- - - - - - - - - -- - - -- - - - - - --
“Ito ang tamang gawin, ang umiwas,” sabi ni Jones sa kanyang sarili. Mag-isa siya ngayon sa rooftop ng eskwelahan. Sa lugar na ito, bihira lang magkaroon ng tao kaya mas napili niyang tambayan ito, isa pa, mas malaki ang chance na hindi magkatagpo ang mga landas nila dito ni Jack dahil bukod sa alam niyang lagi nitong kasama si Humph, hindi ito pupunta dito ng nag-iisa.
Napabuntong-hininga siya. Hangga’t kaya niya ay iiwas siya. Pero hanggang kailan niya kakayanin? Hanggang saan aabot ang kaya niyang umiwas sa isang taong malaking bahagi ng buhay niya?
Tumayo siya mula sa pagkakaindian sit sa sementadong sahig at pumwesto sa railings ng rooftop. Sa pwestong iyon, kita niya ang buong itsura ng eskwelahan at ang lawak nito. Dama r
