[APOLLO CASH’S P.O.V.]
Mabilis lang ang naging takbo ng araw at dumating na ang huling araw ng Foundation Week Event. Kahit papaano ay nawala ang stress ko mula sa trabaho sa kumpaniya. Hindi ko rin maramdaman na napagod ako sa nagdaang ilang araw sa kakaluto sa booth ni Vivian. Nag-enjoy din ako, lalo na at kasama ko siya. Masaya akong makasama siya araw-araw. Kapag natatapos ang araw ay dumederetso kami sa bahay ko o ‘di kaya ay sa unit niya para matulog. Bawing-bawi ako ng oras sa kaniya, dahil halos isang buwan akong abala sa paghahanap ng kumakalaban sa akin sa Cashland Company.
Hindi kami sabay ngayon ni Vivian na pupunta sa C.U. I told her to go first there and I will just come by later on. May pinuntahan lang ako sa kumpaniya ko, tapos ay papunta na rin ako ngayon sa C.U. Dahil
