#ILoveYouBro
CHAPTER 25
“Bakit hindi kayo nagsi-swimming? Kaya nga ginawa ang swimming pool para languyan at hindi lang tambayan,” natatawang sabi ni Yohan kay Humph, Jack at Jones na nasa gilid ng pool at nakaupo. Si Yohan at Russel naman ay lumalangoy-langoy ngayon sa swimming pool. “Samahan niyo kaya kami dito,” aya pa nito.
Napangiti si Jack.
“Mamaya na pagkatapos niyo. Baka kasi masikip pa ‘yung buong pool para sa inyong dalawa ni Russel,” sabi nito sabay tawa.
Natawa na lamang si Yohan sa sinabi ni Jack. Paano ba naman kasing hindi masasabi iyon ni Jack, sa lahat kasi ng sulok at bahagi ng pool, panay lambingan ang dalawa, nagyayakapan pa nga at hindi alintana na wala silang suot na damit pang-itaas at board short lamang ang suot na damit pambaba kaya naki
