KABANATA 27: THE REALIZATION
"Nagkakamali kayo, pamangkin ko ang batang 'yan." Tumango-tango naman si Megumi habang nakangiti nang maunahan na sumagot ni Kaito. "Isa pa, huwag kayong masyadong maraming tanong," dagdag nito. Agad niyang nilingon ang tiyuhin. "Huwag mo nga silang pagsalitaan ng ganiyan. Kailangan natin ng tulong at dapat mapagkumbaba ka," mahina niyang sermon dito na may nandudumilat na mga mata. "Huwag mong sabihin na may baril ka kaya nag-aangas ka. Iyang baril mo, Uncle Kaito, hindi tayo mabibigyan ng kubong matutuluyan." Daig pa ng isang babae nang umirap si Kaito at bumaling sa ibang dako. Si Megumi naman ay may ngiting hinarap ang dalawang may-edad. "Pasensiya na ho. Wala kaming matutuluyan. Pwede ho bang manatili muna kami rito?" Nagkatinginan ang mag-asawa bago nagsalita ang ginang. "Pwede
- Writer
