Inaabangan ko ang araw na ito. Ang araw kung kailan ikakasal si Apollo at Shaicy. Alam ko kung ano ang naging plano nila. Malamang ay hindi ko hahayaan na pababayaan lang ako ni Shaicy matapos niyang makuha ang gusto niya sa akin. Alam ko naman na may naibigay din siya sa akin. Malaking halaga na rin ang kalahating milyon na nakuha ko kay Shaicy. Kaya hindi na ako nagreklamo pa nang hayaan niya akong mapatalsik sa C.U. Ano pa ba ang pakialam ko roon? Handa kong isuko ang pangarap ko para lang hindi umangat si Vivian. Matindi pa rin ang galit ko sa kaniya. Ni minsan ay hindi ko naman naramdaman na nagpaka-ate siya sa akin. Kaya ko rin namang magtrabaho, pero sa kaniya inaasa nina Mama at Papa ang lahat. Pakiramdam ko ay ang tingin sa akin ng mga magulang namin ay wala akong kwentang anak at
