Pabalibag na isinara niya ang pinto ng kotse nito pagkababa niya ng sasakyan. Dere-deretso siyang naglakad papasok sa gate ng bahay nila. Hindi niya ito nilingon kahit narinig niya ang malakas na pagsara nito sa pinto ng sasakyan. Mas lalo pa niyang binilisan ang paglakad para hindi siya nito maabutan ngunit dahil likas na mas mahaba ang biyas nito ay mabilis itong nakalapit sa kanya at napigilan pa ang tangka niyang pagsasara niya ng pinto.
"What the…"
Hindi ito nagsalita bagkos ay bigla itong yumuko at binigyan siya ng smack sa labi. "Goodnight," bulong nito bago tumalikod at bumalik sa kotse nito. Naiwan tuloy siya roon na nakatulala at nakasunod ang tingin dito hanggang mawala sa paningin niya ang sasakyan nito.
Naguguluhan na talaga siya sa ugali ni JJ. Bakit ba palagi nalang itong
