمام بتُقي، وانا عليا الشغل واني اوفر كل حاجه انتو عايزينها، وصدقيني يانور، على قد ما اقدر مش هقصر معاكو

نور: انت بتقول ايه ياعمر، طب وتعليمك،. ده انت رايح أولى ثانوي، ومتفوق جدا، ليه هتقضي على مستقبلك

عمر بخنقه: بصي يا نور، بابا دايما كان يقولي،. إن فيه أولويات في حياتنا ياعمر، فلازم نعمل الأهم فالمهم، يعني انتو عندي اهم يانور. و ياستي لو ربنا قدرني، وعرفت اوفق بين الشغل والتعليم اكيد مش هتأخر، بس انتو اهم حاجه في حياتي

نور: لا يا عمر، وانا مش موافقه،. انك.....

عمر بضيق: متتعبنيش معاكي يانور، اسمعي كلامي عشان حياتنا تمشي ومنحتاجش لحد، انا مش عايز في يوم اروح اقول لحد انا مبقتش قادر،، ساعديني يانور

نور بدموع: حاضر ياعمر، بس انت هتشتغل ايه

عمر: انا هنزل عند عم رمضان النجار واقوله اني اشتغل معاه، لحد مربنا يسهل واتعلم الشغلانه وافتح ورشة بابا، انتي عارفه اني كنت بقف معاه وهو بيشتغل واتعلمت منه حاجات كتير، اكيد هتفدني، بس اشتغل عند عم رمضان الأول،

نور بزعل: ربنا يوفقك ياعمر،، اللي انت شايفه انا هعمله

عمر ابتسم وضمها لحضنه : وانا واثق انك قدها يانور، المهم، انتي بقى تتعلمي تطبخي واحنا هنستحمل اكلك في الأول لحد متبقي احلى شيف في مصر، وانا واثق انك تقدري

نور ابتسمت: فاكر ياعمر الكيك اللي عملته وكلكو اتريقتوا عليه إلا بابا الله يرحمه،، قال دي احلى كيكه كلتها في حياتي

عمر ابتسم بوجع : فاكر يا حبيبتي، بس انتي عارفه، هي فعلا كانت احلى كيكه كلتها، بس مش احلى من كيكة ماما،

نور: ههه، طبعا، بس انا اتعلمت من ماما كتير والله، كانت دايما تحب توقفني معاها، وهي بتطبخ، وتقولي عشان لو تعبت يانور تقدري تخدمي اخواتك، (وبعياط) مكانتش تعرف انها هتسيبنا خالص يا عمر

عمر حضن نور ونزلت دموعه : خلاص بقه يانور،. احنا لازم نبقى أقوى عشان نواجه اللي جاي، اللي جاي صعب يانور، ولازم نوقفله، اوعي تضعفي عشان خاطري انا وتقى، احنا محتاجينك يانور

نور استقوت من كلام اخوها ومسحت دموعها: متقلقش يا عمر، انا معاك،،

تقى خرجت: وبعدين بقه احنا مش هناكل ولا ايه

نور ابتسمت : حاضر يا حبيبتي حالا هجهز الاكل

عمر شد تقي: تعالي بقه يا اخر العنقود انتي،. بتعملي ايه في الاوضه كل ده

تقى بضحك: كنت بلعب بعرايسي وحشوني قوي يا ابيه، زي ما بابا وماما وحشوني

عمر قلبه وجعه : ادعيلهم ياتقي ، وبعدين انا عارف انك قويه ومش هتعيطي صح

تقى هزت راسها: صح يا ابيه، المهم، يلا بقه انا جعانه،

عمر ضحك: يلا يا مفجوعه، وشالها بضحك وقعدوا على السفره وابتدوا ياكلوا

-------------- بقلم شيمو الخطيب

في فيلا السويفي

جميله راجعه من المطار: يااااه،. اخيرا جينا فيلتنا يا اسعد،. أنا بجد فرحانه قوي

اسعد: ههههه للدرجادي يا جميله،. اللي يشوفك كده ميقولش انك من أصول يونانيه ابدا، ده يقول انك متأصله مصريه ومتربيه في مصر،

جميله: هههه،. لا يا اسعد انا اه كنت عايشه في اليونان، لكن الفتره اللي عرفتك فيها واللي كنت قاعده فيها في مصر،، حببتني جدا في المصريين، ده غير أن والدي كان دايما يكلمني عن مصر وجمالها، وانا بصراحه بستريح هنا جدا،،

