Humihikab na bumaba siya ng hagdan at nag-inat pa ng makababa siya. Tinanghali siya ng gising dahil nag-movie marathon siya kagabi. Ngayon kasi ang simula ng sembreak nila kaya hindi na problema kung malate siyang gumising. Mas naging mahimbing pa ang tulog niya sa mga sumunod na gabi simula noong nanggaling siya bahay ng magulang ni JJ. At ang hinayupak na lalaking 'yun, hindi na talaga nagpakita sa kanya. Palagi tuloy niyang minumura ang lalaki 'pag wala siyang ginagawa.
Lumapit siya sa laptop na nakapatong sa mesa sa gilid at kinutingting 'yun. Pinatugtog niya ang kantang sexy b***h at ginalaw-galaw ang balakang at itinaas pa ang kamay. Nakasanayan na kasi niyang gawin 'yun bilang morning exercise niya. Hinahanap din kasi ng katawan niya ang pagsayaw-sayaw. Kumuha siya ng rubberband na