اسعد: قرب منها بحب،،، وانا كل اللي يهمني راحتك يا جميلتي، المهم البت نغم فين، اختفت مره واحده

جميله: تلاقيها في الجنينه، انت عارفها تحب الانطلاق موووت، انا خايفه بجد انها متحبش تقعد هنا،.لان العادات والتقاليد مختلفه تماما عن بره،، ربنا يستر

اسعد: متقلقيش، يا جميله، دي لسه صغيره،. ومش مستوعبه حاجه، اكيد هتحب هنا، وسهل انها تتعود، كلميها انتي كتير وكوني معاها صداقات كتير

جميله: ان شاء الله يا اسعد،. ربنا يسهل

نغم داخله بتجري وبتضحك : بابي، يابابي

اسعد شالها: حبيبة بابي،، ، خير يا حبيبتي

نغم؛ الكلب اللي بره ده جميل قوي، انا عايزاه يبقى صاحبي،

اسعد ضحك: ههههه، عوديه عليكي يا حبيبتي وهو هيبقى صاحبك

نغم: طب هو اسمه ايه يابابي

اسعد بابتسامة : انتي عايزاه اسمه ايه

نغم بتفكير: امممممم، انا هسميه هيرو، ايه رايك،. تحس انه بطل كده يابابي

اسعد: هههه،. والله اسم حلو، خلاص، هنسميه هيرو، انا مقدرش ازعل حبيبة بابي ابدا

نغم : باسته في خده،، حبيبي يابابي، نزلني بقه، اروح اشوف اوضتي،

اسعد : اتفضلي يا حبيبتي، ووقف يبص عليها وفرحان انه اخيرا رجع مصر بعد سنين كتير غربه،. خلف فيهم نغم،. اللي عمرها دلوقتي،. ٩ سنين،، وصفي كل شغله ورجع يستثمر في مصر، ويستقر فيها،

----------- بقلم شيمو الخطيب

في الحاره،

عمر خلص اكل مع اخواته،. وقال: نور انا هنزل اشوف عم رمضان واسلم على أهل الحاره، وارجع على طول،.

نور وهيا بتلم الاكل: ماشي ياعمر،، متتاخرش علينا،.

عمر: من عنيا يا حبيبتي، سلام عليكم

ونزل عمر وماشي في الحاره

أكرم ابن عم صبحي: عمر الصاوى، حمدلله على السلامه يا كبير، انت جيت امتى

عمر سلم عليه وحضنه: حبيبي يا أكرم،. عامل ايه،. واحشني والله،.

اكرم: انت واحشني اكتر ياعمر، انت ناوي تقعد هنا ولا ايه

عمر: اه ياعم،. كتر خير خالي لحد كده، انا هبقي مسؤول عن اخواتي إن شاء الله

اكرم بزعل: هتقدر يا عمر،، ده صعب قوي، دي مسؤوليه كبيره

عمر: ادعيلي بس يا أكرم،. المهم،. متعرفش عم رمضان قافل ليه،،

أكرم : متقلقش زمانه جاي دلوقتي،. وبص بعيد،،، اهو جه اهو، جه على السيره يا معلم

عمر: هههه طب اسيبك انا بقه يامعلم،. وابقى سلملي على عم صبحي كتير

أكرم: ماشي يا كبير، ابقى طمني عليك،. سلام يا حبيبي

عمر: سلام يا أكرم

عمر قرب من عم رمضان،. ورمضان اتفاجئ بيه

رمضان بفرحه: عمر الصاوى،. (خده في حضنه)، الغالي ابن الغالي، عامل ايه يابني، واخواتك عاملين ايه

عمر خرج من حضنه: كلنا بخير يا عمي، انت عامل ايه،

رمضان: انا كويس، عشان شوفتك بخير يا حبيبي، تعالي تعالي، وخده وقعدوا قدام الورشه

رمضان: عامل ايه يابني، وناوي، تقعد هنا ولا ايه، واخواتك فين.

عمر: احنا كويسين والله ياعمي، واخواتي فوق في شقتنا، وبصراحه كده انا مش هروح عند خالي تاني، انا هبقي مسؤول عن اخواتي يا عمي

رمضان اتصدم: عمر يابني، ده حمل كبير قوي انت متقدرش عليه،. انت لسه صغير ياحبيبي ، هتتحمل المسؤوليه دي ازاي

عمر بخنقه وزعل: عشان انا الكبير، ياعمي، والراجل بالنسبه لاخواتي، وانا معنديش استعداد ابقى تقيل على حد،. او حد يدايق مني انا أو اخواتي، وأن شاء الله هقدر يا عمي، بس عايزك تساعدني

رمضان اتأكد انه اكيد اتضايق عند خاله عشان كده قرر انه يرجع:، انا اخدمك بعنيا يابن الغالي،. قولي اساعدك ازاي

عمر: انا عايز اشتغل عندك، في الورشه ياعم رمضان،. وتعلمني كل حاجه، عشان اقدر افتح ورشه ابويا الله يرحمه

رمضان بانبهار: انت كمان عايز تفتح ورشه والدك ياعمر

عمر باصرار: طبعا ياعمي، وأن شاء الله هقدر

رمضان بنظرة اعجاب : ربنا يوفقك يابني، وانا موافق يا حبيبي، وواثق انك تقدر يا عمر، انت ابن حلال وتستاهل كل خير، يلا يا بطل، بس انت عايزنا نبتدي دلوقتي ولا بعدين

عمر بحماس: ياريت من دلوقتي، بس هستأذنك بس اقول لاخواتي اني هتأخر عشان ميقلقوش عليا

رمضان ابتسم : اطلع ياحبيبي بلغهم، ربنا يقدرك عليهم يا بني يارب

وطلع عمر بسرعه وبلغ اخواته ونزل على طول

عمر بحماس : ها ياعم رمضان،. أنا جاهز،

رمضان تعالي يابطل، بص،. دي المكنه اللي بتنشر الخشب، بتستخدمها كده،. وبدأ يشرحله،.

ودي المكنه اللي بتقطع وبرده بتستخدمها كده وانت مع الوقت يا عمر هتعرف ترسم وتحدد على الخشب، وتقطع وتعمل كل حاجه،. بس واحد واحده،. وهتبقى احسن اسطى في المنطقه كلها

عمر اتن*د : يارب يا عم. رمضان

دخل عم صبحي: السلام عليكم ازيك يا رمضان

رمضان وعمر انتبهوا ورمضان قال: اهلاااااا يا صبحي، عامل ايه،،

صبحي: نحمد ربنا،. ( وبص على عمر) هو انت شغلت عيل جديد عندك ولا ايه يا رمضان

عمر ورمضان ضحكوا،. وعمر قرب من صبحي،، ازيك يا عم صبحي

صبحي بيبصله جامد،. واتفاجئ بيه : ايه ده، عمر الصاوى،. حبيبي يابني،. (وحضنه جامد) ،،، الف حمدلله على السلامه. جيت امتى ياحبيبي ،.

عمر؛ لسه واصل من ساعتين، ياعم صبحي

صبحي: معلش يابني متأخذنيش، العتب على النظر، وانا نظري على قدي، اخبار اخواتك ايه، ده ابوك وامك كانو نوارة الحاره، ربنا يرحمهم برحمته يارب

عمر: تسلم ياعم صبحي، انا واخواتي بخير الحمد لله

صبحي: يارب دايما في أحسن حال يا حبيبي،، انت ناوي تشتغل مع عمك رمضان ولا ايه ياعمر يابني

رمضان بضحك: اه ياسيدي، عايز يتعلم الصنعه، عشان يفتح ورشة والده،. و ينافسني، شوفت بقه،. ههههه

عمر: هههههه، انا مقدرش انافسك ياعم رمضان،. ده انت في مقام ابويا،، الله يرحمه

رمضان: طول عمرك متربي يا عمر،. ربنا يحميك يابني،.

صبحي بيبص لعمر باعجاب وبيكلم نفسه: زين ما ربيت يا حسين،. ابنك عمر زينة شباب المنطقه كلها، ربنا يحميه ويحفظه

رمضان: متيجي تشرب معانا شاي يا صبحي، انت واقف ليه

صبحي: لا يا رمضان،. أنا هروح اشوف شغلي،. وانا راجع هبقي اعدي عليك، وملكش بركه الا عمر، ده ابن الغالي

رمضان: ده في عنيا، (وبص لعمر) يلا يابطل نكمل

عمر: يلا ياعم رمضان، وكملوا شغلهم،.

ونقول بعد مرور ٣سنين

بقلم شيمو الخطيب